કિડનીની બિમારી પહેલા શરીર આપે છે આ સંકેતો, તમે પણ જાણી લો

HD ન્યુઝ ડેસ્કઃ આપણા શરીરના મહત્વના અંગોમાં કિડનીનો સમાવેશ થાય છે. કઠોળના આકાર જેવી દેખાતી કિડની લોહીને શુદ્ધ કરવાની સાથે શરીરમાંથી ઝેરી તત્વોને દૂર કરવાનું કામ કરે છે. જો તમારી કીડની કોઈ કારણસર ખરાબ થઈ જાય છે, તો તેના કારણે તમારું શરીર અનેક બીમારીઓથી ઘેરાઈ જાય છે. કિડની શરીરમાં પીએચ સ્તર, મીઠું અને પોટેશિયમની સામગ્રીને પણ નિયંત્રિત કરે છે. ખોટા ખાનપાન અને જીવનશૈલીના કારણે કિડનીમાં અનેક પ્રકારની સમસ્યાઓ થાય છે. વધુ પડતા દારૂનું સેવન, હૃદયરોગ, હેપેટાઈટીસ સી અને એચઆઈવી પણ કિડની ફેલ થવાના મુખ્ય કારણો છે.

ડોક્ટરના જણાવ્યા અનુસાર, કિડનીના રોગોને સાયલન્ટ કિલર કહેવામાં આવે છે કારણ કે 90 ટકા દર્દીઓમાં છેલ્લા સ્ટેજ સુધી કોઈ લક્ષણો દેખાતા નથી. આનાથી બચવા માટે, કિડની રોગના પ્રારંભિક સંકેતોને ઓળખીને તેની સારવાર કરવી જરૂરી છે.  

કિડની રોગના લક્ષણોને અવગણશો નહીં

કિડનીની બીમારી સામાન્ય રીતે પ્રારંભિક તબક્કામાં શાંત હોય છે. સીરમ ક્રિએટીનાઈન અને યુરીન આલ્બ્યુમિન ડિટેક્શન જેવા ટેસ્ટની મદદથી તેનું નિદાન કરવાનો પ્રયાસ કરવામાં આવે છે. પછીના તબક્કામાં, કિડનીની સમસ્યાથી પીડાતા દર્દીઓને આખા શરીરમાં સોજો, પેશાબમાં ફીણ અને ક્યારેક લોહીનો અનુભવ થઈ શકે છે. કિડનીનું કાર્ય નબળું પડવાથી શરીરમાં ઝેરી તત્વો જમા થવા લાગે છે, જેના કારણે કમરનો દુખાવો, પેટ અને પાંસળીમાં દુખાવો, ખંજવાળ, ત્વચાની શુષ્કતા પણ કિડનીની વિકૃતિના પ્રારંભિક લક્ષણો હોઈ શકે છે. હાઈ બ્લડ પ્રેશર એ કિડનીની સમસ્યાઓના સૌથી સામાન્ય અને પ્રારંભિક ચેતવણી ચિહ્નોમાંનું એક છે.  

આ પણ વાંચોઃ હિમોગ્લોબિન વધારવા અને લોહી શુદ્ધ કરવા ભોજનમાં જરૂર લો આ વસ્તુઓ