કપિલ સિબ્બલે સુપ્રીમ કોર્ટમાં માંગવી પડી માફી, જાણો શું થયું?

• હેમંત સોરેને વચગાળાના જામીનની કરી હતી અરજી
• સુપ્રીમ કોર્ટે હેમંત સોરેનની જામીન અરજી ફગાવી

દિલ્હી, 22 મે:  સુપ્રીમ કોર્ટમાં હેમંત સોરેનની વચગાળાના જામીનની અરજીની સુનાવણી દરમિયાન કેટલીક ચોંકાવનારી બાબતો કોર્ટના ધ્યાનમાં આવી હતી જેને પગલે કોર્ટે સોરેનને વકીલ કપિલ સિબ્બલનો ઉધડો લેતાં સિબ્બલે કોર્ટમાં માફી માગવી પડી હતી. અરવિંદ કેજરીવાલની જેમ હેમંત સોરેને પણ લોકસભા ચૂંટણીમાં પ્રચાર કરવા માટે વચગાળાના જામીન માંગ્યા હતા. એ દરમિયાન કેટલાક તથ્યો પ્રકાશમાં આવ્યા, જે બાદ હેમંત સોરેનના વકીલ કપિલ સિબ્બલે કહેવું પડ્યું કે આ તેમની ભૂલ હતી. કડકતા દર્શાવતા સુપ્રીમ કોર્ટે કપિલ સિબ્બલને કહ્યું કે તે અરજીની યોગ્યતાને ધ્યાનમાં લીધા વિના તેમની ધરપકડ સામેની તેમની અરજીને ફગાવી દેશે. જો કોર્ટ વિગતો તપાસે તો તે તેમના માટે નુકસાનકારક રહેશે.

હકીકતમાં, અરજદારે કોર્ટ સમક્ષ તમામ તથ્યો રજૂ ન કરવા પર સુપ્રીમ કોર્ટે ભારે નારાજગી વ્યક્ત કરી હતી. હેમંત સોરનની અરજી પર સુપ્રીમ કોર્ટે સવાલ કર્યો હતો કે જ્યારે સોરેને સુપ્રીમ કોર્ટનો સંપર્ક કર્યો હતો ત્યારે કોર્ટને શા માટે જણાવવામાં આવ્યું ન હતું કે સ્પેશિયલ કોર્ટ સમક્ષ જામીન અરજી પેન્ડિંગ છે અને નીચલી કોર્ટે ચાર્જશીટની નોંધ લીધી છે. સુપ્રીમ કોર્ટના આ અઘરા સવાલ બાદ વરિષ્ઠ વકીલ કપિલ સિબ્બલે સુપ્રીમ કોર્ટમાં માફી માંગી છે.

સર એ મારી ભૂલ છે: કપિલ સિબ્બલે

હેમંત સોરેન તરફથી હાજર રહેલા કપિલ સિબ્બલે સુપ્રીમ કોર્ટમાં કહ્યું, ‘આ મારી અંગત ભૂલ છે, મારા ક્લાઈન્ટની નથી. તેઓ જેલમાં છે અને હું વકીલ છું જે તેમના માટે કામ કરી રહ્યો છું. મારો હેતુ કોર્ટને ગેરમાર્ગે દોરવાનો નથી એમ કહી સિબ્બલે એવો પણ દાવો કર્યો કે મેં આવું ક્યારેય કર્યું નથી. આ પછી જસ્ટિસ દીપાંકર દત્તા અને જસ્ટિસ સતીશ ચંદ્ર શર્માની ખંડપીઠે કહ્યું, ‘અમે મેરિટને ધ્યાનમાં લીધા વિના તમારી અરજીને ફગાવી શકીએ છીએ, પરંતુ જો તમે દલીલ કરો છો તો અમારે મેરિટ પર વિચાર કરવો પડશે. આ તમારા માટે નુકસાનકારક બની શકે છે. તેને તમારા પર ન લો, તમે આટલા વરિષ્ઠ વકીલ છો.’

કપિલ સિબ્બલે બચાવમાં શું કહ્યું?

આ પછી કપિલ સિબ્બલે કહ્યું, ‘જ્યારે અમે વચગાળાની મુક્તિ માટે અરજી કરી હતી, ત્યારે તે એ હકીકત પર આધારિત હતું કે અમે કલમ 19 હેઠળ સંતુષ્ટ નથી. જામીનની દલીલ છૂટવાની દલીલથી અલગ છે. હું મારી ધારણામાં ખોટો હોઈ શકું છું પરંતુ આ કોર્ટને ગેરમાર્ગે દોરવા માટે ન હતું.’ તેના પર સુપ્રીમ કોર્ટે પૂછ્યું, ‘આ અંગે અમને જાણ કેમ ન કરવામાં આવી? જ્યારે આપણે જાણીએ છીએ કે અન્ય કોઈ ફોરમનો સંપર્ક કરવામાં આવ્યો છે ત્યારે અમે રિટ પિટિશન પર ધ્યાન આપતા નથી.’

ઈડીએ અરવિંદ કેજરીવાલનું નામ લઈને ક્યો વિરોધ

અગાઉ, EDએ સુપ્રીમ કોર્ટમાં સોરેનની વચગાળાની જામીન અરજીનો વિરોધ કર્યો હતો. EDએ એફિડેવિટ દાખલ કરીને કહ્યું કે ચૂંટણી માટે પ્રચાર કરવાનો અધિકાર ન તો મૂળભૂત અધિકાર છે, ન તો બંધારણીય અધિકાર છે કે ન તો કાનૂની અધિકાર છે. ED વતી એએસજી એસવી રાજુએ કહ્યું કે સોરેન અરવિંદ કેજરીવાલને આપવામાં આવેલી રાહતને ટાંકીને જામીનની માંગ કરી શકે નહીં. બંને કેસમાં હકીકતો અલગ-અલગ છે. ચૂંટણી પહેલા સોરેનની ધરપકડ કરવામાં આવી હતી, ત્યારબાદ આ કેસમાં કોર્ટે સોરેન સામેની ચાર્જશીટને સંજ્ઞાન લીધી છે. નીચલી અદાલતે પ્રથમ દૃષ્ટિએ તેમની સામેનો કેસ સ્વીકાર્યો હતો. તેમણે આ આદેશને ક્યાંય પડકાર્યો નથી. એટલું જ નહીં સોરેનની જામીન અરજી પણ ફગાવી દેવામાં આવી છે.

આ પણ વાંચો: PFIને સુપ્રીમ કોર્ટનો ઝટકો: HCનો નિર્ણય પલટાવ્યો, 8 આરોપીના જામીન કર્યા રદ્દ