કંગના રનૌતે શોર્ટ્સ પહેરીને મંદિર ગયેલી યુવતીને ધમકાવી, શેર કરી પોતાની પણ સ્ટોરી
બોલિવુડ એક્ટ્રેસ કંગના રનૌત સોશિયલ મીડિયા પર ઘણી એક્ટિવ રહે છે. તે પોતાના નિવેદનોને કારણે ચર્ચામાં રહે છે. કંગના કોઈ પણ મુદ્દા પર પોતાનો અભિપ્રાય આપવામાં પાછળ રહેતી નથી, જેના કારણે તે ઘણી વખત ટ્રોલર્સના નિશાને પણ આવે છે. આ વખતે કંગનાએ ટ્વિટર પર એક યુવતીને ઠપકો આપતો વીડિયો મૂક્યો છે જેમાં શોર્ટ્સ પહેરીને મંદિર ગઈ હતી. આટલું જ નહીં, કંગનાએ પોતાનો એક કિસ્સો પણ શેર કર્યો છે જેમાં તેણે કહ્યું છે કે તેને પણ શોર્ટ્સ અને ટી-શર્ટમાં વેટિકન સિટીમાં પ્રવેશ નકારવામાં આવ્યો હતો.
ટ્વિટર પર એક યુઝરે એક પોસ્ટ શેર કરી હતી જેમાં યુવતીઓ શોર્ટ્સમાં હિમાચલના બૈજનાથ શિવ મંદિર જઈ રહી હતી. યુઝરે ટ્વીટ કર્યું- આ હિમાચલના પ્રખ્યાત શિવ મંદિર બૈજનાથનું દ્રશ્ય છે. બૈજનાથ મંદિરે એવા પહોચ્યા કે જાણે તમે પબ કે નાઈટક્લબમાં ગયા હોવ. આવા લોકોને મંદિરમાં પ્રવેશ ન આપવો જોઈએ. હું આનો સખત વિરોધ કરું છું. આ બધું જોઈને જો મારી વિચારસરણી નાની કે નબળી કહેવાય તો પણ સ્વીકાર્ય છે.
કંગનાને યુવતીઓ પર આવી ગયો ગુસ્સો
આ ટ્વીટને રીટ્વીટ કરતા કંગનાએ લખ્યું- આ વેસ્ટર્ન કપડા છે, જેને અંગ્રેજોએ બનાવ્યા અને પ્રમોટ કર્યા હતા. એકવાર હું વેટિકનમાં હતી અને મેં શોર્ટ્સ, ટી-શર્ટ પહેરી હતી. મને કેમ્પસમાં પ્રવેશવા પણ દેવામાં આવી ન હતી. મારે હોટેલમાં જઈને ચેન્જ કરવાની હતી. નાઇટ ડ્રેસ પહેરેલા આ કેઝ્યુઅલ આળસુ અને મૂર્ખ છે. મને નથી લાગતું કે તેમનો અન્ય કોઈ ઈરાદો હશે પરંતુ આવા મૂર્ખ લોકો માટે કડક નિયમો હોવા જોઈએ.
These are western clothes, invented and promoted by white people, I was once at the Vatican wearing shorts and t shirt, I wasn’t even allowed in the premises, I had to go back to my hotel and change…. These clowns who wear night dresses like they are casuals are nothing but lazy… https://t.co/EtPssi3ZZj
— Kangana Ranaut (@KanganaTeam) May 26, 2023
જણાવી દઈએ કે કંગના રનૌત મનાલીની રહેવાસી છે. તે સોશિયલ મીડિયા પર અવારનવાર હિમાચલ પ્રદેશ અને તેના રાજ્યની સંસ્કૃતિ વિશે વાત કરે છે. તેણે હાલમાં જ સોશિયલ મીડિયા પર હરિદ્વારની તેની ટ્રીપની ઝલક શેર કરી હતી. વીડિયોમાં તે ગંગાના કિનારે બેઠેલી જોવા મળી રહી છે.
