ISROના વિજ્ઞાનીઓએ સેટેલાઇટના લોન્ચિંગ પહેલાં તિરુપતિ બાલાજીના કર્યા દર્શન

• શ્રીહરિકોટાના સતીશ ધવન સ્પેસ સેન્ટરથી પહેલી જાન્યુઆરીને સોમવારે PSLV-C58/XPoSat મિશનનું લોન્ચિંગ
• મિશનની સાથે 10 અન્ય ઉપગ્રહોના સફળ લોન્ચિંગ માટે ભગવાન વેંકટેશ્વરને પ્રાર્થના કરવામાં આવી

તિરુપતિ, 31 ડિસેમ્બર : ISRO દ્વારા આવતીકાલે પહેલી જાન્યુઆરીને સોમવારે PSLV-C58 લૉન્ચ કરવામાં આવશે. આ લૉન્ચ પહેલાં ISROના વિજ્ઞાનીઓ અમિતકુમાર પાત્રા, વિક્ટર જોસેફ, યશોદા અને શ્રીનિવાસ તિરુપતિના તિરૂમાલામાં ભગવાન વેંકટેશ્વરના દર્શન કરવા પહોંચ્યાં હતાં. વિજ્ઞાનીઓએ સેટેલાઇટ લોન્ચ પહેલા ભગવાન વેંકટેશ્વરના આશીર્વાદ લીધા હતા. શ્રીહરિકોટાના સતીશ ધવન સ્પેસ સેન્ટરથી આ PSLV-C58 એક્સ-રે પોલારીમીટર સેટેલાઇટ (XPoSat) મિશન અને 10 અન્ય ઉપગ્રહોનું લોન્ચિંગ 1લી જાન્યુઆરી 2024ના રોજ સોમવારે 09:10 કલાકે નિર્ધારિત કરવામાં આવ્યું છે.

#WATCH | ISRO scientists Amit Kumar Patra, Victor Joseph, Yashoda, and Srinivas visit Tirumala Sri Venkateswara temple ahead of the launch of PSLV-C58/EXPOSAT mission, which is scheduled at 09:10 hrs IST on Monday, 1st January 2024. The launch is planned from Satish Dhawan Space… pic.twitter.com/Q6hOEMn4Cf

— ANI (@ANI) December 31, 2023

🚀 PSLV-C58/ 🛰️ XPoSat Mission:
The launch of the X-Ray Polarimeter Satellite (XPoSat) is set for January 1, 2024, at 09:10 Hrs. IST from the first launch-pad, SDSC-SHAR, Sriharikota.https://t.co/gWMWX8N6Iv

The launch can be viewed LIVE
from 08:40 Hrs. IST on
YouTube:… pic.twitter.com/g4tUArJ0Ea

— ISRO (@isro) December 31, 2023

એક્સપોસૈટ શું છે?

XPoSat (X Polarimeter Satellite) અવકાશી સ્ત્રોતોમાંથી એક્સ-રે ઉત્સર્જનના અવકાશ-આધારિત ધ્રુવીકરણ માપનમાં સંશોધન કરવા માટે ISROનો પ્રથમ ઉપગ્રહ છે. IMS-2 બસ પ્લેટફોર્મ પરથી સેટેલાઇટ કન્ફિગરેશનમાં ફેરફાર કરવામાં આવ્યો છે. તેમાં બે પેલોડ્સ છે, POLYX (એક્સ-રેમાં પોલરીમીટર સાધન) અને XSPECT (એક્સ-રે સ્પેક્ટ્રોસ્કોપી અને સમય). POLIXનું નિર્માણ રમન રિસર્ચ ઇન્સ્ટિટ્યૂટ દ્વારા કરવામાં આવ્યું છે અને XSPECTનું નિર્માણ યૂ.આર.રાવ સેટેલાઇટ સેન્ટરના સ્પેસ એસ્ટ્રોનોમી ગ્રુપ દ્વારા કરવામાં આવ્યું છે.

સેટેલાઇટ બ્લેક હોલનો અભ્યાસ કરશે

PSLV-C58 રોકેટ, તેના 60મા મિશનમાં, પ્રાથમિક પેલોડ XPoSat અને 10 અન્ય ઉપગ્રહોને પૃથ્વીની નીચી ભ્રમણકક્ષામાં તૈનાત કરશે. ચેન્નાઈથી લગભગ 135 કિમી પૂર્વમાં સ્થિત આ સ્પેસપોર્ટના પ્રથમ લોન્ચ પેડ પરથી 1 જાન્યુઆરીએ સવારે 9.10 વાગ્યે ટેક-ઓફ માટે રવિવારે 25 કલાકનું કાઉન્ટડાઉન શરૂ થઈ ગયું છે. ઉલ્લેખનીય છે કે, ISRO સિવાય, US સ્થિત નેશનલ એરોનોટિક્સ સ્પેસ એજન્સી (NASA)એ ડિસેમ્બર 2021માં સુપરનોવા વિસ્ફોટોના અવશેષો અને બ્લેક હૉલ દ્વારા ઉત્સર્જિત પાર્ટિકલ સ્ટ્રીમ્સ અને અન્ય કોસ્મિક ઘટનાઓ પર સમાન અભ્યાસ માટે ઇમેજિંગ એક્સ-રે પોલારીમેટ્રી એક્સપ્લોરર મિશન હાથ ધર્યુ છે.

સ્પેસ એજન્સીએ કહ્યું કે, ભારતમાં ઇમેજિંગ અને ટાઈમ ડોમેન અભ્યાસ પર ધ્યાન કેન્દ્રિત કરતી અવકાશ-આધારિત એક્સ-રે એસ્ટ્રોનોમીની સ્થાપના કરવામાં આવી છે. જેથી વૈજ્ઞાનિકો માટે સોમવારનો દિવસ મહત્વનો છે.

આ પણ જુઓ :PM મોદીની વિતેલા એક વર્ષની મુખ્ય ક્ષણો સમાચાર એજન્સીએ શૅર કરી