IPL ઓક્શનઃ શું આ વખતે ટીમના ખેલાડીઓમાં મોટાપાયે થઈ જશે ફેરફાર?

નવી દિલ્હી, 25 જુલાઈ : IPL 2025 માટે મેગા ઓક્શન યોજાશે.આ મેગા ઓક્શન દર ત્રણ વર્ષે થાય છે. મેગા ઓક્શન પહેલા ટીમો માત્ર 04 ખેલાડીઓને જ રિટેન કરી શકશે. ઘણા વર્ષોથી ચાલી રહેલી મેગા ઓક્શનમાં આ વખતે મોટો ફેરફાર જોવા મળી શકે છે. અગાઉ, IPL 2024 માટે મીની હરાજીમાં ટીમો પાસે ખેલાડીઓને ખરીદવા માટે 100 કરોડ રૂપિયાની પર્સ વેલ્યુ હતી, જે હવે વધી શકે છે. અહેવાલ અનુસાર, IPL 2025 માટે મેગા ઓક્શનમાં ટીમોની પર્સ વેલ્યુ 130 થી 140 કરોડ રૂપિયા હોઈ શકે છે. જો કે આ અંગે હજુ સુધી કોઈ સત્તાવાર માહિતી સામે આવી નથી, પરંતુ જો આવું થશે તો ટીમોને ખેલાડીઓ ખરીદવાની વધુ સ્વતંત્રતા મળશે. આવી સ્થિતિમાં ટીમો સારા ખેલાડીઓ પર મહત્તમ બોલી લગાવી શકે છે.

મિચેલ સ્ટાર્કનો રેકોર્ડ તૂટી શકે

જો ટીમોની પર્સ વેલ્યુ વધે તો મિશેલ સ્ટાર્કનો રેકોર્ડ તૂટી શકે છે. આઈપીએલ 2024 માટે યોજાયેલી મીની હરાજીમાં કોલકાતા નાઈટ રાઈડર્સે મિશેલ સ્ટાર્કને 24.75 કરોડ રૂપિયામાં ખરીદ્યો હતો. આ કિંમત સાથે સ્ટાર્ક IPL ઈતિહાસમાં સૌથી મોંઘો ખેલાડી બની ગયો છે. હવે જો ટીમોના પર્સ વેલ્યુમાં વધારો થશે તો મેગા ઓક્શનમાં IPLના ઈતિહાસમાં સૌથી મોંઘા ખેલાડીનો રેકોર્ડ તૂટી શકે છે.

આ પણ વાંચો : રાજ્ય સરકાર ખનિજ ધરાવતી જમીન પર રોયલ્ટી વસૂલ કરી શકે છે: SCનો મહત્ત્વપૂર્ણ નિર્ણય

આ ટીમોમાં મોટા ફેરફારો થઈ શકે છે

મુંબઈ ઈન્ડિયન્સ : મેગા ઓક્શન પહેલા મુંબઈ ઈન્ડિયન્સમાં રોહિત શર્માના રૂપમાં મોટો ફેરફાર જોવા મળી શકે છે. અગાઉ 2024 IPLમાં મુંબઈએ રોહિત શર્માની જગ્યાએ હાર્દિક પંડ્યાને ટીમનો કેપ્ટન બનાવ્યો હતો. આ પછી મીડિયા રિપોર્ટ્સમાં એવો દાવો કરવામાં આવ્યો હતો કે મુંબઈ મેગા ઓક્શન પહેલા રોહિત શર્માને રિલીઝ કરશે. એવા અહેવાલો છે કે સૂર્યકુમાર યાદવે પણ મુંબઈ ઈન્ડિયન્સ છોડી દીધી છે.

લખનૌ સુપર જાયન્ટ્સ : 2025ની મેગા ઓક્શન પહેલા લખનૌ સુપર જાયન્ટ્સમાં મોટો ફેરફાર થઈ શકે છે. ટીમના કેપ્ટન કેએલ રાહુલને બહાર કરી શકાય છે. મીડિયા રિપોર્ટ્સનું માનીએ તો રોયલ ચેલેન્જર્સ બેંગ્લોર રાહુલ પર નજર રાખી રહ્યું છે. રાહુલ આરસીબીમાં વાપસી કરી શકે છે.

આ પણ વાંચો : ચોર-પોલીસ તાજમહેલ જોવા પહોંચ્યા? યુપી પોલીસ હરિયાણા પોલીસના એ કોન્સ્ટેબલને શોધી રહી છે…