IPL 2024 : DC એ MI ને 10 રને હરાવ્યું, પ્લેઓફમાં સ્થાન મજબૂત કર્યું

નવી દિલ્હી, 27 એપ્રિલ : ઈન્ડિયન પ્રીમિયર લીગ (IPL) 2024 સીઝનમાં શનિવારે દિલ્હીની ટીમે મુંબઈ ઈન્ડિયન્સ (MI) ને તેમના હોમ ગ્રાઉન્ડ પર 10 રને હરાવ્યું છે આમ રિષભ પંતની કપ્તાનીવાળી દિલ્હી કેપિટલ્સ (DC) એ સતત બીજી મેચ જીતીને જોરદાર વાપસી કરી છે.

આ મેચ દિલ્હીના અરુણ જેટલી સ્ટેડિયમમાં રમાઈ હતી, જેમાં દિલ્હી દ્વારા 258 રનનો લક્ષ્યાંક આપવામાં આવ્યો હતો. જવાબમાં મુંબઈની ટીમ 9 વિકેટ ગુમાવીને 247 રન જ બનાવી શકી અને મેચ હારી ગઈ છે. ટીમ માટે તિલક વર્માએ 32 બોલમાં સૌથી વધુ 63 રનની ઇનિંગ રમી હતી.

જ્યારે કેપ્ટન હાર્દિક પંડ્યાએ 24 બોલમાં 46 રન અને ટિમ ડેવિડે 17 બોલમાં 37 રન બનાવ્યા હતા. પરંતુ તેમાંથી કોઈ પણ પોતાની ટીમને જીત સુધી લઈ જઈ શક્યું ન હતું. બીજી તરફ દિલ્હી કેપિટલ્સ તરફથી મુકેશ કુમાર અને રસિક સલામે 3-3 વિકેટ લીધી હતી. જ્યારે ખલીલ અહેમદને 2 સફળતા મળી હતી.

પ્લેઓફની રેસમાં દિલ્હી મજબૂત છે

આ મેચમાં જીત સાથે દિલ્હીની ટીમ પ્લેઓફમાં મક્કમપણે પહોંચી ગઈ છે. તેણે અત્યાર સુધી 10માંથી 5 મેચ જીતી છે. આ જીત સાથે દિલ્હી 10 પોઈન્ટ સાથે ટેબલમાં 5માં સ્થાને આવી ગયું છે. બીજી તરફ મુંબઈની ટીમ 9મા નંબર પર છે. તેણે 9માંથી માત્ર 3 મેચ જીતી છે. હવે તેના માટે પ્લેઓફનો રસ્તો મુશ્કેલ બની ગયો છે. હવે મુંબઈને પ્લેઓફ માટે ક્વોલિફાય કરવા માટે કોઈપણ ભોગે તેની બાકીની તમામ 5 મેચ જીતવી પડશે.

આ પણ વાંચો : ક્રિકેટમાં Ultra Edge Technology કેવી રીતે કામ કરે છે જાણો