રડવાને બદલે પડકાર ઉપાડી લીધો અને હવે સફળતાના માર્ગે…
કોલકાતા, 15 ફેબ્રુઆરી : સોશિયલ મીડિયામાં રોજ નવા નવા વીડિયો વાઇરલ થતાં જ હોઇ છે, તેજ રીતે કોલકાતાના 19 વર્ષના સાગરનો પણ એક વીડિયો સામે આવ્યો છે જે તેમાં તેના સ્વર્ગસ્થ પિતાના રસ્તાની બાજુમાં રેસ્ટોરેન્ટ બનાવવાના સપનાંને પુનઃજીવિત કરવાના મિશન પર છે. @okaysubho અને @kolkatachitro_graphy દ્વારા સાગરની પ્રેરણાદાયી વાર્તા શેર કરતી તાજેતરની ઇન્સ્ટાગ્રામ પોસ્ટે ઘણા લોકોના દિલ જીત્યા છે. થોડા મહિના પહેલા જ તેના માતા-પિતાને ગુમાવ્યા પછી સાગર મક્કમતાથી પોતાની ફિજિકલ સ્પેસની સાથે તેની શક્તિ અને આશાનું પણ પુનઃનિર્માણ કરવામાં લાગી ગયો છે. ટ્રેજેડીને સફળતામાં ફેરવી જ્યારે પૈસા ભૌતિક જગ્યાનું પુનઃનિર્માણ કરી શકે છે, ત્યારે તમારો ભાવનાત્મક ટેકો તેના સંકલ્પને મજબૂત કરવામાં મદદ કરે છે. જેમાં આ પોસ્ટ માનવ ભાવનાની સ્થિતિસ્થાપકતાની હૃદયસ્પર્શી ઝલક આપે છે.
સાગરના અવિરત નિશ્ચયથી પ્રેરિત એકવાર બંધ થયેલો ફૂડ સ્ટોલ ફરીથી જીવંત થયો છે. વીડિયોમાં તે ભોજન બનાવતો, પ્લેટિંગ કરતો અને વાસણ જાતે ધોતો પણ જોવા મળે છે. તે જ સમયે, તે તેની નાની બહેનની સંભાળ પણ રાખે છે અને જ્યારે પણ તેને સમય મળે ત્યારે તે કમ્પ્યુટર તાલીમ વર્ગોમાં જાય છે.
જુઓ વીડિયો
View this post on Instagram
બંગાળી અભિનેતા સ્વસ્તિક મુખર્જી પણ આ યુવાન દ્વારા બનવવામાં આવેલા ભોજનનો આનંદ માણતા જોવા મળ્યા હતા. મુખર્જીએ આ છોકરાની રસોઈની કુશળતાથી પ્રભાવિત થયા હતા અને તેની સાથે ફોટો પડાવ્યો હતો. આ ફોટો સોશિયલ મીડિયા પર વાયરલ થયો છે, ઘણા લોકો છોકરાની પ્રતિભાના વખાણ કરી રહ્યા છે.
આ વીડિયોએ એક મિલિયનથી વધુ લાઈક્સ અને કોમેન્ટ્સ સાથે નેટીઝન્સ તરફથી પ્રશંસા મેળવી છે. એક નેટીઝને લખ્યું, “સાચા વ્યક્તિનું પ્રખ્યાત થવું એ સમાજ માટે ફાયદાકારક છે અને નૈતિક જીત પણ!” બીજાએ ઉમેર્યું, “બધા હીરો કેપ પહેરતા નથી. મોર પાવર ટુ યુ સાગર.” ત્રીજાએ કહ્યું, “આખરે સોશિયલ મીડિયાની સારી બાજુ જોઈને ખૂબ આનંદ થયો.”
આ પણ વાંચો : જર્મની પાસે બાલ્ટિક સમુદ્રમાં મળી 11 હજાર વર્ષ જૂની દિવાલ
