Instant debit credit card issuance from ATM:  હવે ગ્રાહકોએ બેંક બ્રાન્ચે જવાની કે ટપાલ દ્વારા કાર્ડ આવે ત્યાં સુધી લાંબી રાહ જોવાની જરૂર નહીં પડે, કારણ કે એક નવા ATM સોલ્યુશન હેઠળ બેંકો તુરંત જ પર્સનલાઇઝ્ડ RuPay કાર્ડ ઇશ્યૂ કરી શકશે. નવું ઓપન-સોર્સ એન્ડ્રોઇડ બેઝ્ડ એટીએમ સોલ્યુશન ગ્રાહકોને મશીનમાંથી જ પર્સનલાઇઝ્ડ રૂપે (RuPay) ડેબિટ, ક્રેડિટ અને નેશનલ કોમન મોબિલિટી કાર્ડ (NCMC) મેળવવા માટે સક્ષમ બનાવવા માટે ડિઝાઇન કરવામાં આવ્યું છે.

આ ટેકનોલોજીથી કાર્ડ ઈશ્યૂ થવાનો સમય ઘટશે અને કાર્ડ પેમેન્ટ સિસ્ટમમાં પણ ઝડપ આવશે. હવે એટીએમથી માત્ર રોકડ જ નહીં પરંતુ કાર્ડ પણ નીકળશે અને તે જ કાર્ડનો ઉપયોગ કરીને તમે કેશ પણ ઉપાડી શકશો. આ સિવાય ગ્રાહકો ઇચ્છે તો કાર્ડ વગર UPI દ્વારા પણ આ એટીએમથી પૈસા ઉપાડી શકશે.

આ નવા એટીએમ મશીનોને માત્ર કેશ કે કાર્ડ પુરતા સીમિત રાખવાને બદલે ચેક જમા કરવા, નવું ખાતું ખોલવા અને લોન અરજી જેવી બેંકિંગ સેવાઓ માટે પણ વિકસાવવામાં આવી રહ્યા છે. આનાથી બેંકોને પૂર્ણ-સેવા બ્રાન્ચ સ્થાપવી મુશ્કેલ હોય તેવા વિસ્તારોમાં ડિજિટલ બેંકિંગ પહોંચાડવામાં મદદ મળશે. બેંકો આ મશીનોને એરપોર્ટ, ટ્રાન્ઝિટ હબ, કોલેજ કેમ્પસ અને કોર્પોરેટ પાર્ક જેવા વધુ ભીડભાડવાળા સ્થળોએ સ્થાપવાની શક્યતાઓ તપાસી રહી છે.

આ નવી પહેલ હાલમાં મૂલ્યાંકન પ્રક્રિયા હેઠળ છે, જેમાં નેશનલ પેમેન્ટ્સ કોર્પોરેશન ઓફ ઇન્ડિયા (NPCI) અને એટીએમ ઉત્પાદકો સાથે મળીને 9 બેંકો આ સોલ્યુશન ચકાસી રહી છે. આ 9 બેંકોમાં સમાવેશ થાય છે:

આ સુવિધા મોટા પાયે લાગુ થવાથી બેંકિંગ ક્ષેત્રમાં ગ્રાહકોને કાર્ડ મેળવવામાં લાગતો સમય બચશે અને ડિજિટલ બેંકિંગ સેવાઓનો વ્યાપ વધુ ઝડપથી વધશે.