પાકિસ્તાનના ભૂતપૂર્વ વડા પ્રધાન ઇમરાન ખાનની હત્યા? અદિયાલા જેલમાં મુલાકાત લેવા ગયેલી બહેનને ભગાડી

બુધવારે અફઘાન મીડિયાએ દાવો કર્યો હતો કે પાકિસ્તાનના ભૂતપૂર્વ વડા પ્રધાન ઇમરાન ખાનની રાવલપિંડીની અદિયાલા જેલમાં હત્યા કરવામાં આવી છે. આનાથી પાકિસ્તાનમાં ગભરાટનો માહોલ સર્જાયો છે. ઇમરાન ખાનના સમર્થકો માંગ કરી રહ્યા છે કે જો તેઓ સુરક્ષિત અને જીવિત છે, તો તેમને મળવા કેમ નથી દેવામાં આવી રહ્યા? લોકો સોશિયલ મીડિયા પર પણ શાહબાઝ શરીફની સરકાર સામે પોતાનો ગુસ્સો ઠાલવી રહ્યા છે.

🚨 BIG BREAKING from Pakistan
Sources: Pakistani Regime Allegedly Killed Imran Khan in Prison

🟥Supporters of Imran Khan & thousands of members of the Pakistan Tehreek-e-Insaf (PTI) party are reportedly attempting to breach Adiala Jail in a bid to obtain information about their… pic.twitter.com/zCUV4WXnjB

— Afghanistan Defense (@AFGDefense) November 26, 2025

પાકિસ્તાનમાં ઇમરાન ખાનની હત્યાની અફવાઓ તેજ

પાકિસ્તાનના ભૂતપૂર્વ વડા પ્રધાન ઇમરાન ખાન 2023 થી રાવલપિંડીની અદિયાલા જેલમાં કેદ છે, પરંતુ પાકિસ્તાનમાં તેમની હત્યાની અફવાઓ ઝડપથી ફેલાઈ રહી છે. પાકિસ્તાની સેના અને સરકાર પર જેલમાં તેમને ત્રાસ આપવાનો આરોપ છે. જોકે, કોઈને પણ તેમને મળવા દેવામાં આવી રહ્યા નથી. મંગળવારે રાત્રે (25 નવેમ્બર) ઇમરાન ખાનની બહેનો, નૌરીન ખાન, અલીમા ખાન અને ઉઝમા ખાનને જેલમાંથી ખેંચીને બહાર કાઢવામાં આવી હતી અને માર મારવામાં આવ્યો હતો. પીટીઆઈ (પાકિસ્તાન તહરીક-એ-ઇન્સાફ)ના કાર્યકરો કોઈપણ ભોગે ઇમરાન ખાનને મળવાની માંગ કરી રહ્યા છે, જ્યારે પાકિસ્તાન સરકાર તેમના મૃત્યુના અહેવાલોને અફવા ગણાવીને ફગાવી રહી છે.

PTI ના હજારો સમર્થકો જેલની બહાર એકઠા થયા

અહેવાલો અનુસાર, ઇમરાન ખાનની પાકિસ્તાન તહરીક-એ-ઇન્સાફ (PTI) પાર્ટીના હજારો સમર્થકો જેલની બહાર એકઠા થયા છે, અને માંગ કરી રહ્યા છે કે અધિકારીઓ તેમના નેતાના સ્વાસ્થ્ય વિશે માહિતી આપે. સમર્થકોને નિયંત્રિત કરવા અને કોઈપણ હિંસક ઘટનાઓને રોકવા માટે જેલની બહાર સેંકડો સુરક્ષા કર્મચારીઓ તૈનાત કરવામાં આવ્યા છે. અહેવાલો સૂચવે છે કે ઇમરાન ખાનની બહેનો, અલીમા ખાન, ડૉ. ઉઝમા અને નૂરીન નિયાઝી, અન્ય પાર્ટી નેતાઓ સાથે, જેલ નજીક ફેક્ટરી નાકા પર ધરણા પર બેઠા છે, પરંતુ તેમને આગળ વધવા દેવામાં આવ્યા નથી.

There are reports and rumors claiming that #ImranKhan has been killed in prison by the Pakistani military.

It is also said that Imran Khan family has stated that they have not been allowed to meet him for about a month.

Where is Imran khan ? pic.twitter.com/2AC8OK39EO

— Najib Farhodi (@Najib_Farhodi) November 26, 2025

પંજાબ પોલીસ પર ક્રૂર હિંસાનો આરોપ

ઇમરાન ખાનની બહેનોએ પાકિસ્તાનની પંજાબ પોલીસ પર ક્રૂર હિંસાનો આરોપ લગાવ્યો છે. પંજાબ પોલીસ વડા ઉસ્માન અનવરને કરેલી ફરિયાદમાં, નૂરીન નિયાઝીએ જણાવ્યું હતું કે 71 વર્ષની હોવા છતાં, પોલીસ અધિકારીઓ તેમને વાળ પકડીને બહાર કાઢ્યા. તેમણે આરોપ લગાવ્યો કે, અચાનક સ્ટ્રીટલાઇટ બંધ કરી દેવામાં આવી જેથી અંધારામાં પોલીસ કાર્યવાહી કરી શકે. બહેનોને ઇમરાન ખાનને મળવાની મંજૂરી ન મળ્યાને એક વર્ષથી વધુ સમય થઈ ગયો છે. તેઓ છેલ્લી વખત 30 ઓક્ટોબર, 2024 ના રોજ મળ્યા હતા. વધુમાં, ઓક્ટોબર 2024 થી, તેમના રાજકીય પક્ષના કોઈપણ સમર્થક કે સભ્યને તેમને મળવાની મંજૂરી આપવામાં આવી નથી, જે તેમના સ્વાસ્થ્ય અથવા તેમના અસ્તિત્વ અંગે ગંભીર પ્રશ્નો ઉભા કરે છે.

આ પણ વાંચો: સુપ્રીમ કોર્ટેમાં SIR પર સુનાવણી, ચૂંટણી પંચને 1 ડિસેમ્બર સુધીમાં જવાબ આપવા નિર્દેશ