PF Balance Check: પીએફ એકાઉન્ટમાં કેટલા પૈસા છે? એક મેસેજ અથવા મિસ્ડ કૉલથી ઘરેબેઠા મેળવો માહિતી
નવી દિલ્હી: 26 નવેમ્બર, 2025: કર્મચારી ભવિષ્ય નિધિ સંગઠન (EPFO) પોર્ટલ પર PF બેલેન્સ ચેક કરવામાં સભ્યોને ઘણીવાર સમસ્યાઓનો સામનો કરવો પડે છે. જોકે, પોર્ટલનો ઉપયોગ કર્યા વિના પણ તમે સરળતાથી તમારા PF ખાતાની માહિતી મેળવી શકો છો. અહીં અમે તમને એવી સરળ પદ્ધતિઓ જણાવી રહ્યા છીએ, જેની મદદથી તમે SMS અથવા મિસ્ડ કૉલ દ્વારા PF બેલેન્સની માહિતી ઝડપથી મેળવી શકો છો.
પોર્ટલ પર બેલેન્સ ચેક કરવામાં સમસ્યા કેમ આવે છે?
EPF પાસબુક પોર્ટલ સભ્યો માટે એક સુવિધાજનક પ્લેટફોર્મ છે, પરંતુ કેટલીકવાર નીચેના કારણોસર બેલેન્સ ચેક કરી શકાતું નથી:
- ટેકનિકલ ખામીઓ: સર્વર ઓવરલોડ અથવા સિસ્ટમ મેન્ટેનન્સ.
- લૉગિન ભૂલો: ખોટી લૉગિન માહિતી.
- કેવાયસી અપડેટનો અભાવ: આધાર, PAN અથવા બેંક ખાતું UAN સાથે લિંક ન હોવું.
PF બેલેન્સ ચેક કરવાની સરળ રીતો
SMS દ્વારા
આ સુવિધાનો ઉપયોગ કરવા માટે તમારો UAN નંબર એક્ટિવ હોવો જોઈએ અને તે PAN તથા બેન્ક ખાતા સાથે લિંક હોવો જરૂરી છે.
- તમારા રજિસ્ટર્ડ મોબાઇલ નંબર પરથી 7738299899 નંબર પર આ ફોર્મેટમાં SMS મોકલો:
- EPFOHO UAN ENG
- ‘ENG’ (અંગ્રેજી) ની જગ્યાએ તમે તમારી પસંદગીની ભાષાના પહેલા ત્રણ અક્ષર લખી શકો છો, જેમ કે ગુજરાતી માટે ‘GUJ’, હિન્દી માટે ‘HIN’ અથવા તમિલ માટે ‘TAM’.
- SMS મોકલ્યા પછી, EPFO તમારી પસંદગીની ભાષામાં તમારા PF બેલેન્સની સંપૂર્ણ માહિતી SMS દ્વારા મોકલશે.
મિસ્ડ કૉલ સર્વિસ
ફક્ત એક મિસ્ડ કૉલ કરીને પણ PF બેલેન્સ ચેક કરી શકાય છે.
- તમારો UAN નંબર એક્ટિવ હોવો જોઈએ અને KYC વિગતો અપડેટ હોવી જોઈએ.
- તમારા રજિસ્ટર્ડ મોબાઇલ નંબર પરથી 011-22901406 પર મિસ્ડ કૉલ કરો.
- બે રિંગ પછી કૉલ આપોઆપ ડિસ્કનેક્ટ થઈ જશે અને તમને એક SMS પ્રાપ્ત થશે, જેમાં તમારા PF બેલેન્સની વિગતો હશે.
બેલેન્સ ચેક કરતાં પહેલાં આ કામો પૂરા કરો
EPF સભ્યોએ નીચે મુજબના કામો પહેલાં જ પૂરા કરવા જોઈએ, જેથી બેલેન્સ ચેક કરવા ઉપરાંત ક્લેમ અને નોમિની ઉમેરવામાં પણ સરળતા રહે:
- UAN એક્ટિવ કરો: EPFO પોર્ટલ દ્વારા તમારો યુનિવર્સલ એકાઉન્ટ નંબર (UAN) રજિસ્ટર્ડ અને એક્ટિવ કરો.
- KYC અપડેટ કરો: તમારા આધાર, PAN અને બેંક ખાતાને UAN સાથે લિંક કરો.
- મોબાઇલ નંબર રજિસ્ટર્ડ કરો: તમારો વર્તમાન મોબાઇલ નંબર UAN સાથે જોડાયેલો છે તેની ખાતરી કરો.
આ વૈકલ્પિક પદ્ધતિઓનો ઉપયોગ કરીને, ઈપીએફ સભ્યો ઈન્ટરનેટ વિના પણ સરળતાથી તેમના PF બેલેન્સની માહિતી મેળવી શકે છે.
આ પણ વાંચોઃ નિવૃત્ત ક્લાસ-2 અધિકારીની તિજોરીમાંથી નીકળ્યું ધન: ACBએ ₹3.08 કરોડની બેનામી મિલકત જપ્ત કરી
