કેવી રીતે મૈસૂર રાજ્ય કર્ણાટક બન્યું, જાણો સમગ્ર ઈતીહાસ

કર્ણાટક: કર્ણાટક વિધાનસભા ચૂંટણી 2023ના પરિણામો બધાની સામે છે. કોગ્રેસે ભાજપ પાસેથી સતા છીનવી લીધી છે.  શું તમે જાણો છો કે આઝાદી દરમિયાન આજનું કર્ણાટક રાજ્ય વીસથી વધુ પ્રાંતોમાં વહેંચાયેલું હતું? જેમાં બોમ્બે પ્રેસિડેન્સી, હૈદરાબાદ સ્ટેટ અને મદ્રાસ વગેરેનો સમાવેશ થાય છે. આજે અમે તમને આ રાજ્યનો ઈતિહાસ અને તેની રચનાની કહાણી જણાવીશું.

20 થી વધુ વિવિધ પ્રાંતોમાં વિભાજિત: વર્તમાન કર્ણાટક રાજ્ય સ્વતંત્રતા સમયે 20 થી વધુ વિવિધ પ્રાંતોમાં વિભાજિત હતું, જેમાં મદ્રાસ, બોમ્બે પ્રેસિડેન્સી અને હૈદરાબાદ રાજ્ય વગેરેનો સમાવેશ થાય છે. આઝાદી પછી, જ્યારે 1953 માં આંધ્ર પ્રદેશની રચના થઈ, ત્યારે મદ્રાસના ઘણા જિલ્લાઓ મૈસૂર સાથે જોડાઈ ગયા. તેનાથી લોકોમાં હિંસાની આગ ભભૂકી ઉઠી અને તેમનું આંદોલન બળવા પર ઉતરી આવ્યું. આખરે, સરકારે ભાષાકીય આધાર પર 1 નવેમ્બર 1956ના રોજ મૈસુર રાજ્યની સ્થાપના કરી. આમાં, તમામ કન્નડ ભાષી વિસ્તારોને એક રાજ્યમાં ભેળવી દેવામાં આવ્યા હતા. વર્ષ 1973માં તેનું નામ મૈસુર રાજ્યથી બદલીને કર્ણાટક કરવામાં આવ્યું હતું. તે સમયે રાજ્યના મુખ્યમંત્રી દેવરાજ ઉર્સ હતા.

કાળી માટીની ઊંચી જમીનઃ રાજ્યના નામ અંગે ઘણા જુદા જુદા અર્થઘટન છે. પરંતુ જેને સૌથી વધુ ઓળખ મળી છે તે છે ‘કાળી માટીની ઊંચી જમીન’ એટલે કે કર્ણાટક. વાસ્તવમાં, ‘કારુ’ એટલે કાળો અને ઊંચું અને ‘નાટ’ એટલે જમીન જે કાળી માટીમાંથી આવી છે અને ઊંચાઈ શબ્દ ડેક્કનના ​​ઉચ્ચપ્રદેશમાંથી લેવામાં આવ્યો છે. અહેવાલો અનુસાર, આ રીતે રાજ્યનું નામ કર્ણાટક પડ્યું. જ્યારે, અંગ્રેજોએ આ જગ્યા માટે ‘કર્ણાટિક’ શબ્દનો ઉપયોગ કર્યો હતો.

રાષ્ટ્રપતિ શાસન લાદવું પડ્યુંઃ 1977 અને 2013 ની વચ્ચે, એવા ઘણા પ્રસંગો બન્યા જ્યારે કર્ણાટકમાં રાષ્ટ્રપતિ શાસન લાદવું પડ્યું. અહીં મોટાભાગે કોંગ્રેસનું શાસન રહ્યું છે. 1983માં જનતા પાર્ટીના રામકૃષ્ણ હેગડેએ આ પરંપરા તોડી હતી, પરંતુ આ શાસન લાંબું ચાલ્યું નહીં. તે પછી, એચડી દેવગૌડા જનતા દળ વતી 1994 માં બિન-કોંગ્રેસી મુખ્યમંત્રી બન્યા. 2006 માં, ભાજપ-જેડીએસ ગઠબંધન સરકારની રચના થઈ અને દેવેગૌડાના પુત્ર એચડી કુમારસ્વામી મુખ્ય પ્રધાન બન્યા. જો કે આ સરકાર લાંબો સમય ચાલી શકી નથી. 

આ પણ વાંચોઃ કર્ણાટકમાં કોંગ્રેસની જંગી લીડ, રાહુલ ગાંધીએ કહ્યું કર્ણાટકમાં નફરતનું બજાર બંધ ,પ્રેમની દુકાન ખૂલી