- સગીરે રચ્યું પોતાના જ અપહરણનું નાટક.
- મોજશોખમાં દેવું થઈ જતાં આવ્યો આ વિચાર.
- 15 લાખ રુપિયા માગ્યા પોતાને છોડાવવાના પિતા જોડે.
વાલીઓ ચેતજો! પોતાના બાળકને ઘરથી દૂર ભણવા મુક્યું હોય તો ધ્યાન રાખજો
આ વાત છે પાટણના એક વેપારીના પુત્રની. જેને તેના પિતાએ અમદાવાદ શહેરમાં પરીક્ષાની તૈયારી કરવા મુક્યો હતો. ત્યારે પિતાએ પોતાના પુત્ર પર પુરતુ ધ્યાન ન રાખ્યું હોવાથી પુત્ર તૈયારી કરવાના બદલે મોજશોખના રવાડે ચડી ગયો, મોજશોખના રવાડે ચડતાં જ પોતાના પર દેવું થઈ ગયું હતું. ત્યાર બાદ પુત્ર જોડે લોકો પૈસા માગ્તા તેણે મિત્રો સાથે મળીને અપહરણનું નાટક રચ્યુંને પોતાના જ પિતા પાસેથી રુપિયા 15 લાખની માંગણી કરી હતી. ત્યાર બાદ પરિવારે પોલીસને ઘટનાની જાણ કરતા ક્રાઈમ બ્રાન્ચ દ્વારા સગીર તથા તેના બે મિત્રોને શોધીને પકડી લેવામાં આવ્યા હતા.
પુત્ર અમદાવાદમાં પરીક્ષાની તૈયારી કરવા આવ્યો હતો:
મળતી માહિતી મુજબ, પાટણમાં સોના-ચાંદીના દાગીનાનો ધંધો કરતા જ્વેલર્સના દીકરીને કેનેડા જવાનું હોવાથી ક્લાસ માટે અમદાવાદમાં PGમાં રહીને પરીક્ષાની તૈયારી કરી રહ્યો હતો. આ દરમિયાન પુત્ર મોજશોખના રવાડે ચડી જતા દેવું થઈ ગયું હતું. આથી તેણે પોતાના જ અપહરણનું નાટક રચ્યું અને નખથી શરીરને ઈજા કરી અને મિત્રોએ તેના હાથ-પગ અને મોઢું બાંધીને વીડિયો ઉતાર્યો અને બાદમાં પિતાને મોકલ્યો હતો.
આ પણ વાંચો: દારુડિયાઓ સામે કાર્યવાહીની માંગ કરનાર ધારાસભ્ય ગેનીબેન ઠાકોરનો સગો ભાઇ જ દારૂ સાથે ઝડપાયો
મિત્રો પાસે વીડિયો બનાવડાવી પિતાને મોકલ્યો:
વીડિયોમાં એક વ્યક્તિ દીકરાને છોડાવવા માટે વેપારી પાસે 15 લાખ રૂપિયાની માગણી કરી રહ્યો હતો અને પૈસા ન મળવા પર દીકરાને જાનથી મારી નાખવાની ધમકી પણ આપી હતી. જે બાદ સગીરના માસાએ પોલીસને જાણ કરતા સગીરને છોડાવવા કામે લાગી હતી. સગીરના પિતાને રૂ.15 લાખ લઈને ગુરુદ્વારા પાસે બોલાવવામાં આવ્યા હતા, જ્યાં તેઓ એક કલાક જેટલું ઊભા રહ્યા બાદમાં તેમનો દીકરો જ પૈસા ભરેલો થેલો લેવા આવતા પોલીસે સગીરને પકડી લીધો હતો.
પુત્રનું ભવિષ્ય ન બગડે એટલે પોલીસ ફરિયાદ કરાઈ નથી:
અપહરણનું નાટક કરીને પિતા પાસેથી રૂ.15 લાખની માગણી બાદ તેમાંથી 10 લાખ રૂપિયા સગીર તેના બંને મિત્રોને આપવાનો હતો, જ્યારે 5 લાખ પોતાની પાસે રાખવાનો હતો. પૂછપરછ દરમિયાન સગીરે પોતાના જ અપહરણનું નાટક બે મિત્રો સાથે મળીને રચ્યું હોવાનું જણાવ્યું હતું. જે બાદ પોલીસે સગીર તથા તેના બે મિત્રોને ઝડપી લીધા હતા. જોકે તેમનું ભવિષ્ય બગડે નહીં એટલે સમગ્ર મામલે પોલીસ ફરિયાદ કરાઈ નથી.
આ પણ વાંચો: લાંચિયા તલાટીને સસ્પેન્ડ કરાતા બુધેલ ગામમાં દિવાળી જેવો માહોલ, જુઓ આ સેલેબ્રેશન વીડિયો…
