ભ્રષ્ટાચારના આરોપો પર આસામના CM લાલઘુમ, સિસોદિયા પર બદનક્ષીનો કેસ કરવાની ધમકી
આસામના મુખ્યમંત્રી હિમંતા બિસ્વા સરમાએ ભ્રષ્ટાચારના આરોપો પર પોતાનો ખુલાસો કર્યો છે. દિલ્હીના ડેપ્યુટી સીએમ અને આમ આદમી પાર્ટીના વરિષ્ઠ નેતા મનીષ સિસોદિયાએ PPE કિટ કેસમાં હિમંતા બિસ્વા સરમા પર ભ્રષ્ટાચારનો આરોપ લગાવ્યો હતો. આ પછી, આસામના મુખ્યમંત્રીએ આ અંગે પોતાનો ખુલાસો રજૂ કરતા સિસોદિયા પર આકરા વાર કર્યા હતા. તેમણે કહ્યું કે “અડધા પૂરા થયેલા કાગળો ન બતાવો, હિંમત હોય તો આખી વાત કહો.” હિમંતા બિસ્વા સરમાએ ભ્રષ્ટાચારના આરોપોને લઈ પત્નીનો બચાવ કર્યો અને મનીષ સિસોદિયાને ફોજદારી માનહાનિના કેસનો સામનો કરવાની ચેતવણી પણ આપી હતી.
આસામના મુખ્યમંત્રીએ કહ્યું કે જ્યારે દેશ ગંભીર કોરોના રોગચાળાનો સામનો કરી રહ્યો હતો ત્યારે આસામ પાસે ભાગ્યે જ કોઈ PPE કીટ હતી. તેમણે કહ્યું કે તેમની પત્નીએ કોરોના મહામારી દરમિયાન સરકારને સેંકડો કીટ મફતમાં દાનમાં આપી હતી. હિમંતા બિસ્વા સરમાએ દિલ્હી સરકાર પર પ્રહાર કરતા કહ્યું કે “તેમને યાદ છે કે આસામમાંથી કોરોના પીડિતનો મૃતદેહ લાવવા માટે દિલ્હીને 7 દિવસ રાહ જોવી પડી હતી.”
સિસોદિયા અને પત્નીના બચાવ પર વળતો પ્રહાર
આસામના મુખ્યમંત્રી હિમંતા બિસ્વા સરમાએ ટ્વિટ કર્યું, ‘એ સમયે જ્યારે આખો દેશ સૌથી ખરાબ રોગચાળાનો સામનો કરી રહ્યો હતો, ત્યારે આસામ પાસે ભાગ્યે જ કોઈ PPE કીટ હતી. મારી પત્નીએ આગળ આવવાની હિંમત કરી અને જીવન બચાવવા માટે સરકારને લગભગ 1500 PPE કીટ મફતમાં દાનમાં આપી. તેણે આ માટે એક પણ પૈસો લીધો નથી.” તેમણે બીજા ટ્વિટમાં લખ્યું કે સિસોદિયા પ્રચાર કરવાનું બંધ કરો, તમે ટૂંક સમયમાં ગુનાહિત માનહાનિનો સામનો કરશો.”
Stop sermonising and I will see you soon in Guwahati as you will face criminal defamation.
— Himanta Biswa Sarma (@himantabiswa) June 4, 2022
7 દિવસ રાહ જોવી પડી- હિમંતા બિસ્વા સરમા
આસામના સીએમએ અન્ય એક ટ્વિટમાં લખ્યું, ‘મનીષ સિસોદિયા જી, તમે તે સમયે અલગ જ લુક બતાવ્યો હતો. તમે દિલ્હીમાં અટવાયેલા આસામના લોકોને મદદ કરવાના મારા ઘણા કોલને અવગણ્યા હતા. આસામમાંથી કોરોના પીડિતનો મૃતદેહ દિલ્હીના શબઘરમાંથી એકત્ર કરવા માટે મારે 7 દિવસ રાહ જોવી પડી તે સમયને હું ક્યારેય ભૂલી નહીં શકું.’
At a time when the entire country was facing the worst pandemic in over 100 years , Assam hardly had any PPE Kits
My wife took the courage of coming forward and donating around 1500 free of cost to the govt to save lives
She didn’t take a single penny. pic.twitter.com/ESPJ64qKen
— Himanta Biswa Sarma (@himantabiswa) June 4, 2022
શું છે મનીષ સિસોદિયાનો આરોપ?
દિલ્હીના ડેપ્યુટી સીએમ મનીષ સિસોદિયાએ દાવો કર્યો છે કે આસામના સીએમ હિમંતા બિસ્વા સરમાએ 2020માં PPE કિટના સપ્લાય માટે તેમની પત્ની, પુત્રના બિઝનેસ પાર્ટનરની કંપનીઓને સરકારી કોન્ટ્રાક્ટ આપ્યા હતા. હિમંતા બિસ્વા સરમા 2020માં સ્વાસ્થ્ય મંત્રી હતા. દરમિયાન, PPE કિટ ખરીદવા માટે ટેન્ડર બહાર પાડવામાં આવ્યા હતા. તેમણે કહ્યું કે ભાજપ આ ખુલ્લા ભ્રષ્ટાચાર પર કેમ ચૂપ છે. આ ગુનો છે કે નહીં? 600 રૂપિયાની કિટ 990 રૂપિયા અને 1680 રૂપિયામાં વેચવી એ કૌભાંડ છે કે નહીં?
