#HappyBirthdaySRK : જન્મદિવસે ચાહકોએ રાત્રે 12 વાગે શાહરૂખને આપી સરપ્રાઈઝ, સવારે શાહરૂખે ફિલ્મ ‘પઠાણ’નું ટીઝર કર્યું રિલીઝ
શાહરૂખ ખાન આજે તેનો 57મો જન્મદિવસ ઊજવી રહ્યો છે, તેથી તેનાં ફેન્સ દ્ધારા તેને ખાસ ટ્રીટ આપવામાં આવી હતી. કિંગ ખાનને શુભેચ્છા પાઠવવા અડધી રાત્રે સેંકડો ચાહકો શાહરૂખ ખાનના બંગલા ‘મન્નત’ની બહાર એકઠા થયા હતા અને લાંબા સમય સુધી ઉજવણી કરી હતી. શાહરૂખ તેનાં પુત્ર અબરામ સાથે બાલ્કનીમાં આવ્યો હતો અને તેની સ્ટાઈલમાં ફેન્સનું અભિવાદન કર્યું હતું.
આ પણ વાંચો : Birthday Special : શાહરૂખ કેવી રીતે બન્યો ‘કિંગ’ખાન ?
2જી નવેમ્બરની રાત્રે 12 વાગ્યાથી ચાહકો કલાકો સુધી તેમના ‘કિંગ’ની ઝલક મેળવવા માટે રાહ જોઈ રહ્યા હતા. રાત્રે જેવા 12 વાગ્યા હતા, શાહરૂખ બાલ્કનીમાં આવ્યો હતો અને ચાહકોને હાથ હલાવીને અભિવાદન કર્યું હતું. શાહરૂખ ખાન સાથે તેનો પુત્ર નાનો અબરામ ખાન પણ હતો. આટલી ભીડ જોઈને અબરામ આશ્ચર્યચકિત થઈ ગયો.
ચાહકોએ ‘લવ યુ શાહરૂખ’ની બૂમો પાડી : અભિનેતાએ ચાહકોને નમીને અભિવાદન કર્યું
શાહરૂખ ખાનના જન્મદિવસે તેનાં ફેન્સ બેનરો અને પોસ્ટરો લઈને તેનાં બંગલાની બહાર ભેગા થયા હતા. ઢોલ-નગારાં વગાડી રહ્યાં હતાં અને ચાહકો ખૂબ જ ઉજવણી કરી રહ્યાં હતાં. સીટીઓ અને ‘લવ યુ શાહરૂખ’ એવાં અવાજથી સમગ્ર વાતાવરણ ગુંજી ઉઠ્યું હતું. શાહરૂખે પણ તેમને નિરાશ કર્યા નોહતા. ક્યારેક તેણે ચાહકોને પોતાના સિગ્નેચર પોઝ પણ બતાવ્યો હતો ઉપરાંત શાહરૂખે તેનાં ફેન્સને ફ્લાઈંગ કિસ પણ આપી હતી.ચાહકોને આ રીતે પ્રેમ વરસાવતા જોઈને શાહરૂખનું ભાવુક થઈ ગયો હતો અને તેણે ફેન્સને માથું નમાવી અભિવાદન કર્યું હતું.
Apni kursi ki peti baandh lijiye…#PathaanTeaser OUT NOW! Celebrate #Pathaan with #YRF50 only at a big screen near you on 25th January, 2023. Releasing in Hindi, Tamil and Telugu. @deepikapadukone | @TheJohnAbraham | #SiddharthAnand | @yrf pic.twitter.com/eZ0TojKGga
— Shah Rukh Khan (@iamsrk) November 2, 2022
શાહરૂખે ચાહકોને આપી ખાસ ભેટ : ફિલ્મ ‘પઠાણ’નું ટીઝર કર્યું રિલીઝ
બોલિવૂડના બાદશાહ શાહરૂખ ખાને તેના 57માં જન્મદિવસના અવસર પર ચાહકોને એક ખાસ ભેટ આપી છે અને તેની મોસ્ટ અવેટેડ ફિલ્મ ‘પઠાણ’નું ટીઝર રિલીઝ કર્યું છે. એક્શનથી ભરપૂર ટીઝર એટલું જબરજસ્ત છે કે તે તમને શાહરૂખ ખાન, જોન અબ્રાહમ અને દીપિકા પાદુકોણને જોવા માટે ગુસબમ્પ્સ છોડી દેશે. ‘પઠાણ’ યશ રાજ ફિલ્મ્સના બેનર હેઠળ બની છે. આટલું જ નહીં, થોડા મહિના પહેલા પઠાણનો ફર્સ્ટ લૂક રિલીઝ થયો હતો, જેમાં જોન અબ્રાહમ, દીપિકા પાદુકોણ જેવા ચહેરાઓ જોવા મળ્યા હતા. પઠાણના ફર્સ્ટ લુકએ ચાહકોના દિલ જીતી લીધા હતાં અને ત્યારથી શાહરૂખ ખાનના ચાહકો ‘પઠાણ’ના ટીઝરની આતુરતાથી રાહ જોઈ રહ્યા છે.
‘પઠાણ’નું ટીઝર રિલીઝ
મોસ્ટ અવેટેડ એક્શન થ્રિલર ફિલ્મ ‘પઠાણ’નું ટીઝર આજે રિલીઝ કરવામાં આવ્યું છે. શાહરૂખ ખાને પોતાના ટ્વિટર હેન્ડલ પરથી ‘પઠાણ’નું ટીઝર લોન્ચ કર્યું છે. શાહરૂખે પોતાની પોસ્ટમાં લખ્યું- તમારી ખુરશીનો બેલ્ટ બાંધો, પઠાણનું ટીઝર લોન્ચ થઈ ગયું છે. પોસ્ટમાં જણાવવામાં આવ્યું છે કે આ ફિલ્મ હિન્દી, તમિલ અને તેલુગુ ભાષાઓમાં 25 જાન્યુઆરી, 2023ના રોજ રિલીઝ થશે.
શાહરુખ ખાનના આગામી પ્રોજેક્ટ્સ
‘પઠાણ’ સિવાય બોલિવૂડ સુપરસ્ટાર શાહરૂખ ખાન બીજી ઘણી ફિલ્મોમાં જોવા મળવાનો છે. જેમાં નયનતારા અને વિજય સેતુપતિ અભિનય કરતી ‘જવાન’ ફિલ્મનું નામ પણ સામેલ છે. આ સિવાય રાજકુમાર હિરાનીની ‘ડુનકી’ પણ ટૂંક સમયમાં આવી રહી છે.
PROUD Moment for all Indians ????????#HappyBirthdaySRK pic.twitter.com/3pBMhvFaFb
— Theshahrukhkhan02 (@SameerSRK02) November 1, 2022
આવું રહ્યું છે શાહરૂખ ખાનનું શાસન
સમગ્ર વિશ્વમાં શાહરૂખના લાખો ચાહકો છે. દર વખતે તેમના જન્મદિવસ પર, બુર્જ ખલીફા તેમનો ફોટો લગાડી રોશની કરે છે. શાહરૂખ ખાન આજે તેની ઉંમરના 57માં સ્ટેજ પર પહોંચી ગયો છે, પરંતુ તેના પ્રત્યે ફેન્સનો ક્રેઝ દિવસેને દિવસે વધી રહ્યો છે. લોકોના દિલો પર શાહરૂખ ખાનનું રાજ આજે પણ અકબંધ છે અને આવનારા સમયમાં પણ એવું જ રહેશે.
