Gujarat Accident News: ગુજરાતના સ્ટેટ હાઈવે પર ગઈકાલે રાત્રી દરમિયાન બનેલી બે જુદી જુદી ભયાનક દુર્ઘટનાઓએ રાજ્યને હચમચાવી દીધું છે. સાણંદ-વિરમગામ હાઈવે અને ગોધરા-વડોદરા હાઈવે પર થયેલા અકસ્માતોમાં કુલ 4 લોકોનાં મોત નિપજ્યાં છે, જ્યારે 8થી વધુ લોકો ગંભીર રીતે ઘાયલ થયા છે.
સાણંદ-વિરમગામ હાઈવે પર ટ્રિપલ અકસ્માત, આગમાં 2નાં મોત
સાણંદ-વિરમગામ હાઈવે પર કપચી ભરેલી ટ્રક વળાંક લઈ રહી હતી ત્યારે ઝડપથી આવી રહેલા દૂધના ટેન્કર સાથે જોરદાર ટક્કર થઈ. આ અથડામણમાં નજીકથી પસાર થતી થાર કાર પણ સપડાઈ ગઈ હતી. ટક્કર બાદ ત્રણેય વાહનોમાં ભીષણ આગ લાગી અને પળવારમાં આગનો ગોળો બની ગયા હતા. આ દુર્ઘટનામાં થાર કારમાં સવાર એક વ્યક્તિ અને ટ્રકના ક્લીનરનું સ્થળ પર જ મૃત્યુ થયું છે. ફાયર વિભાગે ભારે મહેનત બાદ આગ કાબૂમાં લીધી હતી.
અમારી WhatsApp ચેનલમાં જોડાવા આ લિંક પર ક્લીક કરો
ગોધરા-વડોદરા હાઈવે પર ચાર વાહનો વચ્ચે અકસ્માત, TRB જવાન સહિત 2નાં મોત
પંચમહાલ જિલ્લાના વેજલપુર-ખરસલીયા ચોકડી પાસે કન્ટેનર, આઈશર, ટ્રેલર અને વાન વચ્ચે શૃંખલાબદ્ધ અકસ્માત સર્જાયો હતો. આ દુર્ઘટનામાં ફરજ પર તૈનાત TRB જવાન જગદીશ બારિયા (32) અને વાન ચાલક અશરફ પઠાણ (30)નું કરુણ મૃત્યુ થયું છે. તેમજ વાનમાં સવાર એક જ પરિવારના 9 સભ્યો ઇજાગ્રસ્ત થયા છે, જેમાં 4 બાળકો અને 4 મહિલાઓનો સમાવેશ થાય છે. એકની હાલત ગંભીર હોવાથી વડોદરા સારવાર માટે ખસેડાયો છે.
હાઈવે સુરક્ષા પર ફરી સવાલ
બંને અકસ્માત બાદ સ્થાનિક પોલીસ દ્વારા તપાસ શરૂ કરવામાં આવી છે. સતત વધતા અકસ્માતોને કારણે હાઈવે સુરક્ષા અને વાહનચાલકોની સાવચેતી અંગે ફરી ચિંતા વ્યક્ત થઈ રહી છે.આ બનાવોએ ફરી એકવાર સાબિત કર્યું છે કે ઝડપ અને બેદરકારી રસ્તા પર જીવલેણ સાબિત થઈ શકે છે.
આ પણ વાંચો: ઈરાનના નવા સુપ્રીમ લીડર મોજતબા ખામેનેઈ પર સનસનીખેજ દાવો, ટ્રમ્પ પણ દંગ રહી ગયા
