મોનસૂનમાં આ જગ્યાઓએ જવાની છે અલગ મજા, દરેક ક્ષણ બનશે યાદગાર
![Text To Speech Text To Speech](https://humdekhenge.in/wp-content/themes/jannah/assets/images/play.png)
![ચોમાસાની સીઝનમાં કેરળની છ જગ્યાઓ કરો એક્સપ્લોર, સુંદરતા જીતી લેશે દિલ hum dekhenge news](https://humdekhenge.in/wp-content/uploads/2024/06/kerala.jpg)
વરસાદની સીઝન ફરવા માટે સૌથી સારો સમય હોય છે. ચારેય બાજુ હરિયાળી હોય છે. વાતાવરણ સોહામણું હોય છે અને હવામાં ઠંડક થાય છે. મોનસૂનમાં ફરવા માટે ભારતમાં અનેક સુંદર જગ્યાઓ છે, જ્યાં જઈને તમે નેચરલ બ્યુટીની મજા માણી શકો છો. ફેમિલી સાથે આ સીઝનમાં તમે હોલિડે ટ્રિપ પ્લાન કરી શકો છો. સખત ગરમી બાદ વરસાદ થોડી રાહત લઈને આવે છે. આ સીઝન દરમિયાન દેશની કેટલીક જગ્યાઓ સ્વર્ગ સમાન બની જાય છે.
મોનસુનમાં કરો આ જગ્યાની વિઝિટ
કેરળ
કેરળને God’s Own Contry કહેવામાં આવે છે. તે તેની પ્રાકૃતિક સુંદરતા, બેક વોટર્સ, હિલ સ્ટેશન અને બીચ માટે જાણીતું છે. વરસાદની મોસમમાં કેરળ ફરવાની એક અલગ જ મજા છે. તમે અહીં બોટિંગનો આનંદ લઈ શકો છો, હિલ સ્ટેશનની મુલાકાત લઈ શકો છો અથવા બીચ પર ફરવા જઈ શકો છો.
ગોવા
ગોવા ભારતનું સૌથી લોકપ્રિય પ્રવાસન સ્થળ છે. તે તેના દરિયાકિનારા, નાઇટલાઇફ અને ચર્ચ માટે જાણીતું છે. વરસાદની મોસમમાં ગોવાની મુલાકાત એક અલગ જ અનુભવ છે. અહીં તમે દરિયાકિનારાની મુલાકાત લઈ શકો છો, વોટર સ્પોર્ટ્સ અને નાઈટલાઈફનો આનંદ લઈ શકો છો.
મસૂરી
મસૂરી ઉત્તરાખંડ રાજ્યમાં આવેલું એક લોકપ્રિય હિલ સ્ટેશન છે. તે તેની પ્રાકૃતિક સુંદરતા, તળાવો અને પર્વતો માટે જાણીતું છે. તમે વરસાદની સીઝનમાં મસૂરીની મુલાકાતનો આનંદ માણી શકો છો. અહીં ફરવા માટે ઘણી જગ્યાઓ છે. જેમ કે કેમ્પ્ટી ફોલ્સ, ગન હિલ અને મોલ રોડ.
માઉન્ટ આબુ
માઉન્ટ આબુ રાજસ્થાન રાજ્યમાં આવેલું એક લોકપ્રિય હિલ સ્ટેશન છે. તે તેની પ્રાકૃતિક સુંદરતા, તળાવો અને મંદિરો માટે જાણીતું છે. વરસાદની સીઝનમાં માઉન્ટ આબુ ફરવાનું પ્લાનિંગ કરી શકાય છે. અહીં ફરવા માટે દેલવાડાના દેરા, નક્કી લેક, સનસેટ પોઈન્ટ અનેગુરુ શિખર જેવી જગ્યાઓ છે.
લદ્દાખ
લદ્દાખ ભારતનો કેન્દ્રશાસિત પ્રદેશ છે. તે તેની પ્રાકૃતિક સુંદરતા, બૌદ્ધ મઠો અને પર્વતો માટે જાણીતું છે. વરસાદની મોસમમાં લદ્દાખની મુલાકાત લેવી એ એક અલગ જ અનુભવ છે. તમે અહીં ફરવા માટે ઘણા સ્થળો શોધી શકો છો, જેમ કે પેંગોંગ લેક, નુબ્રા વેલી અને ખારદુંલા પાસ
આ પણ વાંચોઃ ગરમીની સીઝનમાં ઘરે સરળતાથી ઉગાડી શકશો તમાલપત્ર, જમવાનો સ્વાદ વઘારશે આ મસાલો