નાણાંમંત્રી નિર્મલા સીતારમણ અમેરિકાની પાંચ દિવસીય મુલાકાતે

નવી દિલ્હી, 21 એપ્રિલ, 2025: કેન્દ્રિય નાણાંપ્રધાન નિર્મલા સીતારમણ 20થી 25 એપ્રિલ સુધી અમેરિકાની પાંચ દિવસીય યાત્રા પર છે. તેઓ રવિવારે સાન ફ્રાંસિસ્કોના એરપોર્ટ પહોંચ્યા હતા, જ્યાં અમેરિકામાં ભારતીય રાજદૂત વિનય મોહન ક્વાત્રા અને સાન ફ્રાંસિસ્કોના ભારતના કોન્સલ જનરલ શ્રીકર રેડ્ડી કોપ્પુલાએ તેમનું સ્વાગત કર્યુ હતું. નાણામંત્રી તેમના પાંચ દિવસીય કાર્યક્રમ દરમિયાન વિવિધ કાર્યક્રમોમાં ભાગ લેશે. નાણા મંત્રાલયે X પર પોસ્ટ કરી અને સાન ફ્રાન્સિસ્કોમાં નાણામંત્રીના આગમનની માહિતી આપી હતી.

સાન ફ્રાન્સિસ્કોમાં 2 દિવસનું રોકાણ

નાણાપ્રધાન સીતારમણ 20 એપ્રિલથી સાન ફ્રાન્સિસ્કોની તેમની બે દિવસીય મુલાકાત દરમિયાન સ્ટેનફોર્ડ યુનિવર્સિટીની હૂવર ઇન્સ્ટિટ્યુશનમાં વિકસિત ભારત 2047 માટે ફાઉન્ડેશન સ્થાપવા પર સંબોધન કરશે. આ પછી ફાયરસાઇડ ચેટ સેશન એટલે કે અનૌપચારિક વાતચીત થશે. અહીં, સીતારમણ રોકાણકારો સાથે રાઉન્ડ ટેબલ મીટિંગ દરમિયાન અગ્રણી ફંડ મેનેજમેન્ટ કંપનીઓના ટોચના સીઈઓ સાથે વાર્તાલાપ કરશે અને ટોચની માહિતી ટેકનોલોજી (આઈટી) કંપનીઓના સીઈઓ સાથે દ્વિપક્ષીય બેઠકો પણ કરશે. સાન ફ્રાન્સિસ્કોમાં ભારતીય ડાયસ્પોરા માટેના કાર્યક્રમમાં ભારતીય સમુદાય સાથે વાર્તાલાપ કરશે.

IMF અને વિશ્વ બેંકની બેઠકમાં ભાગ લેશે

નાણામંત્રી 22 થી 25 એપ્રિલ સુધી વોશિંગ્ટન ડીસીની મુલાકાતે હશે. આ સમયગાળા દરમિયાન, તે ઇન્ટરનેશનલ મોનેટરી ફંડ (IMF) અને વિશ્વ બેંકની સ્પ્રીંગ બેઠકમાં ભાગ લેશે. આ ઉપરાંત, તે G-20 નાણા પ્રધાનો અને સેન્ટ્રલ બેંક ગવર્નરો (FMCBG), વિકાસ સમિતિની બેઠક, IMFC બેઠક અને વૈશ્વિક સોવરિન ડેટ રાઉન્ડ ટેબલ (GSDR) બેઠકમાં ભાગ લેશે. આ સમયગાળા દરમિયાન, તે આર્જેન્ટિના, બહેરીન, જર્મની, ફ્રાન્સ, લક્ઝમબર્ગ, સાઉદી અરેબિયા, યુનાઇટેડ કિંગડમ અને યુએસએ સહિતના ઘણા દેશોના તેના સમકક્ષો સાથે દ્વિપક્ષીય બેઠકો કરશે.

તેઓ 26 થી 30 એપ્રિલ સુધી પેરુના પ્રવાસે જશે

નાણાપ્રધાન સીતારમણ તેમના વોશિંગ્ટનના રોકાણ દરમિયાન યુરોપિયન યુનિયન કમિશનર ફોર ફાયનાન્સિયલ સર્વિસીસ, એશિયન ડેવલપમેન્ટ બેંક (ADB), એશિયન ઈન્ફ્રાસ્ટ્રક્ચર ઈન્વેસ્ટમેન્ટ બેંક (AIIB)ના પ્રમુખ, યુનાઈટેડ નેશન્સ સેક્રેટરી જનરલના સ્પેશિયલ એડવોકેટ ફોર ફાયનાન્સિયલ હેલ્થ (UNSGSA) અને ઈન્ટરનેશનલ મોનેટરી ફંડ (IMF)ના પ્રથમ ડેપ્યુટી મેનેજિંગ ડિરેક્ટર સાથે પણ બેઠક કરશે. આ પછી, તે 26 થી 30 એપ્રિલ સુધી પેરુની પ્રથમ મુલાકાતે જશે.

આ પણ વાંચોઃ દાઝ્યા પર મલમઃ અમેરિકાના ઉપપ્રમુખ આજથી ભારતની મુલાકાતે