FIFA World Cup 2026 : અલ કાયદાએ પિતાને ઉતાર્યો હતો મોતને ઘાટ, પુત્ર આયમેન હુસૈને વર્લ્ડ કપમાં રચ્યો ઈતિહાસ

FIFA World Cup 2026 : ઇરાકના સ્ટ્રાઈકર આયમેન હુસૈનને તેના પહેલા ફિફા વર્લ્ડ કપમાં પહોંચવા માટે લાંબી રાહ અને મુશ્કેલીઓનો સામનો કરવો પડ્યો. આ મહિનાની શરૂઆતમાં, શિકાગોમાં યુએસ કસ્ટમ્સ દ્વારા હુસૈનને અને અન્ય એક ટીમના સભ્યને ઘણા કલાકો સુધી અટકાયતમાં રાખ્યા બાદ તે સ્પષ્ટ નહોતું કે હુસૈન 2026 ફિફા વર્લ્ડ કપમાં રમી શકશે કે નહીં.

આયમેન હુસૈનની દુ:ખદ વાર્તા

હકીકતમાં 30 વર્ષીય હુસૈનનું આખું બાળપણ યુદ્ધના પડછાયા હેઠળ વિત્યું. 1996માં ઉત્તર-મધ્ય ઇરાકના અલ-હવિજા જિલ્લાના અલ-સફરામાં જન્મેલા હુસૈન ખૂબ જ સામાન્ય પરિવારમાંથી આવે છે. ખલીજ ટાઈમ્સ અનુસાર, 2008માં, જ્યારે હુસૈન માત્ર 12 વર્ષનો હતો, ત્યારે તેના પિતા (એક ઇરાકી સૈન્ય સૈનિક)ને અલ-કાયદાના આતંકવાદીઓએ ગોળી મારીને હત્યા કરી દીધી હતી. ગોળી તેના હૃદયમાં વાગી હતી.

તે ભયાનક દ્રશ્યને યાદ કરતાં હુસૈને કહ્યું કે, “તે અમારા નવા બનેલા ઘર માટે કેટલીક વસ્તુઓ ખરીદવા ગયો હતો. થોડા કલાકો પછી, અમને ફોન આવ્યો કે ‘તમારા પિતાની હત્યા કરવામાં આવી છે અને તેમનો મૃતદેહ હોસ્પિટલમાં છે.'”

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

તેમણે આગળ કહ્યું કે…

મેં મારા પરિવારની સંભાળ રાખવા માટે ફૂટબોલ છોડવાનો નિર્ણય લીધો હતો, પરંતુ મારી માતાએ ના પાડી. તેમણે મને રમવાનું ચાલુ રાખવા કહ્યું.

ભાઈ હજુ પણ ગુમ

હુસૈને એક મુલાકાતમાં કહ્યું કે, અલ જઝીરા અનુસાર, આ ઘટનાના થોડા વર્ષો પછી, તેના ભાઈનું પણ અપહરણ કરવામાં આવ્યું હતું અને તે ગુમ છે.

આયમેને રચ્યો ઇતિહાસ

ઇરાકના સ્ટ્રાઈકર આયમેને 2026ના ફિફા વર્લ્ડ કપમાં નોર્વે સામે ગોલ કરીને ઇરાકી ફૂટબોલ ઇતિહાસમાં પોતાનું નામ લખાવ્યું છે. જો કે તેની ટીમ 1-4 થી હારી ગઈ હતી, આયમેનો ગોલ ઇરાકી ફૂટબોલ માટે એક ખાસ ક્ષણ બની ગયો. તમને જણાવી દઈએ કે,  આ વખતે ઇરાક તેના ઇતિહાસમાં બીજો વર્લ્ડ કપ રમી રહ્યું છે અને 40 વર્ષ પછી ટૂર્નામેન્ટમાં પાછો ફર્યો છે.

આ પણ વાંચો : Road Accident: ટેમ્પો ટ્રાવેલર ખાઈમાં ખાબકતાં 2ના મોત, 25થી વધુ ઈજાગ્રસ્ત