ફ્રાન્સના જમણેરી નેતા મરીન લે પેને રવિવારે રાષ્ટ્રપતિની રેસમાં હારી ગયાં છે. જ્યારે વર્તમાન પ્રમુખ ઈમેન્યુઅલ મેક્રોનને વિજેતા તરીકે ચૂંટાઈ આવ્યાં છે. ફ્રાન્સમાં રાષ્ટ્રપતિની ચૂંટણી માટેના બીજા તબક્કાનું મતદાન રવિવારે પૂર્ણ થયું. પેને કહ્યું હતું કે, રાષ્ટ્રપતિની ચૂંટણીમાં તેમનું અસાધારણ પ્રદર્શન એ પોતાનામાં જ એક શાનદાર જીત છે.
માત્ર પાંચ વર્ષમાં જ વૈશ્વિક નેતા બન્યાં
માત્ર પાંચ વર્ષમાં જ વર્તમાન પ્રમુખ ઇમેન્યુઅલ મેક્રોને રાજકારણમાં એક યુવાન શિખાઉની છબીમાંથી પોતાને યુરોપિયન યુનિયનમાં મુખ્ય નિર્ણયો લેનારા એક મોટા વૈશ્વિક નેતામાં પરિવર્તિત કર્યા છે. તે યુક્રેનમાં રશિયા દ્વારા લાદવામાં આવેલા યુદ્ધને સમાપ્ત કરવાના પ્રયાસોમાં ઊંડાણપૂર્વક સંકળાયેલા છે.
ફ્રેન્ચ અધિકારીઓ વખાણ કરે છે
44 વર્ષીય સ્પષ્ટવક્તા કેન્દ્રવાદી મેક્રોન રાજકારણમાં અવિરત સક્રિયતાથી માત્ર પોતાનો માર્ગ જ નથી બનાવ્યો, પરંતુ આંતરરાષ્ટ્રીય દ્રશ્યમાં પોતાનું એક વિશિષ્ટ સ્થાન બનાવ્યું છે. ઓપિનિયન પોલમાં ઘણા ફ્રેન્ચ નાગરિકો તેમના પ્રમુખ તરીકે વખાણ કરે છે અને કોવિડ-19 રોગચાળો સહિત યુક્રેન સંઘર્ષ જેવી મોટી વૈશ્વિક કટોકટીનો સામનો કરવા માટે તેમને યોગ્ય માને છે. તેઓ પ્રમુખ તરીકે પ્રથમ વખત ચૂંટાયેલા પદ પર આવ્યા હતા, જો કે તેઓ સારા પરિવારમાંથી છે.
થોડા વર્ષો સુધી બેન્કર તરીકે કામ કર્યું
મેક્રોને ફ્રાન્સની કોલ નેશનલ ડી’ એડમિનિસ્ટ્રેશનમાં અભ્યાસ કર્યો હતો અને તે વરિષ્ઠ નાગરિક સેવક હતો. ત્યારબાદ તેણે થોડા વર્ષો સુધી રોથચાઈલ્ડમાં બેન્કર તરીકે કામ કર્યું હતું. તે પછી તેઓ સમાજવાદી રાષ્ટ્રપતિ ફ્રાન્સિસ ઓલાંદના આર્થિક સલાહકાર હતા.
