સપના એટલા મોટા જુઓ કે લોકો તમને ક્રેઝી કહે, અક્ષયની ‘સરફિરા’નું ટ્રેલર રીલીઝ
- અક્ષય કુમાર ફરી એકવાર તેની નવી ફિલ્મ ‘સરફિરા’નું ટ્રેલર લઈને આવી ગયો છે. અક્ષય કુમારની આગામી ફિલ્મ ‘સરફિરા’ 12 જુલાઈના રોજ રીલીઝ થશે
18 જૂન, મુંબઈઃ બોલિવૂડના ‘ખિલાડી’ અક્ષય કુમાર ફરી એકવાર તેની નવી ફિલ્મ ‘સરફિરા’નું ટ્રેલર લઈને આવી ગયો છે. અક્ષય કુમારની આગામી ફિલ્મ ‘સરફિરા’ 12 જુલાઈના રોજ રીલીઝ થશે. આ ફિલ્મમાં અક્ષય કુમારની સાથે રાધિકા મદન પણ લીડ રોલમાં છે. મેકર્સ દ્વારા આજે રીલીઝ કરવામાં આવેલી અક્ષયની આ આગામી ફિલ્મને દર્શકોનો જબરદસ્ત પ્રતિસાદ મળી રહ્યો છે. આ ફિલ્મ સુધા કોંગરા દ્વારા દિગ્દર્શિત સૂર્યાની ‘સૂરરાઈ પોટારુ’ની સત્તાવાર હિન્દી રિમેક છે. આ ફિલ્મ ઓછી કિંમતની ભારતીય એરલાઈન્સ એર ડેક્કનના સ્થાપક જી આર ગોપીનાથની બાયોપિક હોવાનું કહેવાય છે.
‘સરફિરા’નું દમદાર ટ્રેલર
અક્ષય કુમાર તેની છેલ્લી કેટલીક ફિલ્મોથી દર્શકોને પ્રભાવિત કરવામાં નિષ્ફળ ગયો, પરંતુ ‘સરફિરા’નું ટ્રેલર જોઈને લાગી રહ્યું છે કે તે હવે જબરદસ્ત કમબેક માટે સંપૂર્ણપણે તૈયાર છે. આ ફિલ્મમાં અક્ષયની સાથે તેના ‘હેરા-ફેરી’ પાર્ટનર પરેશ રાવલ પણ જોવા મળશે. અક્ષય કુમાર અને પરેશ રાવલની જોડીને પહેલા પણ ખૂબ પસંદ કરવામાં આવી છે અને હવે આ ફિલ્મમાં પણ દર્શકો તેમને એકસાથે જોઈ શકશે અને એ પણ એકદમ અલગ અંદાજમાં. આ વખતે બંને વચ્ચેની કેમેસ્ટ્રી અલગ જ જોવા મળશે.
View this post on Instagram
ફિલ્મના ટ્રેલરની વાત કરીએ તો, ટ્રેલરની શરૂઆત અક્ષય કુમારના અવાજથી થાય છે, જે પોતાનો પરિચય આપતા કહે છે કે મારું નામ વીર મ્હાત્રે છે, હું જરનદેશ્વર નજીકના એક ગામનો છું. હું ગરદન સુધી દેવામાં ડૂબેલો છું. મારી પાસે ભૂલથી જે પણ પૈસા આવે છે તે લોન ચુકવવા જાય છે. ફિલ્મનું ટ્રેલર ખૂબ જ રસપ્રદ છે, જેને જોઈને સોશિયલ મીડિયા યુઝર્સની પણ જબરદસ્ત પ્રતિક્રિયાઓ મળી રહી છે.
ફિલ્મની વાર્તા ‘એર ડેક્કન’ એરલાઇનના ફાઉન્ડર કેપ્ટન જીઆર ગોપીનાથના જીવનથી પ્રેરિત છે. ઓછી કિંમતની એરલાઇન શરૂ કરવા માટે તેમણે કેવા સંઘર્ષનો સામનો કરવો પડ્યો હતો તેની વાત આ ફિલ્મમાં કહેવામાં આવી છે. વીર મ્હાત્રે ઈચ્છે છે કે જે માણસના ખિસ્સામાં એક રૂપિયો હોય તે પણ ફ્લાઈટમાં બેસી શકે. કેવી રીતે તે આ આઈડિયા લઈને રાષ્ટ્રપતિ સુધી પહોંચે છે અને પોતાનો આઈડિયા જણાવે છે. ટ્રેલરમાં એક એક્ટર પૂર્વ રાષ્ટ્રપતિ સ્વર્ગસ્થ અબ્દુલ કલામ આઝાદ જેવા લુકમાં જોવા મળે છે.
આ પણ વાંચોઃ સોનાક્ષી અને ઝહીરે મિત્રો સાથે સેલિબ્રેટ કરી બેચરલ પાર્ટી, જુઓ PHOTOS
