દિલજીત દોસાંઝે શેર કર્યો અંબાણીની પાર્ટીનો ફની વીડિયો, સ્ટાર્સની હરકતો જોઈને લોટપોટ થઈ જશો

મુંબઈ, 06 માર્ચ: અનંત અંબાણી અને રાધિકા મર્ચેન્ટના પ્રી-વેડિંગ ફંકશન ખતમ થઈ ગયા છે. તો પણ સોશિયલ મીડિયા પર અંબાણીની પાર્ટી ચર્ચામાં બની છે. હવે પંજાબી સિંગર દિલજીત દોસાંઝે રાધિકા અને અનંત પ્રી-વેડિંગનો એક મજેદાર વીડિયો શેર કર્યો છે, જેમાં તેણે પાર્ટીમાં આવેલા સેલેબ્સના કેટલાક ફની મોમેન્ટ્સ કેપ્ચર કર્યા છે. આ વીડિયોમાં દોસાંઝે તમામ બોલિવૂડ સેલેબ્સ પર ફની અંદાજે કોમેન્ટ્રી કરતો જોવા મળે છે. પ્રી-વેડિંગ ફંક્શન્સના બીજા દિવસે દિલજીત દોસાંઝે પાર્ટીમાં ચાર ચાંદ લગાવી દીધા હતા.

અનંત અંબાણી અને રાધિકા મર્ચન્ટના પ્રી-વેડિંગ ફંક્શન દરમિયાન દિલજીત દોસાંઝના પરફોર્મન્સને સ્ટાર્સે ખૂબ એન્જોય કર્યું હતું. તેના ઘણા વીડિયો પણ સોશિયલ મીડિયા પર વાયરલ થયા છે. હવે સિંગરે તેનો વીડિયો શેર કર્યો છે, જેમાં તેણે શાહરૂખ ખાન, કેટરિના કૈફ, કિયારા અડવાણીથી લઈને ફેસબુક અને માઈક્રોસોફ્ટ સુધી કોઈને  બાકી રાખ્યું નથી.

દિલજીતનો વીડિયો વાયરલ થયો હતો

 

View this post on Instagram

 

A post shared by DILJIT DOSANJH (@diljitdosanjh)

પ્રી-વેડિંગ ફંક્શનના આ વીડિયોમાં દિલજીત દોસાંઝે પંજાબી એક્સટન્ટમાં વોઇસ ઓવર કર્યો છે. સિંગરે પંજાબીમાં લગભગ તમામ સેલેબ્સ પર ફની કોમેન્ટ્સ કરી છે. દિલજીતના ફેન્સ પણ તેનો આ વીડિયો પસંદ કરી રહ્યા છે. સિંગરના વીડિયો પર કોમેન્ટ કરતાં એક યુઝરે કહ્યું કે, હવે દરેક વ્યક્તિ વ્લોગ બનાવવાનું બંધ કરી શકે છે, કારણ કે દિલજીત દોસાંઝ જેવું કામ કોઈ કરી શકે નહીં. અન્ય એક યુઝરે કમેન્ટ કરીને કહ્યું કે, દુનિયામાં મોટા રોક સ્ટાર્સ હશે, અમારો માત્ર દિલજીત દોસાંઝ છે.

કરીના અને દિલજીતની બોન્ડિંગ

Diljit Dosanjh for Kareena : hoyegi Rihanna, hoyegi Beyonce, saddi toh yeh hi hae ✨ pic.twitter.com/TKgGusUHNS

— Satyam (@iamsatypandey2) March 3, 2024

અનંત અંબાણી અને રાધિકા મર્ચન્ટના પ્રી-વેડિંગનો દિલજીત દોસાંઝ અને કરીના કપૂરનો એક વીડિયો વાયરલ થયો હતો. વીડિયોમાં કરીના કપૂર સિંગર સાથે સ્ટેજ પરફોર્મન્સ કરતી જોવા મળી હતી. જ્યાં દિલજીતે એક્ટ્રેસના વખાણ કર્યા અને પંજાબીમાં કહ્યું કે રીહાન્ના હોય કે પછી બિયોન્સે, પરંતુ અમારી છે કરીના કપૂર છે. આ પછી, દિલજીતે કરીના માટે પ્રોપર પટોળા ગીત પણ ગાયું અને અભિનેત્રીએ પણ ઠૂંમકા લગાવ્યા.

આ પણ વાંચો: જામનગરમાં અનંત અંબાણી અને રાધિકા મર્ચન્ટના પ્રી-વેડિંગ ઈવેન્ટમાં મહેમાનોને આપી યાદગાર રિટર્ન ગિફ્ટ