અમદાવાદમાં ટ્યુશન ચલાવતા શિક્ષકો સામે કડક કાર્યવાહીની માંગ, એજ્યુકેશન ગ્રૂપે DEOને સોંપ્યું 50 શિક્ષકોનું લિસ્ટ

અગાઉ 3 જુલાઈએ પણ એજ્યુકેશન ગ્રૂપે 50 શિક્ષકોનું લિસ્ટ DEOને આપ્યું હતું, પરંતુ તેના પર કોઈ કાર્યવાહી ન થતાં આજે બીજા 50 શિક્ષકોનું લિસ્ટ સોંપવામાં આવ્યું. અમદાવાદ એજ્યુકેશન ગ્રૂપના મીડિયા કો-ઓર્ડિનેટર હેમાંગ રાવલે નિવેદન આપતાં જણાવ્યું, “અનેક શાળાઓના શિક્ષકો નિયમોનું ઉલ્લંઘન કરી ટ્યુશન ચલાવી રહ્યા છે. અમે અગાઉ લિસ્ટ આપ્યું હોવા છતાં DEOએ કોઈ પગલાં લીધાં નથી. જો ટ્યુશન ચલાવતા શિક્ષકો સામે કાર્યવાહી નહીં થાય અને કોઈ ઘટના બનશે, તો તેની જવાબદારી DEOની રહેશે.”