અજમેરમાં સાબરમતી એક્સપ્રેસ અને માલગાડી વચ્ચે ટક્કર, 4 કોચ પાટા પરથી ઉતર્યા

• અકસ્માત એટલો ગંભીર હતો કે ટ્રેક પણ ઉખડીને કિનારે પડી ગયા હતા!
• એક કલાક સુધી રેલવેના કોઈ વરિષ્ઠ અધિકારી ઘટનાસ્થળે ન પહોંચ્યા 

અજમેર, 18 માર્ચ: રાજસ્થાનના અજમેરમાં મદાર રેલવે સ્ટેશન પાસે એક મોટી ટ્રેન દુર્ઘટના સર્જાઈ છે. ટ્રેન નંબર 12548 સાબરમતી-આગ્રા સુપરફાસ્ટ એક્સપ્રેસ ટ્રેન અને માલગાડી ટ્રેન વચ્ચે ટક્કર થઈ હતી જેના કારણે સાબરમતી-આગ્રા સુપરફાસ્ટ એક્સપ્રેસ ટ્રેન પાટા પરથી ઉતરી ગઈ હતી. એન્જિન સહિત ટ્રેનના 4 ડબ્બા પાટા પરથી ઉતરી ગયા હતા. અકસ્માત એટલો ગંભીર હતો કે ટ્રેક પણ ઉખડીને કિનારે પડી ગયા હતા. સદનસીબે કોઈ મુસાફરને ઈજા થઈ નથી, પરંતુ મહત્ત્વની વાત એ છે કે, અકસ્માતના એક કલાક બાદ પણ રેલવેના કોઈ વરિષ્ઠ અધિકારી ઘટનાસ્થળે પહોંચ્યા ન હતા.

VIDEO | Four coaches of Sabarmati-Agra superfast train derail in Ajmer, Rajasthan. More details are awaited.

(Full video available on PTI Videos – https://t.co/n147TvrpG7) pic.twitter.com/lgzJJh4sPu

— Press Trust of India (@PTI_News) March 18, 2024

સદનસીબે અકસ્માતમાં કોઈ જાનહાનિ થવા પામી નથી 

રેલવેએ મુસાફરો માટે કોઈ વ્યવસ્થા કરી ન હતી. આવી સ્થિતિમાં મુસાફરોએ રેલવે પ્રશાસન પર અનેક ગંભીર સવાલો ઉઠાવ્યા છે. અકસ્માત બાદ સાબરમતી-આગ્રા કેન્ટ એક્સપ્રેસને મારવાડ થઈને આગ્રા તરફ રવાના કરવામાં આવી હતી. દુર્ઘટના સમયે ટ્રેનમાં મોટી સંખ્યામાં મુસાફરો પણ હાજર હતા. જોકે આ અકસ્માતમાં કોઈ જાનહાનિ થઈ ન હતી. રેલવે પ્રશાસને હેલ્પ ડેસ્ક નંબર- 01452429642 જારી કર્યો છે. તે જ સમયે, 4 ડબ્બા હટાવ્યા પછી, આખી ટ્રેનને બીજા એન્જિનની મદદથી અજમેર સ્ટેશન પર પરત મોકલવામાં આવી હતી.

મોડી રાત્રે થયો હતો અકસ્માત

ઘટના પછી જ્યારે મુસાફરો સાથે વાત કરવામાં આવી તો તેઓએ જણાવ્યું કે, ટ્રેન અજમેર રેલવે સ્ટેશનથી લગભગ 12:55 વાગ્યે નીકળી હતી અને થોડા કિલોમીટરની મુસાફરી કર્યા પછી અકસ્માત નડ્યો હતો. અકસ્માત સમયે ટ્રેનમાં બેઠેલા લોકોને જોરદાર આંચકો લાગ્યો હતો અને સીટ પર સૂઈ રહેલા બાળકો, મહિલાઓ અને વૃદ્ધો સીટ પરથી નીચે પડી ગયા હતા. દુર્ઘટના બાદ મુસાફરોએ પણ રેલવે અધિકારીઓના સ્થળ પર મોડા આવવાને લઈને નારાજગી વ્યક્ત કરી હતી.

અકસ્માત બાદ મુસાફરો પગપાળા શહેર તરફ રવાના થયા હતા. આ પછી, ટ્રેનની નજીક હાજર મુસાફરોને લગભગ 3:16 વાગ્યે ટ્રેનના સુરક્ષિત કોચમાં બેસાડવામાં આવ્યા હતા અને તેમને અજમેર જંકશન મોકલવામાં આવ્યા હતા. ઘટનાસ્થળે પહોંચેલા અધિકારીએ જણાવ્યું કે, ‘અકસ્માતના કારણોની તપાસ કરવામાં આવી રહી છે. ટ્રેક સાફ કરવાની કામગીરી કરવામાં આવી રહી છે.’ એડીઆરએમ બલદેવ રામે જણાવ્યું કે, ‘પ્રાથમિક તપાસમાં જાણવા મળ્યું છે કે બંને ટ્રેનો એક જ ટ્રેક પર આવવાને કારણે આ અકસ્માત થયો હતો.’

આ પણ જુઓ: ન્યાયયાત્રાના સમાપને એકઠાં થયેલા ગઠબંધનના નેતાઓએ EVM ઉપર સાધ્યું નિશાન, જાણો શું કહ્યું