ગુજરાતના વિવિધ વિસ્તાર કાતિલ ઠંડીની લપેટમાં આવ્યા, લઘુત્તમ તાપમાન 15.6 ડિગ્રીથી નીચે

• વહેલી સવારે ઝાકળનો સામનો કરવો પડી રહ્યો છે
• ત્રણ દિવસથી વહેલી સવારમાં ઠંડીનો ચમકારો વધી ગયો
• શહેરીજનો ગરમ વસ્ત્રોમાં લપેટાયેલા જોવા મળી રહ્યા છે

ગુજરાતના વિવિધ વિસ્તાર કાતિલ ઠંડીની લપેટમાં આવ્યા છે. જેમાં કેટલાક શહેરોમાં લઘુત્તમ તાપમાન 15.6 ડિગ્રીથી નીચે ગયુ છે. ત્યારે જામનગર શહેર અને જિલ્લામાં ઠંડીનો પારો નીચે ઉતરતો જાય છે. જેમાં વહેલી સવારે લઘુત્તમ તાપમાન 15.6 થી નીચે ચાલ્યું ગયું હોવાથી કાતિલ ઠંડીનો સામનો કરવો પડ્યો છે.

રાત્રે ઠંડીનો પારો 15.6 ડીગ્રી સુધી નીચે ચાલ્યો જતાં ઠંડીનો સપાટો

ઉપરાંત મહત્તમ તાપમાન પણ ઘટ્યું છે. જયારે પવનની તીવ્રતામાં વધારો થયો છે. સમગ્ર જિલ્લામાં છેલ્લા કેટલાક દિવસથી ઠંડી અને ગરમી સહિતની મિશ્ર ઋતુનો અનુભવ થઈ રહ્યો છે, દરમિયાન રાત્રે ઠંડીનો પારો 15.6 ડીગ્રી સુધી નીચે ચાલ્યો જતાં ઠંડીનો સપાટો બોલી ગયો છે. અને શહેરીજનો ગરમ વસ્ત્રોમાં લપેટાયેલા જોવા મળી રહ્યા છે. છેલ્લા કેટલાક દિવસથી ઠંડી અને ગરમી સહિતની મિશ્ર ઋતુનો અનુભવ થઈ રહ્યો છે. રાત્રે ઠંડીનો માહોલ જયારે બપોરે તાપ ઉપરાંત વહેલી સવારે ઝાકળનો સામનો કરવો પડી રહ્યો છે.

ત્રણ દિવસથી વહેલી સવારમાં ઠંડીનો ચમકારો વધી ગયો

ત્રણ દિવસથી વહેલી સવારમાં ઠંડીનો ચમકારો વધી ગયો છે, અને ઠંડીનો પારો ધીમે ધીમે નીચે સરકી રહ્યો છે. જેમાં 24 કલાક દરમિયાન લઘુતમ તાપમાન 15.6 ડિગ્રી સેન્ટિગ્રેડ નોંધાયું હતું, જયારે મહત્તમ તાપમાન ઘટીને 30.8 ડીગ્રી સેન્ટિગ્રેડ નોંધાયું છે. વાતાવરણમાં ભેજનું પ્રમાણ 69 ટકા રહ્યું હતું, જ્યારે પવનની ગતિમાં વધારો થયો છે, અને સરેરાશ પ્રતિ કલાકના 25 થી 30 કી.મી. ની ઝડપે રહી હતી.