કેબ ડ્રાઈવરે કોલેજ ડ્રોપ કર્યા બાદ સગીરાને મોકલ્યો ‘ડરામણો’ મેસેજ: સોશિયલ મીડિયા પર લોકોએ એક્શનની કરી માંગ

નવી દિલ્હી: 11 ઓક્ટોબરઃ 2025: કેબ ડ્રાઈવર અને રાઈડ બુક કરનાર ગ્રાહક વચ્ચેનો સંબંધ માત્ર રાઈડ શરૂ થવાથી લઈને પૂરી થવા સુધીનો જ હોય છે. પરંતુ, જો કોઈ કેબ ડ્રાઈવર રાઈડ પૂરી થયા બાદ મહિલા ગ્રાહકને તેની પરવાનગી વિના મેસેજ મોકલે અને પોતાની ‘પસંદ’ જાહેર કરે, તો તે ગંભીર ચિંતાનો વિષય બને છે. ઈન્ટરનેટ પર વાઈરલ થયેલી એક રેડિટ પોસ્ટમાં એક યુવતીએ તેની મિત્ર સાથે બનેલો આવો જ એક ડરામણો અનુભવ શેર કર્યો છે.

આ ઘટનામાં, સવારે ઉબેર કેબ ડ્રાઇવર યુવતીને કોલેજ છોડ્યા પછી તેનો નંબર લઈ લે છે. ત્યારબાદ તે યુવતીને ‘તમે મને પસંદ આવ્યા, તેથી મેં મેસેજ કર્યો’ જેવા મેસેજ મોકલવાનું શરૂ કરે છે. ડ્રાઈવરની આ હરકતથી પરેશાન થઈને યુવતી તેને તરત જ બ્લોક કરી દે છે.

ડ્રાઈવરે પોતાને ટૂર એન્ડ ટ્રાવેલનો માલિક ગણાવ્યો

રેડિટ યુઝરે પોસ્ટમાં ચેટના સ્ક્રીનશૉટ્સ શેર કરતાં જણાવ્યું કે, ‘મારી મિત્ર આજે રોજની જેમ જ ઉબેર કેબ દ્વારા કોલેજ આવી રહી હતી અને ઉબેર ડ્રાઈવરે તેનો નંબર લઈને આ મેસેજ મોકલ્યો છે. (નોંધનીય છે કે તે યુવતી સગીર છે).’

વૉટ્સએપ ચેટના સ્ક્રીનશૉટમાં, કેબ ડ્રાઈવર યુવતીને ‘Hii’ બોલીને મિત્રતા માટે પૂછે છે અને જણાવે છે કે તે જ વ્યક્તિ છે જે તેને સવારે ઉબેર દ્વારા કોલેજ મૂકવા આવ્યો હતો. યુવતીને પ્રભાવિત કરવાના પ્રયાસમાં તે પોતાને ડ્રાઈવરને બદલે ‘ટૂર એન્ડ ટ્રાવેલ’ કંપનીનો માલિક ગણાવવાનું શરૂ કરે છે. તે લખે છે કે ‘તમે મને પસંદ આવ્યા, તેથી મેં મેસેજ કર્યો.’ કેબ ડ્રાઈવરની આ હરકતથી પરેશાન થઈને યુવતી તેને તરત જ બ્લોક કરી દે છે.

રેડિટ પર યૂઝર્સનો ગુસ્સો: “દરેક એપ્લિકેશન ડેટિંગ સાઇટ છે!”

રેડિટના r/noida પેજ પર @Jealous-Werewolf5960 નામના યુઝરે ‘ભારતમાં એક ઉબેર કેબ ડ્રાઇવર/માલિકનો ડરામણો મેસેજ’ શીર્ષક સાથે આ પોસ્ટ શેર કરી છે, જેને અત્યાર સુધીમાં 100થી વધુ અપવોટ્સ અને સેંકડો કમેન્ટ્સ મળી ચૂકી છે.

કોમેન્ટ સેક્શનમાં યુઝર્સ ડ્રાઇવરની આ હરકતને અત્યંત ખરાબ ગણાવીને તેની ટીકા કરી રહ્યા છે. એક યુઝરે ગુસ્સો વ્યક્ત કરતાં લખ્યું, ‘જો તમે ભારતીય છો, તો કોઈપણ એપ્લિકેશન તમારા માટે ડેટિંગ સાઇટ બની શકે છે.’ અન્ય એક યુઝરે ચિંતા વ્યક્ત કરતાં કહ્યું, ‘મને લાગતું હતું કે ઉબેર અમારો ડેટા છુપાવે છે, તેથી જ હું તેનો ઉપયોગ કરું છું. ઇનડ્રાઇવ કે રેપિડોનો ઉપયોગ કરતી વખતે મારો અંગત નંબર જાહેર થઈ જાય છે, તેથી હવે હું તેનો ઉપયોગ કરતો નથી.’યુઝર્સની આ પ્રતિક્રિયા દર્શાવે છે કે મહિલાઓની સુરક્ષા અને અંગતતાનું ઉલ્લંઘન કરનારી આવી ઘટનાઓ સમાજ માટે કેટલી ચિંતાજનક છે.

આ પણ વાંચોઃ પીએમ મોદીને મળ્યા બાદ રાજદૂત સર્જિયો ગોરે કહ્યું; ‘ભારત સાથેના સંબંધો અમેરિકા માટે અત્યંત મહત્વપૂર્ણ’

આ પણ વાંચોઃ ગ્રામ પંચાયતોને ઓક્ટ્રોય વળતરના વધારાના અનુદાનરૂપે રૂ.576 કરોડની ચૂકવણીનો પ્રારંભ