Share Market Crash: 350 અંકની રિકવરી છતાં રેડ ઝોનમાં બંધ થયું શેરબજાર

Stock Market: 8 મે ના રોજ શેરબજારમાં સતત બીજા દિવસે ઘટાડો થયો હતો અને આ દિવસ મોટો હતો. અમેરિકા અને ઈરાન વચ્ચે યુદ્ધ ફરી શરૂ થવા અને ક્રૂડ ઓઈલના ભાવમાં વધારો જેવા કારણોસર બજાર રેડ ઝોનમાં બંધ થયું છે. શુક્રવારે સેન્સેક્સ 77,631.94 પર લાલ નિશાનમાં ખુલ્યો હતો. થોડા જ સમયમાં તે તેના પાછલા બંધ કરતા 596.83 પોઈન્ટ ઘટીને 77,248.69 ના નીચા સ્તરે પહોંચી ગયો હતો. એ જ રીતે નિફ્ટી પણ ઘટીને 21,126.65 પર ખુલ્યો અને પછી 188.25 પોઈન્ટ ઘટીને 24,138.40 ના નીચા સ્તરે પહોંચ્યો હતો.

દિવસના અંતે બજારનો ઘટાડો વધુ તીવ્ર બન્યો, સેન્સેક્સ લગભગ 700 પોઈન્ટ ઘટીને 77,146.43 ની નીચી સપાટીએ પહોંચ્યો હતો. નિફ્ટી પણ 200 પોઈન્ટ ઘટીને 24,126.65 ની નીચી સપાટીએ પહોંચ્યો હતો. જોકે સેન્સેક્સ પછીથી 350 પોઈન્ટ અને નિફ્ટી 103 પોઈન્ટ રિકવર થયા હતા.

અમારી WhatsApp ચેનલમાં જોડાવા આ લિંક પર ક્લીક કરો

એક દિવસ પહેલા ગુરુવારે સેન્સેક્સ 114 પોઈન્ટ અથવા 0.15 ટકા ઘટીને 77,844.52 પર બંધ થયો હતો. નિફ્ટી 4.30 પોઈન્ટ અથવા 0.02 ટકા ઘટીને 24,326.65 પર બંધ થયો હતો. BSE મિડકેપ સિલેક્ટ ઇન્ડેક્સ 1.40 ટકા વધ્યો, જ્યારે સ્મોલકેપ ઇન્ડેક્સ 1.09 ટકા વધ્યો હતો.

આ પણ વાંચોઃ સુવેન્દુ અધિકારીના PA ચંદ્રનાથની હત્યા માટે બિહારથી શાર્પ શૂટર્સ આવ્યા હતા, 40 લાખમાં થઈ હતી મર્ડર ડીલ