શું મલાઈકા-અર્જુને કરી લીધી સગાઈ?, અભિનેત્રી ના હાથમાં ડાયમંડની રીંગ જોવા મળી

બોલિવૂડનું હોટ કપલ મલાઈકા અરોરા અને અર્જુન કપૂર છેલ્લા 5 વર્ષથી એકબીજાને ડેટ કરી રહ્યાં છે. ફેન્સ હંમેશા તેમના લગ્નની યોજનાઓ જાણવા માટે ઉત્સુક હોય છે. થોડા દિવસો પહેલા અર્જુન કપૂરે કહ્યું હતું કે હાલમાં તેનો લગ્નનો કોઈ પ્લાન નથી, પરંતુ આ દરમિયાન મલાઈકાએ એક વીડિયો પોસ્ટ કર્યો છે જેમાં કંઈક એવું જોવા મળ્યું છે જેને જોઈને બધા ચોંકી ગયા હતા.

વીડિયોમાં તેના હાથમાં ડાયમંડ રીંગ જોવા મળી

અભિનેત્રીએ ઈનસ્ટા પર એક વીડિયો શેર કર્યો હતો. આ વીડિયોમાં અભિનેત્રી એક મોટી હીરાની રીંગ ફ્લોન્ટ કરતી જોવા હતી. આ જોઈને ચાહકોને ખાતરી થઈ ગઈ છે કે આખરે કપલે સગાઈ કરી લીધી છે. મલાઈકા અરોરા અને અર્જુન કપૂર લાંબા સમયથી એકબીજાને ડેટ કરી રહ્યાં છે. બંને ઘણીવાર એકબીજા સાથે સમય વિતાવતા જોવા મળે છે. બંને ઈવેન્ટ્સ અને પાર્ટીઓમાં સાથે જોવા મળે છે. આવી સ્થિતિમાં તેમના લગ્નને લઈને ચાહકોના મનમાં અનેક સવાલો ઉભા થાય છે. આ દરમિયાન અભિનેત્રીએ તેના ઈન્સ્ટા પર એક વીડિયો શેર કર્યો છે, જેને જોઈને લોકો દિવાના થઈ ગયા છે. આ વીડિયોમાં, મલાઈકાએ ડાબા હાથની ત્રીજી આંગળીમાં એક મોટી હીરાની વીંટી પહેરી છે, જેનાથી ચાહકોને ખાતરી થઈ ગઈ છે કે અભિનેત્રીએ આખરે અર્જુન સાથે સગાઈ કરી લીધી છે.

આ પણ વાંચો: જેકલીન ફર્નાન્ડીઝને મોટી રાહત, મની લોન્ડરીંગ કેસમાં મળ્યા વચગાળાના જામીન

બન્ને દ્વારા કોઈ ખુલાસો નથી કરાયો

ચાહકોના ઈનસ્ટા કમેન્ટ્સ બાદ પણ મલાઈકાએ પોતે આ રિંગ વિશે કે તેની સગાઈ વિશે કંઈ કહ્યું નથી. અત્યારે જો આ વાત સાચી નીકળશે તો કપલના ફેન્સ ખૂબ જ ખુશ થઈ જશે. જો કે, થોડા દિવસો પહેલા, કોફી વિથ કરણ 7 માં, જ્યારે કરણ જોહરે અર્જુન કપૂરને મલાઈકા અરોરા સાથેના લગ્ન વિશે પૂછ્યું, ત્યારે અર્જુને કહ્યું હતું કે તે અત્યારે લગ્નના મૂડમાં નથી. અર્જુને કહ્યું હતું કે, ‘હું આ સમયે મારા કરિયર પર સંપૂર્ણ ધ્યાન આપવા માંગુ છું, સાથે જ હું પ્રોફેશનલી રીતે પણ થોડું સ્થિર બનવા માંગુ છું. હું એવું કામ કરવા માંગુ છું જે મને ખુશ કરે, જો હું ખુશ હોઉં તો હું મારા પાર્ટનરને ખુશ રાખી શકું.”

તે જ સમયે, કેટલાક મીડિયા અહેવાલો અનુસાર, બંનેના લગ્નના સમાચાર પણ સામે આવ્યા હતા. આ અહેવાલો અનુસાર, અર્જુન અને મલાઈકા 2022ના અંત સુધીમાં લગ્નના બંધનમાં બંધાઈ જશે. હવે આ મામલામાં કેટલી સત્યતા છે એ તો અર્જુન અને મલાઈકા જ જાણે છે.