શેરબજારમાં મોટો ઘટાડો: રોકાણકારોએ 3 લાખ કરોડ રૂપિયા ગુમાવ્યા

નવી દિલ્હી, 28 મે, સેન્સેક્સ અને નિફ્ટી આજે 28 મે સતત ત્રીજા દિવસે લાલ નિશાનમાં બંધ થયા છે. સેન્સેક્સ 220 પોઈન્ટ ઘટીને બંધ રહ્યો હતો. જ્યારે નિફ્ટી 22,900ની નીચે સરકી ગયો. આ કારણે રોકાણકારોની સંપત્તિ એક જ દિવસમાં લગભગ 3.33 લાખ કરોડ રૂપિયા ગુમાવી દીધી છે. નાના અને મધ્યમ શેરોમાં ભારે વેચાણ જોવા મળ્યું.

ભારતીય શેરબજારે મંગળવારે દિવસની શરૂઆત ઉછાળા સાથે કરી હતી. BSE સેન્સેક્સ 194.90 પોઈન્ટના વધારા સાથે 75,585 ના સ્તર પર ખુલ્યો. બીજી તરફ NSEનો નિફ્ટી પણ 44.70 પોઈન્ટના ઉછાળા સાથે 22,977ના સ્તરે ખુલ્યો હતો. પરંતુ ટ્રેડિંગ સેશનના અંતે સેન્સેક્સ અને નિફ્ટી મોટા ઘટાડા સાથે બંધ થયા છે. સેન્સેક્સ 220.05 પોઈન્ટ ઘટીને 75,170.45 પોઈન્ટ પર બંધ થયો હતો. નિફ્ટી પણ 41.05 પોઈન્ટ ઘટીને 22891.40 પોઈન્ટની સપાટીએ બંધ રહ્યો હતો. સેન્સેક્સ અને નિફ્ટી સતત ત્રીજા દિવસે નુકસાન સાથે બંધ થયા છે.

રોકાણકારોને 3 લાખ કરોડ રૂપિયાનું થયું નુકસાન 

મંગળવારે સાંજે BSE પર લિસ્ટેડ કંપનીઓનું માર્કેટ કેપિટલાઇઝેશન રૂ. 417 લાખ કરોડ હતું. એક દિવસ પહેલા આ આંકડો 420 લાખ કરોડ રૂપિયા હતો. મંગળવારે રોકાણકારોને લગભગ 3 લાખ કરોડ રૂપિયાનું નુકસાન થયું હતું. સેક્ટરલ ઈન્ડેક્સ પર નજર કરીએ તો ઓઈલ એન્ડ ગેસ, કેપિટલ ગુડ્સ, ટેલિકોમ, પીએસયુ બેન્ક, પાવર અને રિયલ્ટીમાં ઘટાડો નોંધાયો છે. BSE મિડકેપ ઈન્ડેક્સ પણ 0.5 ટકા અને સ્મોલ કેપ ઈન્ડેક્સ લગભગ 1 ટકાનો ઘટાડો થયો છે.

નિફ્ટીમાં સૌથી વધુ નુકસાન અદાણી પોર્ટ્સ, પાવર ગ્રીડ, કોલ ઈન્ડિયા, અદાણી એન્ટરપ્રાઈઝ અને ઓએનજીસી હતા. દિવીની લેબોરેટરીઝ, એસબીઆઈ લાઈફ ઈન્સ્યોરન્સ, એચડીએફસી લાઈફ, ગ્રાસિમ ઈન્ડસ્ટ્રીઝ અને હીરો મોટો કોર્પ મંગળવારે ટોપ ગેનર્સની યાદીમાં સ્થાન મેળવ્યું છે. બીજી તરફ, સેન્સેક્સ પર, હેટસન એગ્રો, 3M ઇન્ડિયા, ગરવેર ફાઇબર, હિન્દુસ્તાન ઓઇલ એક્સ્પ્લોરેશન અને પ્રિઝમ જોન્સન ટોપ ગેઇનર્સ હતા અને ટોપ લોઝર્સની યાદીમાં આઇનોક્સ વિન્ડ, સોમ ડિસ્ટિલરીઝ, અલ્જી ઇક્વિપમેન્ટ્સ, ભારત ડાયનેમિક્સ અને ઇન્ડિયાબુલ્સ હતા.

આ પણ વાંચો..Wipro AI ટેક્નોલોજી કરશે વિકસિત, હૃદય રોગના જોખમને ઘટાડવામાં થશે મદદરૂપ