PM મોદી સાથે વર્લ્ડકપની ફાઈનલ જોતા પહેલા ઓસ્ટ્રેલિયાના ડેપ્યુટી PMની ચીનને ચેતવણી!
PM મોદી સાથે ક્રિકેટ વર્લ્ડ કપની ફાઇનલ મેચ નિહાળતા પહેલા ઓસ્ટ્રેલિયાના નાયબ વડાપ્રધાન રિચર્ડ માર્લ્સે ચીનની અસુરક્ષિત અને બિનવ્યાવસાયિક નૌકાદળ પ્રવૃત્તિ માટે આકરી ટીકા કરી હતી અને ચેતવણી આપી હતી.
ઑસ્ટ્રેલિયન સરકારે જણાવ્યું હતું કે તેણે ઑસ્ટ્રેલિયન નૌકાદળના જહાજ અને ચીનના યુદ્ધ જહાજ વચ્ચેના અસુરક્ષિત અને અવ્યાવસાયિક સામસામે ચીનને ગંભીર ચિંતા વ્યક્ત કરી છે, જેના પરિણામે ઑસ્ટ્રેલિયન લશ્કરી મરજીવા ઘાયલ થયા છે.
ઓસ્ટ્રેલિયાના ડેપ્યુટી પીએમ રિચાર્ડ માર્લે શું કહ્યું?
ઓસ્ટ્રેલિયાના નાયબ વડા પ્રધાન અને સંરક્ષણ પ્રધાન રિચાર્ડ માર્લ્સે જણાવ્યું હતું કે લાંબા અંતરની ફ્રિગેટ, HMAS Toowoombaએ 14 નવેમ્બરે જાપાનના વિશિષ્ટ આર્થિક ક્ષેત્રમાં તેના પ્રોપેલરમાંથી માછીમારીની જાળ દૂર કરવામાં માટે ડાઇવિંગ ઓપરેશન હાથ ધર્યું હતું ત્યારે આ ઘટના બની.
— Richard Marles (@RichardMarlesMP) November 17, 2023
ચીનની પીપલ્સ લિબરેશન આર્મી નેવીના જહાજનો ઉલ્લેખ કરતા માર્લેસે એક નિવેદનમાં જણાવ્યું હતું કે, “નજીકના વિસ્તારમાં કાર્યરત PLA-N ડિસ્ટ્રોયર (DDG-139) એ HMAS Toowoomba નો સંપર્ક કર્યો જ્યારે ડાઇવિંગ ઓપરેશન ચાલી રહ્યું હતું.”
‘ઓપરેશનની જાણ હોવા છતાં ચીનનું જહાજ નજીક આવ્યું’
ડેપ્યુટી પીએમએ કહ્યું કે ઓસ્ટ્રેલિયન જહાજ ડાઇવિંગ ઓપરેશન વિશે જાણ કરવા અને દૂર રહેવાની વિનંતી કરવા છતાં, ચીની ડિસ્ટ્રોયર નજીકની રેન્જમાં આવી ગયું. તેના થોડા સમય પછી તે તેના હલ-માઉન્ટેડ સોનાર સાથે એવી રીતે કામ કરી રહ્યું હોવાનું જાણવા મળ્યું કે જે ઓસ્ટ્રેલિયન ડાઇવર્સની સલામતીને જોખમમાં મૂકે છે, જેમને પાણીમાંથી બહાર નીકળવાની ફરજ પડી હતી.
રોહિત શર્માની પ્રેક્ટિસથી મળ્યા સંકેત, ફાઇનલમાં સ્પિનરો માટે મદદરૂપ થશે પિચ!
માર્લ્સે કહ્યું, “(ચીની જહાજનું) વર્તન અસુરક્ષિત અને અવ્યાવસાયિક હતું.” સંરક્ષણ પ્રધાન માર્લેસે જણાવ્યું હતું કે તબીબી તપાસ દર્શાવે છે કે ચાઈનીઝ ડિસ્ટ્રોયરના સોનારને કારણે મરજીવાઓને નાની મોટી ઈજાઓ થઈ હતી.
ઓસ્ટ્રેલિયાની ચીનને ચેતવણી
માર્લ્સે કહ્યું, “ઓસ્ટ્રેલિયા અપેક્ષા રાખે છે કે ચીન સહિત તમામ દેશો તેમના દળોને વ્યવસાયિક અને સલામત રીતે સંચાલિત કરે.” તેમણે કહ્યું કે ઓસ્ટ્રેલિયન લશ્કરી કર્મચારીઓની સલામતી અને સુખાકારી એ સરકારની ટોચની પ્રાથમિકતા છે. અહેવાલમાં જણાવાયું છે કે ઓસ્ટ્રેલિયામાં ચીની દૂતાવાસે ટિપ્પણી માટેની વિનંતીનો તરત જ જવાબ આપ્યો ન હતો.
