12મું પાસ અસદ અહેમદને ગુના સાથે કોઈ ખાસ સંબંધ નહોતો. તેણે લખનૌની બડે સ્કૂલમાંથી 12મું ધોરણ પૂરું કર્યું હતું. તે વધુ અભ્યાસ માટે વિદેશ જવા માંગતો હતો, પરંતુ પહેલા પિતા અતીક અહેમદ, પછી કાકા અશરફ જેલમાં ગયા અને પછી તેના બે મોટા ભાઈઓએ આત્મસમર્પણ કર્યા પછી તે ગુનાની દુનિયામાં આવી ગયો. ઉમેશ પાલ હત્યા કેસમાં પ્રથમ વખત તેનું નામ સામે આવ્યું અને હત્યાના 50 દિવસમાં પોલીસે તેને એન્કાઉન્ટરમાં મારી નાખ્યો. ઉમેશ પાલ હત્યા કેસમાં ગુરુવારે યુપી એસટીએફએ આ કેસના મુખ્ય આરોપીઓમાંના એક અસદનુ ઝાંસી નજીક એન્કાઉન્ટર કર્યું તેની સાથે શૂટર ગુલામ પણ માર્યો ગયો. અસદ અહેમદ ઉમેશ પાલની હત્યામાં વોન્ટેડ હતો અને તેના પર પાંચ લાખ રૂપિયાનું ઈનામ પણ હતું.
#WATCH | Former MP Atiq Ahmed's son Asad, aide killed in an encounter by UP STF in Jhansi
Visuals from the encounter site pic.twitter.com/kL3fUrr7S7
— ANI UP/Uttarakhand (@ANINewsUP) April 13, 2023
અસદ ઉમેશ પાલ હત્યા કેસનો મુખ્ય આરોપી હતો અને ફરાર હતો. પોલીસને જાણવા મળ્યું છે કે અતીકે તેના પુત્ર અસદને તેના સાથીદારો દ્વારા ઉમેશ પાલની હત્યાનું કાવતરું રચવાની સૂચના આપી હતી. ઉમર અને અલીના બંને મોટા પુત્રોએ જવાબદારી સંભાળી હતી, પરંતુ ગયા વર્ષે ઓગસ્ટમાં બંનેએ કોર્ટમાં આત્મસમર્પણ કર્યું હતું. આ પછી અસદે તેના પિતા પાસેથી ગેંગને સંભાળવાની જવાબદારી લીધી હતી. મીડિયા રિપોર્ટ્સ અનુસાર, અસદ અહેમદ પ્રયાગરાજને બદલે લખનૌમાં રહીને તેના પિતાની ગેંગનું સંચાલન કરતો હતો. અસદે લખનૌની ટોચની શાળામાંથી ધોરણ 12 પાસ કર્યું હતું અને તે વધુ અભ્યાસ માટે વિદેશ જવા માંગતો હતો, પરંતુ તેનો પાસપોર્ટ ક્લિયર થઈ શક્યો ન હતો.
આ પણ વાંચો : Atiq Ahmed : અતીક અહેમદના પુત્ર અસદનું એન્કાઉન્ટર, UP STFની મોટી કાર્યવાહી
તમને જણાવી દઈએ કે અતીકને કુલ પાંચ પુત્રો છે. બે મોટા પુત્રોના શરણાગતિ અને અસદના એન્કાઉન્ટર બાદ અતીકના બે નાના પુત્રો બાળ સુધાર ગૃહમાં છે. અતીકના બે નાના પુત્ર આઝમ અને અબાન સગીર છે. આઝમ 10માનો વિદ્યાર્થી છે જ્યારે અબાન 8માનો વિદ્યાર્થી છે. ફેબ્રુઆરીમાં, અસદ અને તેના સાથીઓએ ઉમેશ પાલ અને તેના બે પોલીસ સુરક્ષા કર્મીઓને પ્રયાગરાજમાં તેમના ઘરની બહાર ગોળી મારીને હત્યા કરી હતી. ઉમેશ પાલ ધારાસભ્ય રાજુ પાલ હત્યા કેસનો મુખ્ય સાક્ષી હતો, જેમાં અતિક અહેમદ અને તેનો ભાઈ અશરફ કથિત રીતે સામેલ છે.
