અનંત-રાધિકાનું બીજું પ્રી-વેડિંગ કાર્ડ જાહેર, 4 દિવસ સુધી ચાલશે ઉજવણી

• ઈટાલીમાં યોજાશે અનંત અંબાણી અને રાધિકા મર્ચન્ટનું પ્રી-વેડિંગ ફંક્શન
• 29મી મેથી 1લી જૂન સુધી ચાલશે અંબાણી પરિવારની આ ઉજવણી
• સોશિયલ મીડિયા પર વાયરલ થયું આમંત્રણ કાર્ડ

નવી દિલ્હી, 27 મે: અનંત અંબાણી અને રાધિકા મર્ચન્ટ આ દિવસોમાં તેમના બીજા પ્રી-વેડિંગ ફંક્શનને લઈને ચર્ચામાં છે. આ બંને જુલાઈમાં લગ્ન કરવા જઈ રહ્યા છે પરંતુ તે પહેલા તેઓ ફરી એકવાર ઈટાલીમાં એક ભવ્ય ફંક્શન કરવા જઈ રહ્યા છે. જેના માટે બંનેએ ઉડાન ભરી છે. આ દરમિયાન, ફંક્શનનું આમંત્રણ કાર્ડ વાયરલ થઈ રહ્યું છે.

મુકેશ અંબાણી અને નીતા અંબાણીનાં નાના પુત્ર અનંત અંબાણી પણ તેમના જીવનનો નવો અધ્યાય શરૂ કરવા જઈ રહ્યા છે. તે આ વર્ષે જુલાઈમાં તેની મંગેતર રાધિકા મર્ચન્ટ સાથે લગ્ન કરવા જઈ રહ્યો છે, પરંતુ તે પહેલા અંબાણી પરિવારે આ થવાવાળા વર-કન્યા માટે એક ભવ્ય પ્રી-વેડિંગ ફંક્શનનું આયોજન કર્યું છે.

હા, આ કપલ બીજી વખત પ્રી-વેડિંગ કરવા જઈ રહ્યું છે, જેના માટે અંબાણી-મર્ચન્ટ અને બોલિવૂડના ઘણા સેલેબ્સ આવ્યા છે. આ બધાંની વચ્ચે હવે ગ્રાન્ડ પ્રી-વેડિંગ ફંક્શનનું આમંત્રણ કાર્ડ વાયરલ થઈ રહ્યું છે, જેને જોઈને તમે ચોંકી જશો.

ઇટાલીમાં ક્રુઝ પર થશે ઉજવણી

મુકેશ અંબાણીએ ઈટાલીમાં ક્રુઝ પર એક ભવ્ય પ્રી-વેડિંગ ફંક્શનનું આયોજન કરીને તેમના પુત્ર અને ભાવિ પુત્રવધૂ માટે એક શાનદાર સરપ્રાઈઝ આપ્યું છે. આ ક્રૂઝ ઈટાલીથી ફ્રાન્સ જશે અને આ દરમિયાન અંબાણી પરિવાર સમુદ્રની વચ્ચે ઉજવણી કરતો જોવા મળશે.

3 નહીં પરંતુ 4 દિવસ સુધી ચાલશે આ ફંક્શન

અનંત અંબાણી અને રાધિકા મર્ચન્ટનાં બીજા પ્રી-વેડિંગ કાર્ડનો ફોટો વાયરલ થઈ રહ્યો છે, જેમાં કહેવામાં આવ્યું છે કે આ ફંક્શન 29 મેથી શરૂ થશે અને 1 જૂન સુધી ચાલશે. સફેદ અને વાદળી કાર્ડમાં લખવામાં આવ્યું છે, “લા વિટે ઈ અન વિયાજીઓ,” જેનો અર્થ થાય છે “જીવન એક સફર છે.” “આ દિવસોમાં જ્યારે મિત્રો એકસાથે આવશે, ત્યારે તે જીવનભરનો રોમાંચ હશે” સેલિબ્રિટી ફોટોગ્રાફર વિરલ ભયાનીએ આ કાર્ડ પોતાના ઈન્સ્ટાગ્રામ પર શેર કર્યું છે.

ઇટાલીના આ શહેરમાં હાજરી આપશે મહેમાનો

આ કાર્ડ અનુસાર, તમામ મહેમાનોએ ઇટાલીના સિસિલીના શહેર પલેર્મોમાં પ્રી-વેડિંગ ફંક્શનમાં હાજરી આપવાનું રહેશે. જ્યાંથી 29મી મેના રોજ બધા એકસાથે ક્રુઝમાં જોડાશે. આ સમય દરમિયાન, ક્રુઝ પર ફંક્શન વેલકમ લંચ થીમ સાથે શરૂ થશે. 29 મેની સાંજે થીમ “તારોવાળી રાત” છે જે બીજા દિવસે “એ રોમન હોલીડે” થીમ સાથે આગળ વધશે.

30 મેની રાત્રિની થીમ “લા ડોલ્સે ફાર નિએન્ટે” છે અને તે પછી રાત્રે 1 વાગ્યે “ટોગા પાર્ટી” થશે. બીજા દિવસની થીમ છે “વી ટર્ન્સ વન અન્ડર ધ સન,” “લે માસ્કરેડ,” અને “પાર્ડન માય ફ્રેન્ચ.” છેલ્લા દિવસે એટલે કે શનિવારે, થીમ ઇટાલિયન ઉનાળાનાં ડ્રેસ કોડ સાથે “લા ડોલ્સે વિટા” હશે. આ કાર્ડ બાદ હવે ફેન્સ આ ફંક્શનની તસવીરોની રાહ જોઈ રહ્યા છે.

આ પણ વાંચો: વિકાસ દિવ્યકીર્તિના ઘરે પહોંચ્યો આમિર ખાન, લોકોએ કહ્યુંઃ બાયોપિક કન્ફર્મ