રોડ પર અકસ્માત દેખાયો અને….CM એકનાથ શિંદેએ જૂઓ કઈ રીતે માનવતાનું ઉદાહરણ પૂરું પાડ્યું
- સીએમ શિંદે પોતે કારમાંથી નીચે ઉતર્યા અને મહિલાની મદદ કરી
- વીડિયો સોશિયલ મીડિયામાં ભારે વાયરલ
મુંબઈ, 10 જુલાઈ : મહારાષ્ટ્રના સીએમ એકનાથ શિંદે સાથે સંબંધિત એક વીડિયો વાયરલ થઈ રહ્યો છે. સીએમનો કાફલો પસાર થઈ રહ્યો હતો ત્યારે રોડ પર એક મહિલાનો અકસ્માત થયો હતો. આ અકસ્માત પછી એકનાથ શિંદેએ ઘાયલ મહિલાને રસ્તા પર બેઠેલા જોયા અને પોતાના વીઆઈપી સ્ટેટસ અને સુરક્ષાની પરવા કર્યા વિના માનવતાનું ઉદાહરણ પૂરું પાડ્યું હતું.
આ પણ વાંચો : મહિલામાંથી પુરુષ બન્યા IRS અધિકારી! સિવિલ સર્વિસના ઈતિહાસનો પહેલો કિસ્સો
અધિકારીઓને કેટલાક નિર્દેશો પણ આપ્યા
સીએમ શિંદે પોતે પોતાની કારમાંથી નીચે ઉતર્યા અને મહિલાની મદદ કરી. વીડિયોમાં જોઈ શકાય છે કે કેવી રીતે તે રસ્તા પાસે ટ્રેક પર બેઠેલી આ પીડિત મહિલા પાસે ગયા અને પૂછી રહ્યા છે કે શું થયું. નજીકમાં ઉભેલા લોકોએ આ ઘટનાનો વીડિયો બનાવ્યો. મહિલાની સાથે અન્ય એક વ્યક્તિને પણ ઈજા થઈ હતી. દરમિયાન એક એમ્બ્યુલન્સ આવે છે જેમાં ઘાયલોને લઈ જવામાં આવે છે. સીએમ આ બધા સમયે સાથે જોવા મળે છે અને અધિકારીઓને કેટલીક સૂચનાઓ આપતા પણ જોવા મળે છે.
Maharashtra: While leaving Thane this morning for the legislative session, Chief Minister Eknath Shinde helps an elderly woman injured in a rickshaw accident pic.twitter.com/b9V2Cj9EBo
— IANS (@ians_india) July 10, 2024
કોઈપણ નેતા ગમે તેટલો અમીર હોય, કોઈને પણ બક્ષવામાં આવશે નહીં
ઉલ્લેખનીય છે કે તાજેતરમાં જ મુંબઈના વરલી વિસ્તારમાં બનેલી BMW હિટ એન્ડ રનની ઘટનાને લઈને મુખ્યમંત્રી શિંદેએ કહ્યું હતું કે આ મામલે કડક પગલાં લેવામાં આવશે. તેમણે કહ્યું કે કોઈ પણ નેતા ગમે તેટલો અમીર હોય, કોઈને પણ બક્ષવામાં આવશે નહીં.
આ પણ વાંચો : મુસ્લિમ મહિલાઓ પણ પતિ પાસેથી ભરણપોષણ માંગી શકે છે: સુપ્રીમ કોર્ટ
