ડોનાલ્ડ ટ્રમ્પે દોસ્તીવાળી વાત કહી તો પીએમ મોદીએ પણ જવાબ આપી દીધો

નવી દિલ્હી, 06 સપ્ટેમ્બર 2025: ડોનાલ્ડ ટ્રમ્પના મિત્રતાના નિવેદન પછી પીએમ મોદીનું આ નિવેદન આવ્યું છે. પીએમ મોદીએ કહ્યું, “અમે રાષ્ટ્રપતિ ટ્રમ્પની ભાવનાઓ અને અમારા સંબંધોના સકારાત્મક મૂલ્યાંકનની હૃદયપૂર્વક પ્રશંસા કરીએ છીએ અને તેનું સંપૂર્ણ સમર્થન કરીએ છીએ. ભારત અને અમેરિકા વચ્ચે અત્યંત સકારાત્મક અને દૂરંદેશી વ્યાપક અને વૈશ્વિક વ્યૂહાત્મક ભાગીદારી છે.”

ડોનાલ્ડ ટ્રમ્પે શું નિવેદન આપ્યું?

વ્હાઇટ હાઉસ ખાતે, યુએસ રાષ્ટ્રપતિ ડોનાલ્ડ ટ્રમ્પે ભારત-અમેરિકા સંબંધો પર નિવેદન આપ્યું. તેમણે કહ્યું, “હું હંમેશા મોદી સાથે મૈત્રીપૂર્ણ રહીશ, તેઓ એક મહાન વડા પ્રધાન છે. ભારત અને અમેરિકા વચ્ચે ખાસ સંબંધ છે. ચિંતા કરવાની કોઈ વાત નથી.”

Deeply appreciate and fully reciprocate President Trump’s sentiments and positive assessment of our ties.

India and the US have a very positive and forward-looking Comprehensive and Global Strategic Partnership.@realDonaldTrump @POTUS https://t.co/4hLo9wBpeF

— Narendra Modi (@narendramodi) September 6, 2025

જ્યારે રાષ્ટ્રપતિ ટ્રમ્પને ભારત ગુમાવવા અંગેની તેમની ટ્રુથ સોશિયલ પોસ્ટ વિશે પૂછવામાં આવ્યું, ત્યારે તેમણે કહ્યું, “મને નથી લાગતું કે એવું કંઈ છે. જેમ તમે જાણો છો, હું (ભારતીય વડા પ્રધાન) મોદી સાથે ખૂબ સારી રીતે મળી શકું છું. તેઓ થોડા મહિના પહેલા અહીં આવ્યા હતા, અમે રોઝ ગાર્ડનમાં ગયા હતા.”

ભારત અને અમેરિકા વચ્ચે વેપાર તણાવ ચાલી રહ્યો છે

ટ્રમ્પની ઉચ્ચ ટેરિફ નીતિને કારણે ભારત અને અમેરિકા વચ્ચે વેપાર તણાવ ચાલી રહ્યો છે. હકીકતમાં ટ્રમ્પે ભારત પર 50 ટકા ટેરિફ લાદ્યો છે. ટ્રમ્પની આ નીતિએ ભારતમાં ખળભળાટ મચાવી દીધો છે અને જનતા ટ્રમ્પની ટીકા કરી રહી છે. તે જ સમયે, વિપક્ષ પણ આ મુદ્દા પર પીએમ મોદી પ્રત્યે આક્રમક વલણ અપનાવી રહ્યો છે.

આવી સ્થિતિમાં, ટ્રમ્પ દ્વારા પીએમ મોદીને મિત્ર કહેવું અને પીએમ મોદીએ ટ્રમ્પનો આભાર માનવો એ ચર્ચાનો વિષય છે.

આ પણ વાંચો: દિલ્હીના લાલ કિલ્લામાં સોના-હીરા જડિત 1 કરોડના કળશની ચોરી, પોલીસે તપાસ શરુ કરી