સલમાન ખાન હાઉસ ફાયરિંગ કેસમાં મોટું અપડેટ, 5મા આરોપી મોહમ્મદ ચૌધરીની રાજસ્થાનમાંથી ધરપકડ

મુંબઈ, 07 મે 2024: સલમાન ખાન હાઉસ ફાયરિંગ કેસમાં વધુ એક આરોપી ઝડપાયો છે. 5મો આરોપી મોહમ્મદ ચૌધરીની રાજસ્થાનમાંથી ધરપકડ કરવામાં આવી છે. મુંબઈ ક્રાઈમ બ્રાન્ચે આ ધરપકડ કરી છે. મોહમ્મદ ચૌધરી પર શૂટર્સ વિકી ગુપ્તા અને સાગર પાલને પૈસા આપવા અને સલમાનના ઘરની રેકી કરવાનો આરોપ છે. આરોપી મોહમ્મદ ચૌધરીને રાજસ્થાનથી મુંબઈ લાવવામાં આવી રહ્યો છે. ક્રાઈમ બ્રાન્ચ આરોપીને કોર્ટમાં રજૂ કરશે અને 5 દિવસની કસ્ટડી માંગી શકે છે.

Salman Khan residence firing case | Mumbai Crime Branch arrested the 5th accused in this case from Rajasthan, the name of the arrested accused is Mohammad Chaudhary. He helped the two shooters, Sagar Pal and Vicky Gupta, provide money, and do recce. Chaudhary is being brought to…

— ANI (@ANI) May 7, 2024

એક આરોપીએ આપઘાત કર્યો હતો

તાજેતરમાં જ સલમાન ખાનના ઘરની બહાર ફાયરિંગ કેસના આરોપી અનુજ થાપને ગળેફાંસો ખાઈને આપઘાત કર્યો હતો. અનુજ પર શૂટર્સને હથિયાર પૂરા પાડવાનો આરોપ હતો. પ્રાપ્ત માહિતી અનુસાર, આરોપી અનુજ થાપને ચાદર સાથે લટકીને આત્મહત્યા કરી લીધી હતી. આરોપીને રાત્રે સૂતી વખતે ચાદર આપવામાં આવી હતી. જ્યારે પોલીસની ટીમ નિયમિત તપાસ માટે સવારે તેની બેરેકમાં પહોંચી ત્યારે અનુજ બેભાન હાલતમાં મળી આવ્યો હતો. બાદમાં પોલીસ આરોપી અનુજ થપનને જીટી હોસ્પિટલમાં લઈ ગઈ હતી. અહીં સારવાર દરમિયાન આરોપીનું મૃત્યુ થયું હતું.

ક્યારે ફાયરિંગ થયું?

14 એપ્રિલની સવારે સલમાન ખાનના બાંદ્રા સ્થિત ‘ગેલેક્સી એપાર્ટમેન્ટ’ પર બે મોટરસાઇકલ સવાર શખ્સોએ ગોળીબાર કર્યા બાદ પોલીસે IPCની કલમ 307 (હત્યાનો પ્રયાસ) હેઠળ FIR નોંધી હતી. પોલીસે 16 એપ્રિલે ગુજરાતના ભુજમાંથી ગુપ્તા અને પાલની ઝડપી પાડ્યા હતા. અધિકારીઓએ દાવો કર્યો હતો કે પાલે કથિત રીતે ગોળીબાર કર્યો હતો જ્યારે ગુપ્તા મોટરસાઇકલ પર સવાર હતો. જો કે, સલમાન ખાનના ઘરની બહાર ફાયરિંગની ઘટનામાં વપરાયેલી બંદૂક સુરતની તાપી નદીમાંથી મળી આવી હતી. આ દરમિયાન કેટલાક કારતુસ પણ મળી આવ્યા હતા. સલમાનના ઘરે ફાયરિંગ કરનારા યુવકો વિકી ગુપ્તા અને સાગર પાલે પૂછપરછ કરતાં જાણવા મળ્યું છે કે, ફાયરિંગ કર્યા બાદ તેઓ મુંબઈથી રોડ માર્ગે સુરત પહોંચ્યા હતા. અહીંથી બંને ટ્રેનમાં ભુજ ગયો હતો, જ્યાં મુસાફરી દરમિયાન તેણે રેલવે બ્રિજ પરથી પિસ્તોલ તાપી નદીમાં ફેંકી દીધી હતી.

આ પણ વાંચો: સલમાન હાઉસ ફાયરિંગ કેસમાં આરોપીની આત્મહત્યા કે સાજિશ? આરોપીનો પરિવાર પહોંચ્યો હાઈકોર્ટ