આમિર ખાનનો ભાંગડા કરતો વીડિયો વાયરલ, ફિલ્મ પ્રમોશન દરમિયાન કર્યો જોરદાર ડાન્સ
મિસ્ટર પરફેક્શનિસ્ટ બોલિવૂડ એક્ટર આમિર ખાને પોતાના ફેન્સને ઘણી સારી-સારી ફિલ્મો આપી છે. જો કે ‘લાલ સિંહ ચઢ્ઢા’ની નિષ્ફળતા બાદ આમિર ખાને ફિલ્મોમાંથી થોડો બ્રેક લીધો છે. ત્યારે, આમિર ખાન હવે તેના એક વીડિયોને કારણે ચર્ચામાં આવી ગયો છે. હાલ ઈન્સ્ટાગ્રામ પર આમિર ખાનનો એક વીડિયો વાયરલ થયો છે, જેમાં તે ભાંગડા પરફોર્મ કરતો જોવા મળી રહ્યો છે. તેની ડાન્સિંગ સ્ટાઈલ તેના ફેન્સને ખૂબ જ પસંદ આવી રહી છે. આ વીડિયો એક પંજાબી ફિલ્મના ટ્રેલર લોન્ચ દરમિયાન જણાવવામાં આવી રહ્યો છે, જ્યાં આમિર તે ફિલ્મના પ્રમોશન માટે પહોંચ્યો હતો.
Megastar #AamirKhan???? spotted doing bhangra with #GippyGrewal as they arrive at #CarryOnJatta3 trailer launch. pic.twitter.com/xWLAvghrrk
— RAJ (@Chhalla_Deewana) May 30, 2023
આમિર ખાને ભાંગડા કર્યા
વીડિયોમાં જોઈ શકાય છે કે આમિર ખાને જીન્સ અને કુર્તો પહેર્યો છે. આમિરના વાળમાં બેન્ડ લગાવ્યું છે અને તે ખૂબ જ ડેશિંગ લુક આપી રહ્યો છે. આમિર ખાન સાથે બેન્ડના સભ્યો પણ જોવા મળે છે અને તે તેમની સાથે ભાંગડા કરી રહ્યો છે.
હવે આમિર ખાનનો વીડિયો સોશિયલ મીડિયા પર વાયરલ થયો છે. ફેન્સને તેની સ્ટાઈલ ખૂબ પસંદ છે. બાના નામના ઇન્સ્ટાગ્રામ યુઝરે લખ્યું કે, “મને આમિર ગમે છે, તે એક ક્રિએટિવ એક્ટર છે.” તો અન્ય એક યુઝરે લખ્યું કે, શાનદાર ડાન્સ.
આમિર ખાનની ‘લાલ સિંહ ચઢ્ઢા’ ફિલ્મ ફ્લોપ રહી
આમિર ખાન છેલ્લે ફિલ્મ ‘લાલ સિંહ ચઢ્ઢા’માં જોવા મળ્યો હતો. આ ફિલ્મ ગયા વર્ષે ઓગસ્ટમાં રિલીઝ થઈ હતી. તેની ફિલ્મ બોક્સ ઓફિસ પર ફ્લોપ રહી હતી. આ ફિલ્મ પછી તેણે થોડો સમય બ્રેક લીધો અને કહ્યું કે તે તેના પરિવાર, માતા અને બાળકો સાથે થોડો સમય વિતાવવા માંગે છે. તેના ફેન્સ તેના કમબેકની રાહ જોઈ રહ્યા છે.
