કોરોનાથી થોડો હાશકારો ! દેશમાં છેલ્લા 24 કલાકમાં કોરોનાના 7,533 નવા કેસ નોંધાયા

• 24 કલાકમાં કોરોનાના 7,533 નવા કેસ નોંધાયા
• ગઈ કાલની સરખામણીમાં નવા કેસોમાં 19 ટકાનો ઘટાડો
• દેશમાં સક્રિય દર્દીઓની સંખ્યા 53 હજારને પાર

દેશમાં કોરોનાના કેસમાં થોડો ઘટાડો જોવા મળી રહ્યો છે. છેલ્લા 24 કલાકમાં કોરોનાના 7,533 નવા કેસ નોંધાયા છે.ગઈ કાલની સરખામણીમાં નવા કેસોમાં 19 ટકાનો ઘટાડો નોંધાયો છે. આ સાથે દેશમાં સક્રિય દર્દીઓની સંખ્યા 53 હજારને પાર ગઈ છે. હાલમાં દેશમાં 53,852 કોરોના સંક્રમિત દર્દીઓની સારવાર કરવામાં આવી રહી છે.

અત્યાર સુધીમાં 4.49 કરોડ કેસ

દેશમાં અત્યાર સુધીમાં 4.49 કરોડ લોકો કોરોનાની ઝપેટમાં આવી ચુક્યા છે. સક્રિય કેસ હવે કુલ ચેપના 0.12 ટકા છે. અને દેશમાં છેલ્લા દિવસે કોરોનાને કારણે 44 લોકોના મોત પણ થયા છે. જો કે, આમાં 16 જૂના કેસ છે, જેને કેરળએ આગલા દિવસે અપડેટ કર્યા છે. આ સાથે દેશમાં મૃત્યુઆંક વધીને 5,31,468 થઈ ગયો છે.

સતત ઘટતા કેસ

અગાઉ, કેન્દ્રીય સ્વાસ્થ્ય મંત્રાલયના ડેટા અનુસાર, ગુરુવારે છેલ્લા 24 કલાકમાં 9,335 નવા કેસ નોંધાયા હતા. બુધવારે આ આંકડો 9,629 હતો. ગુરુવારે 26 મૃત્યુ સાથે મૃત્યુઆંક વધીને 5,31,424 થયો હતો.

રિકવરી રેટ 98.69 ટકા

મંત્રાલયની વેબસાઈટ પર શેર કરાયેલા ડેટા મુજબ, રાષ્ટ્રીય કોવિડ રિકવરી રેટ 98.69 ટકા નોંધાયો છે. ચેપમાંથી સાજા થનારા લોકોની સંખ્યા વધીને 4,43,47,024 થઈ ગઈ છે, જ્યારે મૃત્યુ દર 1.18 ટકા પર યથાવત છે. દેશવ્યાપી કોવિડ-19 રસીકરણ અભિયાન હેઠળ દેશમાં અત્યાર સુધીમાં કોવિડ રસીના કુલ 220.66 કરોડ ડોઝ આપવામાં આવ્યા છે.

આ પણ વાંચો : Wrestlers Protest: કુસ્તીબાજોને મળ્યું ઓલિમ્પિક ચેમ્પિયન નીરજ ચોપરાનું સમર્થન, કહી આ મોટી વાત