પત્નીએ પતિને માર્યો માર, મેરઠમાં પતિ-પત્નીનો હાઈ વોલ્ટેજ ડ્રામા, ત્રણ મહિના અગાઉ થયા હતા લગ્ન
ઉત્તર પ્રદેશના સોમવારે મેરઠના રસ્તાઓ પર એક પતિ અને પત્નીનો હાઈવોલ્ટેજ ડ્રામા જોવા મળ્યો હતો. મેરઠ ડેવલપમેન્ટ ઓથોરિટી ઓફિસ અને મહિલા પોલીસ સ્ટેશન વચ્ચેના રસ્તા પર એક મહિલા અચાનક તેના પતિની કારના બોનેટ પર ચઢી ગઈ હતી. પછી તેણે રસ્તાની વચ્ચે તેને મારવાનું શરૂ કરી દીધું હતું. રસ્તા પરથી પસાર થતા લોકો તેનો વીડિયો ઉતારવા લાગ્યા હતા. આ ઘટનાનો વીડિયો સોશિયલ મીડિયા પર પોસ્ટ ઝડપથી વાયરલ થઈ રહ્યો છે.
ઘટનાના સાક્ષીઓએ કહ્યું હતું કે દિનેશ તેની વેગનઆર કાર લઈને જઈ રહ્યો હતો ત્યારે કૌટુંબિક વિવાદને કારણે તેની પત્ની અચાનક કારના બોનેટ પર ચઢી ગઈ હતી. પરંતુ પતિએ કાર દોડાવાનું ચાલુ રાખ્યું હતું જેના કારણે ઘટનાસ્થળે હોબાળો મચી ગયો હતો. પરંતુ કાર થોડે દૂર જઈને પતિએ રોકી હતી. બાદમાં પત્ની કાર પરથી ઉતરીને પતિને મારવા લાગી હતી.
પતિને રસ્તાની વચ્ચે ક્રૂર રીતે માર મારવામાં આવ્યો
કાર રોકતાની સાથે જ મહિલાએ તેના પતિનો કોલર પકડી લીધો અને રસ્તાની વચ્ચે તેને માર મારવાનું શરૂ કરી દીધું હતું. આ આખી ઘટના મહિલા પોલીસ સ્ટેશન અને પોલીસ લાઇનની સામે બની જ્યાં વરિષ્ઠ અધિકારીઓ નિયમિતપણે પસાર થાય છે. આમ છતાં મહિલાએ ડર્યા વગર તેના પતિને માર મારવાનું ચાલુ રાખ્યું હતું. ઘટનાસ્થળેથી પસાર થતા લોકોની ભીડ એકઠી થઈ ગઈ, રસ્તો રોકી દીધો હતો.
આ દરમિયાન દંપતી સાથે સમજાવવાનો પ્રયાસ કરવાને બદલે ઘણા લોકોએ ઘટનાનો ઉતારવાનું શરૂ કરી દીધો હતો. કેટલાક લોકોએ પરિસ્થિતિને શાંત કરવાનો પ્રયાસ કર્યો, પરંતુ ગુસ્સામાં મહિલાએ તેના પતિને માર મારવાનું ચાલુ રાખ્યું. થોડીવારમાં જ વીડિયો સોશિયલ મીડિયા પર વાયરલ થઈ ગયો અને ચર્ચાનો વિષય બની ગયો હતો
પોલીસે પરિસ્થિતિ પર કાબૂ મેળવ્યો
માહિતી મળતાં મહિલા પોલીસ અધિકારીઓ અને મહિલા સ્ટેશનના ઇન્સ્પેક્ટર ઘટનાસ્થળે પહોંચ્યા. તેઓએ દંપતીને શાંત પાડ્યા અને તેમને પોલીસ સ્ટેશન લઈ ગયા હતા. પોલીસનું કહેવું છે કે આ મામલો પતિ-પત્ની વચ્ચેના વિવાદ સાથે સંબંધિત છે. હાલમાં બંનેની પૂછપરછ કરવામાં આવી રહી છે, અને ચર્ચાના આધારે આગળની કાર્યવાહી નક્કી કરવામાં આવશે.
