“તમારી દીકરીઓને તેના સપના પૂરા કરવામાં મદદની જરૂર હોય તો કહેજો” – જ્યારે આંશુ સાથે કહ્યું PM મોદીએ
PM મોદીએ ગુરુવારે ગુજરાતમાં સરકારી યોજનાઓના લાભાર્થીઓ સાથે વાતચીત કરી હતી. આ દરમિયાન PMએ લાભાર્થીઓ સાથે તેમના અનુભવો વિશે વાત કરી. આ વાતચીત દરમિયાન PMએ અયુબ પટેલ નામના લાભાર્થી સાથે પણ વાતચીત કરતા અયુબે PMને તેમની ગ્લુકોમાની સમસ્યા અને તેમની પુત્રીઓના સપના વિશે જણાવ્યું. આ દરમિયાન એક ક્ષણ એવી આવી જ્યારે PM મોદી પોતે પણ ભાવુક થઈ ગયા. તેમણે અયુબ પટેલને આંસુ સાથે કહ્યું કે તમારી દીકરીઓને તેમના સપના પૂરા કરવામાં કોઈ મદદની જરૂર હોય તો જણાવજો.
જુઓ આ વિડીયો
#WATCH | While talking to Ayub Patel, one of the beneficiaries of govt schemes in Gujarat during an event, PM Modi gets emotional after hearing about his daughter's dream of becoming a doctor & said, "Let me know if you need any help to fulfill the dream of your daughters" pic.twitter.com/YuuVpcXPiy
— ANI (@ANI) May 12, 2022
શું હતી આખી વાતચીત?
જ્યારે તેમનો વારો આવ્યો ત્યારે અયુબે PM મોદીને કહ્યું કે તેઓ ગ્લુકોમાથી પીડિત છે, પરંતુ તે તેમની ત્રણ દીકરીઓને ભણાવી રહ્યા છે અને સરકાર તેમના અભ્યાસમાં મદદ કરી રહી છે. આ દરમિયાન જ્યારે પીએમ મોદીએ અયુબ સાથે આવેલી તેમની પુત્રી આલિયાને પૂછ્યું કે તે મોટી થઈને શું બનવા માંગે છે તો તે ભાવુક થઈ ગઈ અને કહ્યું કે તે તેના પિતાની સમસ્યાને કારણે આગળ ડોક્ટર બનવા માંગે છે.
કાર્યક્રમમાં PM મોદીએ શું કહ્યું?
આ પહેલા કાર્યક્રમ દરમિયાન પોતાના સંબોધનમાં પીએમ મોદીએ કહ્યું હતું કે સરકારી યોજનાઓ વિશે સંપૂર્ણ માહિતીના અભાવને કારણે કાં તો તે માત્ર કાગળ પર જ રહી જાય છે અથવા લોકો તેનો પૂરો લાભ લઈ શકતા નથી. પીએમએ કહ્યું કે, જ્યારે સરકારી યોજનાઓ સંપૂર્ણ રીતે લાગુ થઈ જશે, ત્યારે કોઈના તુષ્ટિકરણ માટે કોઈ અવકાશ રહેશે નહીં.
