વડાપ્રધાન મોદીનો ‘મન કી બાત’ કાર્યક્રમ 4 મહિના પછી આજે ફરીથી થશે શરુ
- આજથી શરૂ થઈ રહેલા મન કી બાત કાર્યક્રમનો આ 111મો એપિસોડ છે. આ કાર્યક્રમ દેશ-વિદેશમાં સાંભળવા મળશે. આ કાર્યક્રમ 22 ભારતીય ભાષાઓ અને 11 વિદેશી ભાષાઓમાં પ્રસારિત થશે
દિલ્હી, 30 જૂન: વડાપ્રધાન નરેન્દ્ર મોદી આજે ફરીથી ‘મન કી બાત’ કાર્યક્રમ શરૂ કરવા જઈ રહ્યા છે. મન કી બાત કાર્યક્રમનો આ 111મો એપિસોડ હશે. પીએમ મોદીના ‘મન કી બાત’ કાર્યક્રમનું છેલ્લું ટેલિકાસ્ટ 25 ફેબ્રુઆરીએ થયું હતું. આ પછી લોકસભા ચૂંટણીને ધ્યાનમાં રાખીને તેને અટકાવી દેવામાં આવ્યું હતું. PM મોદીનો ‘મન કી બાત’ કાર્યક્રમ, જે 4 મહિના પછી ફરી શરૂ થઈ રહ્યો છે, તેનો ઉદ્દેશ્ય ભારતીય સમાજના વિવિધ વર્ગો સાથે જોડવાનો છે. જેમાં મહિલાઓ, વૃદ્ધો અને યુવાનોનો પણ સમાવેશ થાય છે.
22 ભારતીય અને 11 વિદેશી ભાષાઓમાં સાંભળવામાં આવશે
આ કાર્યક્રમ 22 ભારતીય ભાષાઓ અને 29 બોલીઓ તેમજ 11 વિદેશી ભાષાઓમાં પ્રસારિત કરવામાં આવશે. વિદેશી ભાષાઓમાં ફ્રેન્ચ, ચાઇનીઝ, ઇન્ડોનેશિયન, તિબેટીયન, બર્મીઝ, બલુચી, અરબી, પશ્તો, ફારસી, દારી અને સ્વાહિલીનો સમાવેશ થાય છે. મન કી બાત ઓલ ઈન્ડિયા રેડિયોના 500 થી વધુ બ્રોડકાસ્ટિંગ સ્ટેશનો પર પ્રસારિત થાય છે.
પીએમ મોદીએ કાર્યક્રમને લઈને લોકો પાસેથી આઈડિયા માંગ્યા હતા
છેલ્લા કેટલાક મહિનાઓથી ચાલી રહેલી લોકસભાની ચૂંટણીના કારણે મન કી બાત રેડિયો કાર્યક્રમનું પ્રસારણ થયું ન હતું. અગાઉ 18 જૂને પીએમ મોદીએ જાહેરાત કરી હતી કે મન કી બાત કાર્યક્રમ 30 જૂને ફરી શરૂ થશે. તેમજ પીએમ મોદીએ લોકોને MyGov ઓપન ફોરમ, નમો એપ અને 1800 11 7800 પર રેકોર્ડ કરેલા મેસેજ પર આ કાર્યક્રમ માટે તેમના વિચારો અને ઈનપુટ્સ મોકલવા માટે આહ્વાન કર્યું હતું.
આ પણ વાંચો: WC વિજેતા ભારત સહિતની ટીમો ઉપર પૈસાનો વરસાદ, જાણો કોને કેટલું ઈનામ મળ્યું ?
