એક પત્નીએ ઘરની ટાંકીમાં ભેળવી દીધા દૂધ-ખાંડ અને ચાઃ જાણો શું છે ઘટના

કાનપુર, 26 જૂન, આપણા બધાના દિવસની શરૂઆત ચાની ચૂસકીથી થાય છે. ભારતમાં સવારે ચા પીવી એ માત્ર એક કાર્ય નથી પરંતુ તે લોકો સાથે જોડાયેલી લાગણી છે. આપણે ચા ના ઘણા શોખીન લોકોને જોયા હશે પરંતુ શું એવું જોયું છે કે ચા યુદ્ધનું સાચું કારણ ચા હોઈ શકે છે, કારણ કે ચાના મુદ્દે પતિ-પત્ની વચ્ચે મોટી લડાઈ થઈ છે. મામલો એવો છે કે આખો મહોલ્લો વિચારી રહ્યો છે કે, પાડોશીના ઘરમાં સર્જાયેલા આ યુદ્ધને કેવી રીતે રોકવું. અહીં એક મહિલા તેના પતિની ચા પીવાની કુટેવથી કંટાળીને ઘાબા પર મૂકેલી 1 હજાર લિટરની પાણીની ટાંકીમાં જ ચા બનાવી નાખી હતી.

ચાને લાઇને દંપતી વચ્ચે મહાભારત
ઉત્તરપ્રદેશ કાનપુરના એક વિસ્તારમાં રહેતા એક વ્યક્તિના લગ્ન તાજેતરમાં જ થયા હતા. નવપરિણીત કન્યા તેના પતિ સાથે દરેક રીતે ખુશ હતી, કારણ કે તેનો પતિ તેની દરેક માંગણી પૂરી કરવામાં કોઈ કસર છોડતો ન હતો. પરંતુ પતિની એક માંગ પૂરી કરવા માટે પત્નીની તમામ ઈચ્છાઓ ધૂળ ખાઈ રહી હતી. વાસ્તવમાં પતિને ચા ખૂબ જ પસંદ છે. પતિને દિવસમાં ઓછામાં ઓછા પાંચ-છ કપ ચા પીવાની ટેવ હતી, તેનાથી પરેશાન થઈને પત્નીએ ચા પીવાની આ આદતથી છૂટકારો મેળવવા માટે ઘણી યુક્તિઓ અજમાવી, પરંતુ તેના કોઈ પ્રયાસો પણ તેના પતિની આ આદતમાંથી બહાર ન લાવી શક્યા. ઘણી વાર એવું બન્યું કે બંને વચ્ચે મહાભારત થઈ ગઈ.

પતિની વારંવાર ચા બનાવવાની માંગણીથી કંટાળીને પત્નીએ તેનો ઉકેલ એવી રીતે કાઢ્યો કે આખો મહોલ્લો તેના વખાણ કરી રહ્યો છે. પત્નીએ ઘરની છત પર લગાવેલી 1000 લિટરની ટાંકીમાં દૂધ, ખાંડ અને ચાની પત્તી રેડી ચા બનાવી ગરમ કરવાનું ઉકાળવાનું બાકી કામ 50 ડિગ્રી ગરમીએ કર્યું. અને નળમાંથી ઉકળતી ચા આવવા લાગી. પત્નીના પરાક્રમથી પતિ એટલો ખુશ હતો કે તેણે તેની મનપસંદ ફિલ્મના ત્રણ શો એકસાથે બતાવ્યા.

પતિએ કહ્યું ચામાં આદુનો સ્વાદ નથી.
પાણીની ટાંકીમાં ચા બનાવનારી પત્નીએ પતિને એક વખત તો ખુશ કરી દીધો હતો, પરંતુ હવે પતિની ફરિયાદો તેને ફરી પરેશાન કરવા લાગી છે. ખરેખર, પતિ કહે છે કે ચા સારી છે, પરંતુ તેમાં આદુનો સ્વાદ નથી. આવી સ્થિતિમાં, પત્નીએ મોટા બજારમાંથી 100 કિલો આદુ મંગાવ્યું છે, જેથી તે તેના પ્રેમીનું દિલ સંપૂર્ણપણે જીતી શકે.

આ પણ વાંચો..ફેસબુક પર થયેલો પ્રેમ યુવતીને ભારે પડ્યો, લંડનથી લગ્ન કરવા આવેલા યુવકે આ રીતે કર્યું ફ્રોડ