સિકંદરના લૂકમાં સલમાન ખાન, ચાહકોએ કહ્યું, દિવસે દિવસે યંગ થાય છે!
- ફોટોમાં સલમાન ખાન એકદમ નવા લૂકમાં જોવા મળી રહ્યો છે. સલમાનનો આ ડેશિંગ લૂક ચાહકોને ક્રેઝી કરી રહ્યો છે. લોકો તેના લૂકના વખાણ કરતા થાકતા નથી
19 જૂન, મંગળવારઃ ભાઈજાન એટલે કે સલમાન ખાન આ વખતે સિકંદર બનીને લોકોના દિલ જીતવા આવી રહ્યો છે. આ ફિલ્મમાં તેની સાથે રશ્મિકા મંદાના જોવા મળશે. આ ફિલ્મ 2025માં ઈદના દિવસે રીલીઝ થશે, જેનું શૂટિંગ હાલમાં જ શરૂ થયું છે. દરમિયાન, તાજેતરમાં જ સલમાન ખાને ‘સિકંદર’ના સેટ પરથી તેનો પહેલો લૂક શેર કર્યો છે, જેણે ઈન્ટરનેટ પર હલચલ મચાવી દીધી છે. આ લુકમાં સલમાન ખાન ઘણો યંગ અને ડેશિંગ લાગી રહ્યો છે.
સિકંદરના લૂકમાં છવાઈ ગયો સલમાન
જ્યારથી સલમાન ખાનની ફિલ્મ સિકંદરની જાહેરાત થઈ છે ત્યારથી ચાહકો ફિલ્મ સાથે જોડાયેલા સમાચારો પર નજર રાખી રહ્યા છે. તાજેતરમાં જ સલમાન ખાને તેના સત્તાવાર ઈન્સ્ટાગ્રામ હેન્ડલ પર સિકંદરનો ફર્સ્ટ લૂક શેર કરીને લોકોના ઉત્સાહમાં વધારો કર્યો છે. 18 જૂને સિકંદરના શૂટિંગનો પહેલો દિવસ હતો અને સલમાને સેટ પરથી પહેલી તસવીર શેર કરી છે. આ ફોટોમાં સલમાન ખાન એકદમ નવા લૂકમાં જોવા મળી રહ્યો છે. સલમાનનો આ ડેશિંગ લૂક ચાહકોને ક્રેઝી કરી રહ્યો છે. લોકો તેના લૂકના વખાણ કરતા થાકતા નથી. આ ફોટોમાં સલમાન ખાન સાથે ફિલ્મના પ્રોડ્યુસર સાજિદ નડિયાદવાલા અને ડિરેક્ટર એઆર મુરુગદોસ પણ જોવા મળી રહ્યા છે.
View this post on Instagram
સલમાને શેર કરેલી આ તસવીરને લોકો ખૂબ પસંદ કરી રહ્યા છે. આ તસવીર ઈન્ટરનેટ પર વાયરલ થઈ રહી છે. તે જ સમયે, ચાહકો પણ સલમાનના આ લૂક પર ઉગ્ર પ્રતિક્રિયા આપી રહ્યા છે. સલમાન ખાનના આ લૂક પર કમેન્ટ કરતા એકે લખ્યું છે ‘હવે બબાલ થશે’, જ્યારે બીજાએ લખ્યું છે ‘તે દિવસે ને દિવસે યુવાન થઈ રહ્યો છે’ આ રીતે ફેન્સ ભાઈજાનના આ લૂક પર સતત કોમેન્ટ કરી રહ્યા છે .
ક્યારે રીલીઝ થશે સિકંદર?
સલમાન ખાનની ફિલ્મ સિકંદરનું નિર્દેશન એઆર મુરુગદોસ કરી રહ્યા છે, જેમણે આમિર ખાન સ્ટારર ગજનીનું નિર્દેશન કર્યું હતું. સાજિદ નડિયાદવાલા આ ફિલ્મને પ્રોડ્યુસ કરી રહ્યા છે. આ ફિલ્મ નડિયાવાલા ગ્રાન્ડસન હાઉસના બેનર હેઠળ બનશે. આ ફિલ્મમાં સલમાન ખાન અને રશ્મિકા મંદાના ઉપરાંત બાહુબલી સ્ટાર કટપ્પા એટલે કે સત્યરાજ પણ જોવા મળશે. આ ફિલ્મ 2024ની ઈદ પર રીલીઝ થશે, જેના માટે ચાહકો ખૂબ જ ઉત્સાહિત દેખાઈ રહ્યા છે.
આ પણ વાંચોઃ The Bluffના શૂટિંગ વખતે પ્રિયંકા ચોપરાને ગરદનમાં થઈ હતી ઈજા, તસવીર વાયરલ
