રાજસ્થાનમાં તાપમાન 50 ડિગ્રી સેલ્સિયસ, ગરમીથી 5 લોકોના મૃત્યુ
- રાજસ્થાનમાં ગરમીના કારણે 5 લોકોના મૃત્યુ
- ઉત્તર ભારતના મોટાભાગના રાજ્યોમાં હીટ વેવથી રક્ષણ માટે એડવાઈઝરી જારી
- ગુજરાત માટે હીટ વેવનું રેડ એલર્ટ જાહેર
રાજસ્થાન 26 મે: દેશભરમાં તાપમાનમાં વધારો નોંધાયો છે. ત્યારે રાજસ્થાનમાં ગરમીના કારણે 5 લોકોના મૃત્યુ થયા છે. ત્યારે વિશ્વમાં રાજસ્થાનનું ફલોદી સૌથી ગરમ શહેરોની યાદીમાં નંબર વન પર રહ્યું હતું. અહીં તાપમાન 50 ડિગ્રી નોંધાયું હતું. ગરમીના કારણે શનિવારે પાંચ લોકોના મૃત્યુ થયા હતા. રવિવાર માટે, હવામાન વિભાગે રાજસ્થાન, પંજાબ, હરિયાણા, ચંદીગઢ, દિલ્હી, ઉત્તર પ્રદેશ, ગુજરાત માટે હીટ વેવનું રેડ એલર્ટ જાહેર કર્યું છે. મધ્યપ્રદેશની રાજધાની ભોપાલમાં લોકોને ગરમીથી બચાવવા માટે ટ્રાફિક સિગ્નલનો સમય અડધો કરી દેવામાં આવ્યો છે. એટલે કે જ્યાં સિગ્નલ 60 સેકન્ડ માટે લાલ રહે છે, તે માત્ર 30 સેકન્ડ માટે લાલ રહેશે.
Phalodi in Rajasthan recorded a Maximum Temperature of 50.0°C on 25th May 2024.#heatwave #heatwavealert #weatherupdate@moesgoi @DDNewslive @ndmaindia @airnewsalerts pic.twitter.com/6u0jsC7vxh
— India Meteorological Department (@Indiametdept) May 26, 2024
તે જ સમયે, બંગાળની ખાડીમાં ઉદભવેલું તોફાન રામલ આજે પશ્ચિમ બંગાળ સાથે ટકરાશે. હવામાન વિભાગે દેશના પૂર્વોત્તર વિસ્તાર અને બાંગ્લાદેશના દરિયાકાંઠાના વિસ્તારો માટે ભારે વાવાઝોડાની ચેતવણી જારી કરી છે. આ સમયગાળા દરમિયાન સમુદ્રમાં 1 મીટર ઉંચા મોજા ઉછળી શકે છે, જેના કારણે પશ્ચિમ બંગાળના નીચાણવાળા તટીય વિસ્તારોમાં પૂરની સંભાવના છે.
ગરમીને લઈને એડવાઈઝરી જારી
અલગ અલગ રાજ્યોમાં ગરમીને લઈને એડવાઈઝરી જારી કરવામાં આવી છે. આસામ ડીજીપીએ લોકોને અપીલ કરી છે કે તમારા ઘરની નજીક તૈનાત પોલીસકર્મીઓને પાણી આપો. જરૂર પડે ત્યારે તેમની બોટલો રિફિલ કરવામાં મદદ કરો. બીજી બાજુ જમ્મુ-કાશ્મીર સહિત ઉત્તર ભારતના મોટાભાગના રાજ્યોમાં હીટ વેવથી રક્ષણ માટે એડવાઈઝરી જારી કરવામાં આવી છે. રાજસ્થાનમાં સફાઈ કામદારોને સવારે 5 થી 10 સુધી જ કામ કરવાનું કહેવામાં આવ્યું છે. મધ્યપ્રદેશ, પંજાબ અને દિલ્હીના ડોકટરોએ દર્દીઓ અને વૃદ્ધોને દિવસ દરમિયાન મુસાફરી ન કરવાની સલાહ આપી છે.
Which parts of India are simmering among severe heatwave? Heatwave warning maps for May 24-27. #heatwave #Summers #Heat #Heatwavealert #india pic.twitter.com/K6dggPWwkQ
— News18 (@CNNnews18) May 24, 2024
સિગ્નલ પર રાહત
એમપી ટ્રાફિક પોલીસે ઇન્દોરના ચાર રસ્તાઓ પર લાલ લાઇટનો સમયગાળો ઘટાડ્યો છે , જેથી લોકોને તડકામાં ઓછી રાહ જોવી પડે.આગ્રા, ભોપાલ, જોધપુર, લખનૌ સહિત ઘણા શહેરોમાં, સિગ્નલ પર તંબુઓ ગોઠવવામાં આવ્યા છે, જેથી તેઓ સિગ્નલની રાહ જોતી વખતે રાહત મેળવી શકે.
ગરમીને કારણે વીજળીની અછત
સેન્ટ્રલ વોટર કમિશનના જણાવ્યા અનુસાર, ગયા સપ્તાહે 150 મુખ્ય સ્ત્રોતોમાં પાણી પાંચ વર્ષમાં સૌથી નીચા સ્તરે આવી ગયું છે. જેના કારણે ઘણા રાજ્યોમાં પાણીની તંગી છે અને વીજળીના ઉત્પાદનને અસર થઈ રહી છે.
પાણી પુરવઠામાં કાપ
મુંબઈ મ્યુનિસિપલ કોર્પોરેશન (BMC) એ શનિવારે જણાવ્યું હતું કે 30 મેથી પાણી પુરવઠામાં 5% અને 5 જૂનથી 10% ઘટાડો કરવામાં આવશે. કારણ કે શહેરને પાણી પુરૂ પાડતા જળાશયોમાં માત્ર 10 ટકા જ પાણીનો જથ્થો ઉપલબ્ધ છે. BMC અનુસાર, મુંબઈને પાણી પુરૂ પાડતા ડેમમાં 1 લાખ 40 હજાર મિલિયન લિટર પાણી બાકી છે. મુંબઈની વાર્ષિક 14 લાખ 47 હજાર મિલિયન લિટર પાણીની જરૂરિયાતના આ માત્ર 10% છે.
