‘ચંદૂ ચેમ્પિયન’ના બીજા પોસ્ટરમાં તો કાર્તિક આર્યનને ઓળખવો પણ મુશ્કેલ!
- ‘ચંદૂ ચેમ્પિયન’ના બીજા પોસ્ટરમાં તો કાર્તિક આર્યનને ઓળખવો પણ મુશ્કેલ બની ગયો છે. તેને જોઈને કોઈ અંદાજ ન લગાવી શકે કે આ રોમેન્ટિક ફિલ્મોનો રાજા અને યુવા હૈયાઓનો ચહીતો કાર્તિક છે
16 મે, ગુરૂવારઃ બોલિવૂડ એક્ટર કાર્તિક આર્યન હાલમાં પોતાના આગામી પ્રોજેક્ટ્સને લઈને હેડલાઈન્સમાં છે. હાલમાં તેની મોસ્ટ અવેટેડ ફિલ્મ ‘ચંદૂ ચેમ્પિયન’ને લઈને ચર્ચાઓ ચાલી છે. આ ફિલ્મમાં તેનો અલગ અવતાર જોવા મળશે. ચોકલેટ બોયની ઈમેજને છોડીને કાર્તિક લાંબા સમય બાદ રફ એન્ડ ટફ લૂક અને રોલમાં જોવા મળશે. ‘ચંદૂ ચેમ્પિયન’ના બીજા પોસ્ટરમાં તો કાર્તિક આર્યનને ઓળખવો પણ મુશ્કેલ બની ગયો છે. તેને જોઈને કોઈ અંદાજ ન લગાવી શકે કે આ રોમેન્ટિક ફિલ્મોનો રાજા અને યુવા હૈયાઓનો ચહીતો કાર્તિક આર્યન છે.
ફેન્સનું એક્સાઈટમેન્ટ વધ્યું
15 મેના રોજ ફિલ્મનું પહેલું પોસ્ટર રીલીઝ કરવામાં આવ્યું હતું, જેમાં અભિનેતાનો અદભૂત લુક સામે આવ્યો હતો. ફર્સ્ટ લુકમાં કાર્તિક કાદવથી ઢંકાયેલા શરીર પર લાલ લંગોટી પહેરીને મેદાન પર દોડતો જોવા મળ્યો હતો. આ લૂક બાદ ફિલ્મને લઈને ચાહકોની ઉત્સુકતા વધી ગઈ હતી. હવે દર્શકોના ઉત્સાહને બમણો કરતા નિર્માતાઓએ ફિલ્મનું વધુ એક પોસ્ટર રીલીઝ કર્યું છે.
View this post on Instagram
બીજા પોસ્ટરમાં કાર્તિકનો તદ્દન નવો લૂક
મેકર્સ અને ફિલ્મના લીડ એક્ટર કાર્તિક આર્યનની ફિલ્મ ‘ચંદૂ ચેમ્પિયન’નું બીજું પોસ્ટર 16 મેના રોજ રીલીઝ કરવામાં આવ્યું છે. આ પોસ્ટરમાં અભિનેતાનો અદભૂત લૂક જોઈ શકાય છે. પહેલા પોસ્ટરમાં તે જબરજસ્ત બોડી સાથે દોડતો જોવા મળ્યો હતો અને હવે આ નવા પોસ્ટરમાં તેનો બોક્સિંગ કરતો અવતાર જોઈ શકાય છે. કાર્તિકના આ બોક્સર પાત્રએ હલચલ મચાવી દીધી છે. આ પોસ્ટરમાં તેણે પોતાના શરીર પર કરેલી મહેનત સ્પષ્ટપણે જોઈ શકાય છે.
ચેમ્પિયન બનવા છેલ્લા શ્વાસ સુધી લડતા રહો
ઈન્સ્ટાગ્રામ પર નવું પોસ્ટર રીલીઝ કરતી વખતે અભિનેતાએ લખ્યું છે, ‘જીવનની રિંગમાં ચેમ્પિયન બનવા માટે, તમારે તમારા અંતિમ શ્વાસ સુધી લડતા રહેવું પડશે. ચેમ્પિયન આવી રહ્યો છે. આ ફોટોમાં કાર્તિક તેના સિક્સ પેક એબ્સ બતાવી રહ્યો છે. પોસ્ટર એવું છે કે કાર્તિકને ઓળખવો મુશ્કેલ છે. તેણે ફિલ્મ માટે પોતાનું ફિઝિકલ ટ્રાન્સફોર્મેશન કર્યું છે જે પોસ્ટરમાં સ્પષ્ટ દેખાય છે. હવે ચાહકો આ ફિલ્મની આતુરતાથી રાહ જોઈ રહ્યા છે. કબીર ખાન દ્વારા નિર્દેશિત ફિલ્મ ‘ચંદૂ ચેમ્પિયન’ 14 જૂને રીલીઝ થશે. તેને સાજિદ નડિયાદવાલાએ પ્રોડ્યુસ કરી છે.
આ પણ વાંચોઃ કંગના રનૌતની ‘ઈમરજન્સી’ કેમ ત્રીજી વખત થઈ પોસ્ટપોન, શું છે કારણ?
