બિલ્કિસ કેસના ચુકાદામાં સુપ્રીમ કોર્ટે વાપરેલા શબ્દો કાઢી નાખવા ગુજરાત સરકારની અપીલ

• ગુજરાત સરકારે બિલ્કિસ બાનો કેસમાં સુપ્રીમ કોર્ટમાં રિવ્યુ પિટિશન દાખલ કરી
• સુપ્રીમ કોર્ટે 11 દોષિતોને જેલમાં પાછા મોકલવાનો આદેશ આપતાં કરી હતી કડક ટિપ્પણી

નવી દિલ્હી, 14 ફેબ્રુઆરી: ગુજરાત સરકારે બિલ્કિસ બાનો દોષિતોને જેલમાં પાછા મોકલવાના મામલે સુપ્રીમ કોર્ટનો સંપર્ક કર્યો છે. રાજ્ય સરકારે આ કેસમાં રિવ્યુ પિટિશન દાખલ કરી છે અને ચુકાદામાંથી ગુજરાત સરકાર વિરુદ્ધ કરવામાં આવેલી કઠોર ટિપ્પણીઓને દૂર કરવાની માંગ કરી છે. સુપ્રીમ કોર્ટે 11 દોષિતોને જેલમાં પાછા મોકલવાનો આદેશ આપતા ગુજરાત સરકારના આદેશને રદ કર્યો હતો.

Bilkis Bano case: Gujarat government moves Supreme Court and files review petition seeking to expunge certain remarks made against the government for its conduct with regard to the premature release of the 11 convicts. pic.twitter.com/9pbpjvkZQe

— ANI (@ANI) February 13, 2024

ગુજરાત સરકારે ફરી સુપ્રીમ કોર્ટના દરવાજા ખખડાવ્યા

8 જાન્યુઆરીએ સુપ્રીમ કોર્ટે 11 દોષિતોને જેલમાં પાછા મોકલવાનો આદેશ આપતાં ગુજરાત સરકારના અકાળે મુક્તિના આદેશને રદ કર્યો હતો. અરજીમાં કહેવામાં આવ્યું છે કે, “રાજ્ય સરકાર સાથે મળીને કામ કરે છે અને આરોપીઓ સાથે સાંઠગાંઠ કરે છે” તેવી ટિપ્પણીઓ ખૂબ જ અયોગ્ય છે. કોર્ટે કરેલી આ ટિપ્પણીઓને કારણે રાજ્ય સરકારની છબીને ઘણું નુકસાન થયું છે. મે-2022માં સુપ્રીમ કોર્ટના આદેશના આધારે આ કાર્યવાહી કરવામાં આવી હતી.

સુપ્રીમ કોર્ટે આરોપીઓને જેલમાં મોકલવાનો આપ્યો હતો આદેશ

સુપ્રીમ કોર્ટે ખુદ ગુજરાત સરકારને 2022માં બિલ્કિસ બાનો કેસમાં આરોપીઓની મુક્તિ અંગે નિર્ણય લેવા જણાવ્યું હતું. 2022ના નિર્ણયને કારણે જ 1992ના મુક્તિ નિયમો લાગુ કરવામાં આવ્યા હતા. રાજ્ય સરકારે અરજીમાં જણાવ્યું છે કે, “ સુપ્રીમ કોર્ટ દ્વારા કરવામાં આવેલી ટિપ્પણી કે, ગુજરાત રાજ્ય પ્રતિવાદી નંબર-ત્રણ સાથે મિલીભગતથી કામ કરે છે તે સંપૂર્ણપણે ગેરવાજબી છે.”

તેના 8 જાન્યુઆરીના ચુકાદામાં, સુપ્રીમ કોર્ટે આ કેસમાં દોષિત ઠેરવવામાં આવેલા 11 લોકોને આપવામાં આવેલી પ્રતિરક્ષા રદ કરી હતી અને આદેશ આપ્યો હતો કે, તેઓને બે અઠવાડિયામાં પાછા જેલમાં મોકલવામાં આવે.

શું છે મામલો?

2002માં ગોધરાકાંડ બાદ ગુજરાતમાં ફાટી નીકળેલા કોમી રમખાણો સમયે બિલ્કિસ બાનો 21 વર્ષની હતી. તે ગર્ભવતી પણ હતી. આ દરમિયાન કેટલાક લોકોએ તેના પર દુષ્કર્મ આચર્યો હતો અને તેના પરિવારના સાત સભ્યોની હત્યા કરી હતી. આ કેસમાં તમામ 11 દોષિતોને ગુજરાત સરકાર દ્વારા ઇમ્યુનિટી આપવામાં આવી હતી અને 15 ઓગસ્ટ, 2022ના રોજ તેમને મુક્ત કરવામાં આવ્યા હતા.

આ પણ જુઓ: AAP પાર્ટીએ દિલ્હીમાં હાઈકોર્ટને ફાળવાયેલી જમીન ઉપર ઑફિસ બાંધી દીધી