કબ્રસ્તાન, ગધેડો, રીંગણ જેવાં ચૂંટણી ચિન્હો સાથે નેતાઓ લડી રહ્યા છે ચૂંટણી, જોઈને તમે પણ હસી પડશો

પાકિસ્તાન, 05 ફેબ્રુઆરી : ચૂંટણી દરમિયાન, ઉમેદવારો અને પક્ષોને ચૂંટણી પ્રતીકો ફાળવવામાં આવે છે, આ ચૂંટણી ચિન્હ સાથે તેઓ જનતાની વચ્ચે જાય છે અને પોતાના માટે મત માંગે છે. ઘણીવાર મતદારોએ પણ ચૂંટણી ચિન્હ જોઈને મતદાન કરતા હોય છે. ઘણી પાર્ટીઓની ઓળખ જ તેમનું ચૂંટણી ચિન્હ હોય છે. પરંતુ પાકિસ્તાનમાં યોજવા જઈ રહેલી ચૂંટણીમાં ઉમેદવારો અને પાર્ટીના ચૂંટણી ચિન્હ જોઈ તમે હસી પડશો. કયો નેતા ગધેડો, સ્મશાન, તવો કે રીંગણના ચૂંટણી ચિન્હ સાથે ચૂંટણી લડવા માંગશે?

પાકિસ્તાનમાં ચૂંટણી ચાલી રહી છે પરંતુ ચૂંટણી વચ્ચે ત્યાં ચૂંટણી ચિન્હને લઈને હોબાળો મચી ગયો છે. હંગામા પાછળનું કારણ પાકિસ્તાનના ચૂંટણી પંચ દ્વારા ફાળવવામાં આવેલા ચૂંટણી ચિન્હો છે. સામાન્ય રીતે રોકેટ, ખેડૂત, ફૂલો, મશીનો વગેરેને ચૂંટણી પ્રતીક બનાવવામાં આવે છે પરંતુ પાકિસ્તાનમાં કબ્રસ્તાન અને ગધેડાને પણ ચૂંટણી પ્રતીક બનાવવામાં આવ્યા હતા.

પાકિસ્તાનના ચૂંટણી પંચ દ્વારા આપવામાં આવેલા અન્ય ચૂંટણી ચિન્હોમાં જૂતા, વૉશ બેસિન, ચિમટી, પીંજરું, નેઇલ કટર, મોબાઇલ ફોન ચાર્જર, સિમ કાર્ડ, સ્ક્રૂ, ચમચી, તવા, શટલકોકનો સમાવેશ થાય છે. આવી ચૂંટણીઓમાં ચૂંટણી ચિન્હ મેળવવા માટે ઉમેદવારોની મજાક ઉડાવવામાં આવે છે. એટલું જ નહીં, મહિલાઓને પણ એવા કેટલાક ચૂંટણી ચિન્હો ફાળવવામાં આવે છે, જે સામાન્ય રીતે યોગ્ય માનવામાં આવતા નથી.

ECએ ચૂંટણી ચિન્હ બદલવા પડ્યા

પાકિસ્તાનમાં ચૂંટણી પહેલા આના પર રાજનીતિ શરૂ થઈ ગઈ છે. પાકિસ્તાન તહરીક-એ-ઈન્સાફ અને પાકિસ્તાન પીપલ્સ પાર્ટીના ઉમેદવારોએ ચૂંટણી ચિન્હને લઈને હંગામો મચાવ્યો હતો, જે બાદ ECએ ચૂંટણી ચિન્હ બદલવા પડ્યા છે. પીટીઆઈ સાથે સંકળાયેલા નેતાઓએ પણ ફરિયાદ કરી છે કે તેમના ઉમેદવારોને અપમાનજનક અને વાંધાજનક ચૂંટણી ચિન્હો આપવામાં આવ્યા છે.

ડોન અનુસાર, પીએમએલ-એનના એક નેતાનું કહેવું છે કે જો તેઓ ચૂંટણી જીતશે તો તેઓ અપમાનજનક ચૂંટણી ચિન્હો હટાવી દેશે. જો કે પાકિસ્તાનમાં ચૂંટણી પહેલા આવા ચૂંટણી ચિન્હોને લઈને હોબાળો થાય છે જે વિવાદાસ્પદ અને અપમાનજનક હોય છે, પરંતુ ચૂંટણી પૂરી થતાની સાથે જ બધું ભૂલી જાય છે. હવે ફરી એકવાર ગધેડો, સ્મશાન, તવા કે રીંગણ જેવા ચૂંટણી ચિન્હોને લઈને હોબાળો થયો છે.

આ પણ વાંચોઃ ‘આ લોકશાહીની હત્યા છે…’ : ચંદીગઢ મેયરની ચૂંટણી પર CJIની આકરી ટિપ્પણી