અભિનેતા પ્રકાશ રાજની મુશ્કેલી વધી, પ્રણવ જ્વેલર્સ મની લોન્ડરિંગ કેસમાં EDએ સમન્સ પાઠવ્યા
બોલિવૂડ એક્ટર પ્રકાશ રાજની મુશ્કેલીઓ વધી શકે છે. EDએ તેમને પ્રણવ જ્વેલર્સ મની લોન્ડરિંગ કેસમાં સમન્સ પાઠવ્યા છે. EDએ ત્રિચી સ્થિત પાર્ટનરશિપ ફર્મ પ્રણવ જ્વેલર્સ વિરુદ્ધ મની લોન્ડરિંગ તપાસના સંબંધમાં અભિનેતા પ્રકાશ રાજને સમન્સ જારી કર્યા છે.
Enforcement Directorate issues summon to actor Prakash Raj in an alleged money laundering case linked to a ponzi scheme.
(file photo) pic.twitter.com/Xkm9vEqADa
— ANI (@ANI) November 23, 2023
ત્રિચી સ્થિત પ્રણવ જ્વેલર્સે ઉચ્ચ વળતરના વચન સાથે સોનાની રોકાણ યોજનાની આડમાં લોકો પાસેથી કથિત રીતે 100 કરોડ રૂપિયા એકત્ર કર્યા હતા. અધિકારીઓએ જણાવ્યું હતું કે રાજ પ્રણવ જ્વેલર્સનો બ્રાન્ડ એમ્બેસેડર હતો અને આ કેસમાં “તપાસ હેઠળ” છે. EDએ સોમવારે કથિત પોન્ઝી સ્કીમ ચલાવવાના આરોપમાં કંપની પર દરોડા પાડ્યા હતા.
પ્રણવ જ્વેલર્સ મની લોન્ડરિંગ કેસમાં EDએ સમન્સ પાઠવ્યું
એક નિવેદનમાં EDએ જણાવ્યું હતું કે, “તપાસમાં જાણવા મળ્યું છે કે પ્રણવ જ્વેલર્સ અને અન્ય સંલગ્ન વ્યક્તિઓએ બુલિયન/ગોલ્ડ જ્વેલરી ખરીદવાની આડમાં નકલી સંસ્થાઓ/એક્સેસ પ્રદાતાઓને જાહેર ભંડોળ ટ્રાન્સફર કરીને જનતા સાથે છેતરપિંડી કરી હતી.”
View this post on Instagram
EDએ તેના નિવેદનમાં વધુમાં જણાવ્યું હતું કે, “તપાસમાં એ પણ બહાર આવ્યું છે કે પ્રણવ જ્વેલર્સના પુસ્તકોમાં સપ્લાયર પક્ષો એન્ટ્રી પ્રોવાઈડર હતા, જેમણે તપાસ દરમિયાન પ્રણવ જ્વેલર્સ અને બેંકોને 100 કરોડ રૂપિયાથી વધુની રકમ માટે એડજસ્ટમેન્ટ કર્યાની કબૂલાત કરી હતી. “ચુકવણીના બદલામાં આરોપીઓને રોકડ આપવાની પણ કબૂલાત કરી હતી”.
Tiger 3ની દુનિયાભરમાં ધૂમ, માત્ર 5 દિવસમાં 300 કરોડનો આંકડો પાર
દરોડા દરમિયાન એજન્સીને ઘણા દસ્તાવેજો મળી આવ્યા હતા, 23.70 લાખ રૂપિયાની રોકડ, 11.60 કિલો વજનના બુલિયન/સોનાના દાગીના જપ્ત કરવામાં આવ્યા હતા.
