2000ની ચલણી નોટ જમા કરાવવાનો આજે છેલ્લો દિવસ

2 હજારની ચલણી નોટ જમા કરાવવાનો આજે છેલ્લો દિવસ છે, રિઝર્વ બેંક ઓફ ઇન્ડિયા(RBI)દ્વારા આપવામાં આવેલી 30 સપ્ટેમ્બર 2023 સુધીની સમયમર્યાદા આજે પૂર્ણ થાય છે. જો તમારી પાસે હજી પણ 2 હજારની નોટો પડી હોય તો આજે જ તેને તમારી આસપાસની બેંકમા જઈને જમા અથવા બદલવા માટેની છેલ્લી તક છે. રિઝર્વ બેંકે આજે બપોર સુધી હજુ આ અંગે મહેતલ વધારવાની કોઈ જાહેરાત કરી નથી તેથી પૂરી શક્યતા છે કે, આવતીકાલથી આ નોટ નકામી થઈ જશે.

ભારતીય રિઝર્વ બેંક (RBI) એ 19 મે, 2023 ના રોજ જાહેરાત કરી હતી કે રૂ. 2,000 ની નોટ ચલણમાંથી પાછી ખેંચી લેવામાં આવશે. આરબીઆઈએ લોકોને 30 સપ્ટેમ્બર, 2023 સુધીમાં નોટો જમા કરાવવા અથવા બદલી આપવા જણાવ્યું હતું. આરબીઆઈએ જણાવ્યું હતું કે નોટો 30 સપ્ટેમ્બર, 2023 પછી પણ કાનૂની ટેન્ડર તરીકે સ્વીકારવાનું ચાલુ રખાશે. જો કે બેંકમાં નોટો બદલવામાં નહીં આવે તો 30 સપ્ટેમ્બર, 2023 પછી તેનું મૂલ્ય બંધ થઈ જશે.જોકે આરબીઆઈએ કહ્યું હતું કે ચલણમાં રહેલી 2,000 રૂપિયાની નોટોમાંથી લગભગ 93 ટકા બેંકિંગ સિસ્ટમમાં પાછી આવી ગઈ છે.

શું તમે 30 સપ્ટેમ્બર પછી 2,000 રૂપિયાની નોટનો ઉપયોગ કરી શકશો?

આજે રૂ. 2,000ની નોટો પરત કરવાનો અથવા બદલવાનો છેલ્લો દિવસ છે. પરંતુ શું તેઓ સમયમર્યાદા પછી પણ કાનૂની ટેન્ડર તરીકે ચાલુ રહેશે? તેવો સવાલ ઘણાના મનમાં હશે. શક્યતા છે કે સપ્ટેમ્બરમાં વધુ થાપણો કરવામાં આવી છે, જેનાથી ચલણમાં રહેલી રકમમાં વધુ ઘટાડો થયો હશે. 1 ઓક્ટોબરના રોજ, આરબીઆઈ એક અપડેટ પ્રદાન કરે તેવી અપેક્ષા છે, જે હજુ પણ ચલણમાં રહેલી 2,000 રૂપિયાની બાકીની નોટોનું ભાવિ સ્પષ્ટ કરી શકે છે.

આ પણ વાંચો : વાઇબ્રન્ટ સમિટના 20 વર્ષ પૂરા થતાં રાજ્ય સરકાર ઉજવણી કરશે