દિલ્હી: જ્વેલરી શોરૂમની દિવાલ તોડી 25 કરોડની ચોરી

• દિલ્હીના ભોગલ વિસ્તારમાં આવેલી ઉમરાવ જ્વેલર્સમાં મોડી રાત્રે 25 કરોડ રૂપિયાની ચોરીની ઘટના સામે આવી છે. શોરૂમની દિવાલમાં કાણું પાડીને ચોરોએ આ ઘટનાને અંજામ આપ્યો હતો.

દિલ્હીના જંગપુરા વિસ્તારમાં એક જ્વેલરી શોરૂમની દિવાલ તોડીને કરોડો રૂપિયાની ચોરીનો મોટો મામલો સામે આવ્યો છે. ચોરીની આ ઘટના ભોગલ વિસ્તારમાં સ્થિત ઉમરાવ જ્વેલરની છે. જ્વેલરી શોરૂમની દિવાલમાં કાણું પાડીને ચોરોએ આ ઘટનાને અંજામ આપ્યો હતો. દિવાલ તોડીને ચોર પહેલા શોરૂમના લોકરમાં પહોંચ્યા હતા અને અંદાજીત 25 કરોડના મુદ્દા માલની ચોરી કરી છે. આ ઘટનાની માહિતી મળતાં જ નિઝામુદ્દીન પોલીસ સ્ટેશન ઘટનાસ્થળે પહોંચી ગયું હતું. પોલીસ શોરૂમમાં લાગેલા સીસીટીવી કેમેરાને સ્કેન કરી રહી છે.

#WATCH दिल्ली के भोगल इलाके में एक गहने की दुकान से करीब 20-25 करोड़ रुपए की चोरी का मामला सामने आया। वीडियो घटना स्थल से है। pic.twitter.com/zg2FU9mzoN

— ANI_HindiNews (@AHindinews) September 26, 2023

મળતી માહિતી મુજબ, દિલ્હીના ભોગલ વિસ્તારમાં એક જ્વેલરી શોરુમમાંથી ચોરોએ લગભગ 25 કરોડ રૂપિયાની ચોરી કરી હતી. આ મામલો સામે આવ્યા બાદ વિસ્તારમાં ભયનો માહોલ ફેલાયો છે. આ ઘટનાનો વીડિયો સોશિયલ મીડિયામાં ખુબજ ઝડપથી વાયરલ થઈ રહ્યો છે.

જ્વેલરી શોરુમ માલિકે શું કહ્યું?

દુકાનના માલિકને આ અંગે પુછવામાં આવ્યું તો તેમણે જણાવ્યું હતું કે, “અમે રવિવારે દુકાન બંધ કરી હતી અને મંગળવારે સવારે જ્યારે અમે દુકાન ખોલી તો અમે આખી દુકાનમાં માત્ર ધૂળ જ જોઈ. તપાસ કરતાં અમને જાણવા મળ્યું કે ચોરોએ શોરુમની દિવાલમાં એક કાંણું પાડીને શોરુમના સામાનની ચોરી કરી હતી. સ્ટ્રોંગ રુમમાં 5-7 લાખની રોકડ સહિત રૂ. 20-25 કરોડના સામાનની ચોરી થઈ છે. આ સાથે ચોરોએ સીસીટીવી કેમેરાને પણ નુકસાન પહોંચાડ્યું છે.

#WATCH | Delhi: “We closed the shop on Sunday and when we opened it on Tuesday after an off on Monday, we saw that there was dust in the whole shop and there was a hole in the wall of the strong room… We think they (thieves) have looted everything… There was jewellery worth… pic.twitter.com/75H9or8Wxe

— ANI (@ANI) September 26, 2023

આ પણ વાંચો: બેંગલુરુમાં વકર્યો કાવેરી વિવાદ, કલમ 144 લાગુ