પોતાની નવી રેસ્ટોરન્ટ લોન્ચ પાર્ટીમાં પતિ સૂરજ સાથે રોમાન્ટિક થઈ મૌની રોય

હાલમાં જ બોલીવૂડ અભિનેત્રી મૌની રોયે મુંબઇમાં એક નવી રેસ્ટોરન્ટ ખોલી હતી, આ દરમિયાન અભિનેત્રી પોતાના પતિ સાથે રોમાન્સમાં ડૂબેલી જોવા મળી હતી. તેના ફોટા સામે આવ્યા છે.ટેલીવિઝન અને બોલિવુડમાં પોતાના અભિનય માટે પ્રખ્યાત મૌની રોય હવે બિઝનેસ વર્લ્ડમાં પણ સફળતા મેળવવા માંગે છે. હાલમાં જ મૌની રોય એક રેસ્ટોરન્ટની માલિક બની હતી, જેની લોન્ચિંગ ઇવેન્ટમાં ગ્લેમર વર્લ્ડ સાથે જોડાયેલા ઘણા સ્ટાર્સે હાજરી આપી હતી. મૌનીએ પાર્ટીની અંદરના ફોટા પણ શેર કર્યા છે. મૌની રોયની આ નવી રેસ્ટોરન્ટ 4 જૂન 2023ના રોજ લોન્ચ કરવામાં આવી હતી. આ દરમિયાન અભિનેત્રી પોતાના પતિ સૂરજ નામ્બિયાર સાથે પહોંચી હતી.

અભિનેત્રીએ સોમવારે તેની રેસ્ટોરન્ટની અંદરના ફોટા શેર કર્યા છે. કેટલીક તસવીરોમાં તે સ્ટાઇલિશ પોઝ આપતી જોવા મળી રહી છે, તો ઘણી તસવીરોમાં મૌની પોતાના રેસ્ટોરન્ટના ટેસ્ટી ફૂડની મજા માણતી જોવા મળી રહી છે.એક તસવીરમાં ‘બ્રહ્માસ્ત્ર’ની અભિનેત્રી પોતાના પતિ સૂરજ નામ્બિયારની બાહોમાં સંપૂર્ણપણે ખોવાયેલી જોવા મળી રહી છે. આ ઈવેન્ટમાં મૌની ખૂબ જ ગ્લેમરસ લાગી રહી હતી. તેણે શોર્ટ સ્લિટ ડ્રેસ પહેર્યો હતો, જેને અભિનેત્રીએ મિની હેન્ડ બેગ અને હાઇ હીલ્સ સાથે સ્ટાઇલ કર્યો હતો. મૌની ખુલ્લા વાળ, સ્મોકી આંખો અને મિનિમલ મેકઅપમાં ખૂબસુરત લાગી રહી હતી. સાથે જ બ્લેક ટી શર્ટ અને જીન્સમાં તેનો હેન્ડસમ પતિ કૂલ લાગી રહ્યો હતો.

આ પણ વાંચો : પ્રણાલી રાઠોડે લાખો કિંમતની લક્ઝરી SUV ખરીદી

મૌની રોયના રેસ્ટોરન્ટ લોન્ચમાં ઘણા સેલેબ્સે હાજરી આપી હતી. મૌનીની બેસ્ટી દિશા પટનીથી લઈને તેજસ્વી પ્રકાશ, કરણ કુંદ્રા, અંકિતા લોખંડે, વિક્કી જૈન અને રેમો ડિસોઝા સુધી, રેસ્ટોરન્ટની લોન્ચ પાર્ટી સ્ટાર્સથી ભરેલી હતી.મૌની રોયે મુંબઈના અંધેરીમાં ‘બદમાશ’ નામની રેસ્ટોરન્ટ ખોલી છે. બેંગલુરુ સ્થિત ઉદ્યોગસાહસિક ડોન થોમસની માલિકીની આ એક નવી મલ્ટિ-આઉટલેટ રેસ્ટોરન્ટ ચેઇન છે.

મૌની મુંબઈના અંધેરીમાં શરૂ થયેલી ‘બદમાશ’ની કો-ઓનર છે.મૌની રોય છેલ્લે અયાન મુખર્જીની ફિલ્મ ‘બ્રહ્માસ્ત્ર પાર્ટ વન’માં જોવા મળી હતી. તે ટૂંક સમયમાં હોરર કોમેડી ફિલ્મ ‘ધ વર્જિન ટ્રી’માં જોવા મળશે. સિધંત કુમાર સચદેવના નિર્દેશનમાં બનેલી આ ફિલ્મમાં સંજય દત્ત, સની સિંહ અને પલક તિવારી પણ છે. ફિલ્મની રિલીઝ ડેટ હજુ સુધી જાહેર કરવામાં આવી નથી. હાલમાં જ મૌનીને ‘બ્રહ્માસ્ત્ર’ માટે આઇફા એવોર્ડ મળ્યો હતો.

આ પણ વાંચો : સત્યપ્રેમ કી કથાનું ટ્રેલર રિલીઝ, કિયારા અડવાણી અને કાર્તિક આર્યનની જોડીએ ચાહકોનું દિલ જીત્યું.