WhatsApp યુઝર્સ માટે ખુશીના સમાચાર, લાવી રહ્યું છે અત્યાર સુધીનું સૌથી બેસ્ટ ફીચર, જાણીલો પૂરી વિગત
WhatsApp પોતાના યુઝર્સના શ્રેષ્ઠ અનુભવ માટે એપમાં હમેશા નવા નવા ફીચર્સ ઉમેરતું રહે છે, તમને જણાવી દઈએ કે હવે કંપની પોતાના યુઝર્સ માટે એક નવા ફીચર પર કામ કરી રહી છે. Apple iPhone નો ઉપયોગ કરનારા યુઝર્સને ટૂંક સમયમાં એક નવું વિડીયો મેસેજ ફીચર મળશે, WhatsAppના આ આગામી ફીચરની મદદથી તમે તમારા કોન્ટેક્ટ્સને શોર્ટ વીડિયો મેસેજ મોકલી શકશો. જાણો નવા ફીચરની સંપૂર્ણ વિગતો.
60 સેકંડનો વિડીઓ મેસેજ મોકલી શકાશે
WhatsApp ડેવલપમેન્ટ પર નજર રાખનારી સાઈટ WAbetainfoના રિપોર્ટ અનુસાર, WhatsAppમાં આવનાર નવા વિડીયો મેસેજ ફીચરની મદદથી યુઝર્સ 60 સેકન્ડ સુધીના વિડીયો બનાવી અને મોકલી શકશે. એટલે કે હવે વોઈસ મેસેજની જેમજ વિડીયો મેસેજ પણ મોકલી શકાશે. તમને જણાવી દઈએ કે ક્લાઉડ આધારિત ઇન્સ્ટન્ટ મેસેજિંગ એપ ટેલિગ્રામ પર પણ વીડિયો નોટ ફીચર યુઝર્સ માટે પહેલેથી જ ઉપલબ્ધ છે.
આ પણ વાંચો : WhatsAppના આ ફીચર દ્વારા ઈમેજથી ટેક્સ્ટ કોપી કરી શકાશે, જાણો આ ફીચર વિશે
હાલ iOS એપ માટે ડેવલોપિંગ ફેઝમાં
રિપોર્ટ પરથી જાણવા મળ્યું છે કે આ આવનારી WhatsApp ફીચર હાલમાં iOS એપ માટે ડેવલોપિંગ ફેઝમાં છે. એવું માનવામાં આવે છે કે આ WhatsApp ફીચર બીટા યુઝર્સ માટે ટૂંક સમયમાં બીટા ટેસ્ટિંગ માટે બહાર પાડવામાં આવી શકે છે. બીટા ટેસ્ટિંગ પછી, યુઝર્સ માટે આ ફીચરનું સ્ટેબલ અપડેટ ક્યારે રોલઆઉટ કરવામાં આવશે, તે હજુ જાહેર કરવાનું બાકી છે.
આ પણ વાંચો : WhatsAppમાં આવ્યા આ 21 નવા Emoji
વોઈસ નોટ્સની જેમ જ કામ કરશે
WhatsApp પર વિડીયો મેસેજ ફીચર વોઈસ નોટ્સની જેમ જ કામ કરશે. જો કે, WhatsApp પર મેસેજિંગ અનુભવને વધારવા માટે, તેમાં કેટલાક વધારાના ફાયદાઓ પણ ઉમેરવામાં આવશે. આ નવા ફીચરની રજૂઆત પછી, યુઝર્સ વૉઇસ સંદેશાઓ અથવા ટેક્સ્ટ કરતાં વધુ સારી રીતે વિડીઓ દ્વારા તેમની લાગણીઓ અને અભિવ્યક્તિઓ વ્યક્ત કરી શકશે.
આ પણ વાંચો : WhatsApp લાવી રહ્યું છે ફોટો ફીચર, હાઈ કવોલીટી ફોટા અને વીડિયો થશે સેન્ડ !
નોંધનીય છે કે ઓડિયો અને ટેક્સ્ટ મેસેજની જેમ WhatsApp વિડીયો મેસેજ પણ એન્ડ-ટુ-એન્ડ એન્ક્રિપ્ટેડ હશે, એટલે કે મેસેજ મોકલનાર અને રિસીવર વચ્ચે સુરક્ષિત રહેશે. કોઈ ત્રીજી વ્યક્તિ, વોટ્સએપ, મેટા કે અન્ય કોઈ પણ શેર કરેલા વીડિયો મેસેજ જોઈ શકશે નહીં.
